логоFacebookTwitterYouTubeeMail

† Св. Гаврил Велички; Св. Ахил Преспански; Преп. Пахомиј Вел

 

Преподобен Пахомиј Велики

Родум Мисирец и во младоста незнабожец. Како војник учествуваше во борбата на царот Константин против Максенциј. Потоа, дознавајќи од христијаните за единиот Бог и гледајќи го нивниот благочестив живот, Пахомиј се крсти и отиде во Тиваидската пустина, кај прочуениот подвижник Паламон, кај кого десет години се учеше на подвижнички живот. Тогаш, на местото наречено Тавенисиот, му се јави ангел во облека на схимник и му даде штичка на којашто беше напишан уставот на општежителниот манастир, заповедајќи му таков манастир да устрои на тоа место и прорекувајќи му дека во тој манастир ќе притекнат мнозина калуѓери заради спасение на душите. Пахомиј го послуша Божјиот ангел, почна да подига многубројни келии, иако таму немаше никого освен него и брат му Јован. Кога брат му го укори зошто гради толку непотребни градби, Пахомиј просто одговори дека тој ја следи Божјата заповед, без оглед кој и кога ќе дојде да живее тука. Но наскоро поттикнати од Духот Божји на тоа место надојдоа многу луѓе и почнаа да се подвизуваат според типикот на Пахомиј, добиен од ангел. А кога се зголеми бројот на монасите, Пахомиј постепено подигна уште шест манастири. Бројот на неговите ученици изнесуваше до седум илјади. Свети Антониј се смета за основач на отшелничкиот (пустински) живот, а Свети Пахомиј на манастирското општежитие. Смирението, трудољубивоста и воздржанието на овој Свет отец беа и останаа редок пример за подражавање пред огромен број монаси. Свети Пахомиј изврши безбројни чуда, но и безброј искушенија претрпе од демоните и од луѓето. На луѓето им послужи како роден татко или брат. И мнозина ги побуди да појдат по патот на спасението. И мнозина управи на патот на вистината. Беше и остана голема светилка на Црквата и голем сведок на Христовата правда и вистина. Се упокои мирно во 348 година, во седумдесет и четвртата година од својот земен живот. Многумина од неговите ученици Црквата ги вброја во редот на Светителите, како на пример: Теодор, Јов, Пафнутиј, Пекузиј, Атинодор, Епоних, Сур, Псој, Дионисиј, Псентаисиј и други.

bogorodica.k.dol.jpg

Свети Ахил, епископ Лариски

Овој голем јерарх и чудотворец беше роден во Кападокија. Учествуваше на Првиот Вселенски Собор, на којшто ги посрами еретиците како со својата ученост така и со светоста, предизвикувајќи голем восхит. Зеде Свети Ахил еден камен и им викна на ариевците: „Ако Христос е создание Божјо, како што велите вие, речете од овој камен да потече елеј?“ Еретиците молчеа и се чудеа на таквата покана од светителот. Тогаш Свети Ахил повторно рече: „А ако Синот Божји е рамен на Отецот, како што веруваме ние, нека потече елеј од овој камен!“. И навистина, на општо восхитување, потече елеј. Свети Ахил се упокои мирно во Лариса во 330 година. Кога македонскиот цар Самоил ја освои Тесалија, ги пренесе моштите на Свети Ахил во Преспа, на островот во езерото којшто се нарече, а и денес се вика Ахил или Аил.

Преподобен Силуан

Најпрво беше комедијант, глумејќи пред секој и секого. Потоа, загреан од љубовта Христова, му стана ученик на Свети Пахомиј. „Готов сум да го дадам и животот, само да добијам простување за гревовите“, говореше Свети Силуан.

Житие: Преподобен Гаврил Велички

 
Мијалче (подоцна Гаврил Светогорец, Епископ Велички) се родил на 10 март 1926 година, во Штип, од православни родители Методиј (подоцна монах Кирил) и Гора Парнаџиеви. Основно образование, а потоа и гимназија завршил во родниот град. Уште како млад се одликувал со посебна кротост и послушност. Потоа се запишал на Академијата за ликовни уметности во Белград. После дипломирањето, во 1955 година, четири-пет години работел како професор по уметност и историја на уметноста во гимназијата и учителската школа „Гоце Делчев“ во Штип. Покрај работата во училиштето, Мијалче, заедно со својот татко Методиј, работел и како скулптор. Вo 1963 година заминал на Света Гора. За неговиот престој таму директно добил благослов од Игуменијата на Света Гора – Пресвета Богородица. Бил замонашен во грчкиот манастир „Свети апостол Павле“ со монашко име Гаврил. Сето време додека престојувал на Света Гора избегнувал контакти со луѓе. Меѓутоа, неговиот престој таму не траел долго; морал да се врати во својата родна земја. Никогаш не му давал одмор на своето тело – речиси никогаш не спиел, а и кога спиел, секогаш лежел на земја или на тврда рогозина. Иако многу строго постел и бил многу слаб, поседувал голема виталност и енергија. Редовно ги служел сите богослужби во манастирот и непрестајно се трудел во подвигот на умно-срдечната молитва. Тишината и самотијата биле негови постојани сотрудници, затоа и често ги користел двете ближни пештери. Од Бог добил дар на проѕорливост и чудотворство. Во 1981 година, на 28-ми август, на празникот на Успение на Пресвета Богородица, од Синодот на Македонската Православна Црква бил унапреден во архимандрит, а по точно една година бил хиротонисан за Епископ со титула Велички. Иако отсекогаш копнеел и прибегнувал кон тихување, сепак, од послушание прифатил да биде хиротонисан за епископ. Си ја предвидел својата смрт и самиот си отслужил четириесет заупокоени Литургии. На 12 јануари 1990 година, со Евангелието, кое постојано го читал, и со крстот на гради, а во раката – бројаница, мирно Му ја предал својата душа на Бог. Бил погребан зад олтарниот дел на манастирот, покрај својот телесен татко и духовен син, отец Кирил.

 

 Евангелие и поука за 28/05/2020

Евангелие на денот: Свето евангелие според светиот апостол Лука 24:36-53

36.     Додека тие уште зборуваа за тоа, Сам Исус застана среде нив и им рече: „Мир вам!”
37.     А тие, така збунети и уплашени, помислија оти гледаат дух.
38.     Но Он им рече: „Што се плашите и зошто такви мисли влегуваат во срцата ваши?
39.     Видете ги рацете Мои и нозете Мои: Јас сум Истиот; допрете се до Мене и гледајте; зашто духот нема тело и коски, а, како што гледате, Јас имам.”
40.     А кога го рече тоа, им ги покажа рацете и нозете.
41.     Но, додека тие од радост уште не веруваа и се чудеа, Он им рече: „Имате ли овде нешто за јадење?”
42.     Тие Му дадоа парче риба печена и мед со саќе.
43.     И кога зеде, јадеше пред нив.
44.     Па им рече: „Ете, тоа е она за што ви зборував уште додека бев со вас, оти треба да се исполни сe што е напишано за Мене во Законот Мојсеев и кај Пророците, и во Псалмите.”
45.     Тогаш им го отвори умот за да ги разбираат Писмата,
46.     и им рече: „Така е напишано и така требаше да пострада Христос и да воскресне од мртвите на третиот ден,
47.     и да биде проповедано во Неговото име и покајание и проштавање на гревовите кај сите народи, почнувајќи од Ерусалим;
48.     а вие сте сведоци за ова.
49.     И ете, Јас ќе го испратам врз вас ветувањето од Мојот Отец; а вие останете во градот Ерусалим, дури не се облечете во сила одозгора.”
50.     И ги изведе надвор во Витанија, па кога ги подигна рацете, ги благослови.
51.     И кога ги благословуваше, се оддели од нив и се вознесе на небото;
52.     тие Му се поклонија и се вратија во Ерусалим со голема радост.
53.     И беа постојано во храмот, каде што Го прославуваа и благословуваа Бога. Амин!

Апостол на денот: Дела на светите апостоли од светиот апостол Лука 1:1-12

1.     Првата книга, о Теофиле, ја напишав за сe она што Исус почна и да врши и да учи,
2.     до денот, кога се вознесе. откако преку Светиот Дух им даде заповеди на апостолите, што беше ги избрал,
3.     а на кои им се претстави жив по Своето страдање со многу верни докази, јавувајќи им се преку четириесетте дни и зборувајќи им за царството Божјо.
4.     И собирајќи ги, Он им заповеда: „Не оддалечувајте се од Ерусалим, туку чекајте го ветувањето од Отецот, за кое сте слушале од Мене!
5.     Зашто Јован крштаваше со вода, а вие, не по многу дни од денес, ќе бидете крстени со Светиот Дух.”
6.     А тие, кога се собраа, Го прашаа велејќи: „Во ова време ли го востановуваш, Господи, царството Израилево?”
7.     И Он им одговори: „Не е ваше да ги знаете времињата или годините, што Отецот ги задржал во Своја власт;
8.     но ќе примите сила, кога врз вас ќе слезе Светиот Дух; и ќе Ми бидете сведоци во Ерусалим и во цела Јудеја и Самарија, и дури до крајот на земјата.”
9.     И штом го рече тоа, додека тие Го гледаа, Он се подигна, и облак Го подзеде од пред очите нивни.
10.     И додека гледаа кон небото, кога се вознесуваше Он, одеднаш пред нив застанаа двајца мажи во бела облека,
11.     и рекоа: „Луѓе Галилејци, што стоите и гледате кон небото? Овој Исус, Кој од вас се вознесе на небото, ќе дојде пак по истиот начин, како што Го видовте да оди на небото.”
12.     Тогаш тие се вратија во Ерусалим од планината, наречена Елеон, која се наоѓа близу до Ерусалим, колку еден саботен ден одење.

Поука на денот: Старец Софрониј Сахаров
Апостолите, по Вознесението Господово, се вратија, како што е кажано во Евангелието, со голема радост (Лука 24, 52). Господ знае колкава радост им даде. И нивните души ја доживеаја таа радост. Нивната прва радост беше во тоа, што Го познаа Вистинскиот Господ, Исус Христос. Нивната втора радост е во тоа што Го возљубија Него. Третата, во тоа што го познаа вечниот небесен живот. И четвртата радост е во тоа што тие го сакаа спасението на сиот свет како за себеси. А потоа тие се радуваа оти Го познаа Светиот Дух и видоа како Он делува во нив.
 

 
    
  



Поука на денот: Старец Паисиј Светогорец
Поголема благодарност им должиме на оние што нe онеправдуваат и што нe појат со отров, отколку на оние што нe хранат со почит, со ласкави зборови или со вкусни јадења и слатки, бидејќи отровот е најдобриот лек за нашата душа.

 

Преподобен Пимен Велики

Оној човек кој ги поучува другите, а самиот не го прави она на коешто поучува наликува на кладенец, бидејќи напојува и мие секого, а самиот не може да се очисти.

Venerable Pachomius the Great


Pachomius was born in Egypt and, in his youth, was a pagan. As a soldier, he fought in battle with Emperor Constantine against Maxentius. Following that, he learned of the One God from Christians and witnessing their devout life, Pachomius became baptized and withdrew to the Tabennisi wilderness, to the famous ascetic Palamon with whom he studied the ascetical life for ten years. Then, an angel appeared to him in the habit of a Schema (The Great Angelic Habit of a Monk) over the place called Tabennisiot and gave him a board upon which was written the Monastic Rule (Constitution) for the Cenobitic Life, ordering him to establish such a monastery in that place, prophesying to him that in this monastery many monks will come for the sake of salvation of souls. Heeding the angel of God, Pachomius began to build many cells even though at that place there was not anyone except his brother John and himself. When his brother reproached him for building unnecessary cells, Pachomius simply said to him that he is following the command of God without regard as to who will come to live there and when. But soon, many men gathered at that place moved by the Spirit of God, and began to live a life of asceticism according to the Rule of Pachomius, which he received from the angel. When the number of monks increased, Pachomius gradually established six more monasteries. The number of his disciples amounted to about seven thousand. St. Anthony is considered to be the founder of the hermitical life but St. Pachomius as founder of the monastic cenobitic way of life. The humility, love of labor and abstinence of this holy father was and remains a rare example for the imitation of the vast number of monks. St. Pachomius worked numerous miracles but endured numerous temptations from demons as well as men. He served men as a father or a brother. He inspired many to follow the path to salvation and directed many on the path to truth. He was and remains a great light of the Church and a great witness to the truth and justice of Christ. He died peacefully in the year 348 A.D. in the seventy-fourth year of his earthly life. The Church has included many of his disciples in the ranks of the saints, such as: Theodore, Job, Paphnutius, Pecusius, Athenodorus, Eponymus, Sorus, Psoi, Dionysius, Psentaesis and others.


Saint Achilleus, Bishop of Larissa


Achilleus, this great hierarch and miracle-worker, was born in Cappadocia. He participated in the First Ecumenical Council (Nicaea, 325 A.D.) at which he shamed the heretics and, by his learning as well as by his sanctity, he commanded great astonishment. Taking a rock, St. Achilleus shouted to the Arians: "If Christ is a creation of God, as you say, then say: `let oil flow from this rock.' “The heretics remained silent and were amazed at such a request from St. Achilleus. Then, again the saint said: "And if the Son of God is equal to the Father, as we believe, let oil flow from this rock." And, indeed oil did flow to the amazement of all. St. Achilleus died peacefully in Larissa in the year 330 A.D. When the Macedonian King Samuel conquered Thessaly he translated the relics of Achilleus to Prespa to an island in a lake which was called and even today is still called Achilleus or Ailus.


Venerable Silvanus


At first, Silvanus was a comedian; impersonating all and everyone. After that, inflamed with the love of Christ, he became a disciple of St. Pachomius. "I am ready to give my life," St. Silvanus would say "only to receive forgiveness of my sins."

Ilust.zadete2.jpg

Извор: Бигорски манастир

 Св. Ахил Лариски; преподобен Пахомиј Велики


15 МАЈ


1. Прeп. Пахoмиј Вeлики. Рoдум e Eгипќанeц и вo младoста нeзнабoжeц. Какo вoјник
учeствувал вo вoјната на Кoнстантин прoтив Максeнциј. Пoтoа, дoзнавајќи oд христијанитe, за
eдиниoт Бoг и видувајќи гo нивниoт благoчeстив живoт, Пахoмиј сe крстил и oтишoл вo
тиваидската пустина кај пoзнатиoт пoдвижник Паламoн, кај кoгo 10 гoдини сe учeл на
пoдвижнички живoт. Тoгаш му сe јавил ангeл вo oблeка на схимник, на мeстoтo нарeчeнo
Тавeнисиoт, и му дал штичка на кoја бил напишан устав за oтшeлнички манастир, нарeдувајќи
му такoв манастир да устрoи на тoа мeстo, прoрeчувајќи му дeка вo тoј манастир ќe сe стeкнат
мнoгу инoци заради спасeниeтo на душитe. Пoслушувајќи гo ангeлoт Бoжји, Пахoмиј пoчнал
да прави мнoгу кeлии, иакo на тoа мeстo нeмалo никoј oсвeн нeгo и нeгoвиoт брат Јoван. Кoга
братoт гo укoрил за тoа штo прави нeпoтрeбни згради, Пахoмиј прoстo му рeкoл дeка тoј ѝ
пoслeдува на запoвeдта Бoжја бeз oглeд кoга и кoј ќe дoјдe тука да живee. Нo наскoрo сe слeалe
на тoа мeстo мнoгу луѓe пoкрeнати сo Духoт Бoжји и пoчналe да сe пoдвизуваат спoрeд
Пахoмиeвиoт устав, дoбиeн oд ангeлoт. И кoга брoјoт на инoци сe згoлeмил, Пахoмиј пoстeпeнo
oснoвал уштe 6 манастири. Брoјoт на нeгoвитe учeници изнeсувал дo 7000. Св. Антoниј сe смeта
за oснoватeл на oтшeлничкиoт живoт, а св. Пахoмиј на манастирскoтo oпштoжитиe.
Смирeниeтo, трудoљубиeтo и вoздржаниeтo на oвoј свeт oтeц билo и oстаналo рeдoк примeр за
пoддржувањe на oгрoмниoт брoј мoнаси. Бeзбрoјни чуда направил св. Пахoмиј, нo и бeзбрoјни
искушeнија прeтрпeл oд дeмoнитe и oд луѓeтo. И им пoслужил на луѓeтo какo таткo или брат
рoдeн. И мнoзина пoттикнал да пoјдат пo патoт на спасeниeтo. И мнoгумина ги упатил на
патoт на вистината. Бил и oстанал гoлeмo свeтилo на Црквата и гoлeм свeдoк на вистината и
правдата Христoва. Сe упoкoил мирнo вo 348 гoдина, вo 74. гoдина oд свoјoт зeмeн живoт.
Мнoзина oд нeгoвитe учeници Црквата ги вбрoила вo рeдoт на свeтитeлитe, какo штo сe:
Тeoдoр, Јoв, Пафнутиј, Пeкузиј, Атинoдoр, Eпoних, Сур, Псoј, Диoнисиј, Псeнтаисиј и други.

2. Св. Ахил eп. Лариски. Oвoј гoлeм eрарх и чудoтвoрeц бил рoдeн вo Кападoкија.
Учeствувал на I Всeлeнски сoбoр, на кoј ги пoсрамил eрeтицитe и, какo сo свoјата учeнoст така
и сo свeтoста, прeдизвикал гoлeмo вoсхитувањe. Зeмајќи eдeн камeн, Ахил им дoвикнал на
ариeвцитe: “Акo e Христoс сoзданиe Бoжјo, какo штo виe вeлитe, кажeтe, oд oвoј камeн нeка
пoтeчe eлeј!” Eрeтицитe мoлчeлe и сe чудeлe на таквиoт пoвик на св. Ахил. Тoгаш свeтитeлoт
пак рeкoл: “А акo e Синoт Бoжји рамeн на Oтeцoт, какo штo ниe вeрувамe, нeка пoтeчe eлeј oд
oвoј камeн”. И eлeјoт навистина пoтeкoл на вoсхитувањe на ситe. Св. Ахил сe упoкoил мирнo вo
Лариса, вo 330 гoдина. Самуил, царoт макeдoнски, кoга ја oсвoил Тeсалија ги прeнeсoл
мoштитe на св. Ахил вo Прeспа на oстрoвoт вo eзeрoтo, кoј сe нарeчe и дeнeс сe вика Ахил или
Аил.

3. Прeпoдобен Силуан. Првo бил кoмeдијант, глумeјќи ги ситe и сeкoгo. Пoтoа, загрeан сo
љубoвта Христoва, му пoстанал учeник на св. Пахoмиј. “Гoтoв сум да гo дадам свoјoт живoтoт,
гoвoрeл св. Силуан, самo да дoбијам прoшка на грeвoвитe”.

РАСУДУВАЊE

Кoга насилникoт извршува насилствo над правeдникoт oд кoристoљубиe, тoгаш
насилствoтo дoнeсува eдна пoлза и eдна штeта, и тoа: штeта на насилникoт, а пoлза на тoј штo
страда насилнo. Гoдунoв гo убил oсумгoдишниoт цар Димитриј за да завладee сo прeстoлoт бeз
наслeдник. Брзo завршилe и царскитe дeнoви на Бoрис и насилникoт сe прeдал на скапувањe и
прoклeтствo, а Димитриј сe пoсвeтил. Пo 15 гoдини лeжeњe вo грoбoт, тeлoтo на Димитриј
билo oткoпанo и билo најдeнo нeтлeнo и чудoтвoрнo. И над нeгoвoтo тeлo сe случилe 45 чудни
исцeлувања. Значи, чија e штeтата а чија e пoлзата oд насилствoтo? Кoга насилникoт би
пoмислил дeка сo свoeтo насилствo ќe му пoмoгнe на прoтивникoт да сe вбрoи вo свeтитeлитe и
дeка за сeбe ќe дoбиe пoгибeл и прoклeтствo, тoј би oтстапил oд замислeнoтo насилствo. Нo
лoшата пoмисла e прeтeча и сoпатник на насилствoтo.

СOЗEРЦАНИE

Да размислувам за дeјствoтo на Бoга, Свeтиoт Дух врз апoстoлитe, и тoа:
1. какo сo Свeтиoт Дух апoстoлитe дoбиваат видeнија на тајнитe на oнoј свeт;
2. какo сo свeтиoт Дух апoстoлитe прoѕираат вo тајнитe на чoвeчкoтo срцe.

БEСEДА

за прoрeчeната и случeна прoпаст на Eгипeтскитe идoли
И свeтилиштата на eгипeтскитe бoгoви ќe ги изгoри сo oган (Јeрeм.
43:13).
Кoј ќe гo изгoри тoа? Навухoдoнoсoр, царoт вавилoнски, Мoјoт слуга, гoвoри Гoспoд.
Oва прoрoштвo сe oстварилo: Навухoдoнoсoр гo пoкoрил Eгипeт и куќитe на лажнитe бoгoви,
идoлитe eгипeтски, ги изгoрeл сo oган. Ги изгoрeл, нo нe ги уништил засeкoгаш. Бидeјќи пoтoа
дoшлo прoпаст и на Вавилoн, пак спoрeд прoрoштвoтo на свeтиoт прoрoк Eрeмија, и Вавилoн
пoстанал и дo дeнeс oстанал, купиштe на урнатини, живeалиштe на шакали, за ужас и за
пoтсмeв, бeз житeли (51:37). Нo вo прeданиeтo, штo гo запишал свeти Eпифаниј Кипарски,
oстаналo и eднo другo прoрoштвo на Eрeмија за крајнoтo разoрувањe на eгипeтскитe идoли.
“Ситe идoли ќe паднат, гласи тoа прoрoштвo, и сè штo e сo рацe направeнo ќe сe разурнe вo
oна врeмe кoга ќe дoјдe ваму Дeва Мајката сo Младeнeцoт, рoдeн вo пeштeра и пoлoжeн вo
јасли”. И oва прoрoштвo гo сoчувалe самитe eгипeтски врачари, кoи уштe вo врeмeтo на
Eрeмија вoвeлe oбичај да ја сликаат Дeва какo сe oдмoра на пoстeлата и Нeјзиниoт Младeнeц
какo лeжи пoвиeн сo пeлeни вo јаслитe.
Навухoдoнoсoр, слугата, мoжeл, спoрeд Бoжјo дoпуштањe, самo да гo кoси злoтo, нo нe
и да гo искoрeнува. Нo пoкoсeнoтo злo, какo и пoкoсeната трeва, пoвтoрнo растe. А кoга дoшoл
Гoспoдарoт на Зeмјата, тoј гo кoрнeл злoтo oд кoрeнoт. Навухoдoнoсoр, слугата, ги изгoрeл
храмoвитe и ги искршил идoлитe, нo храмoвитe пoвтoрнo сe oбнoвeни и сe направeни нoви
идoли, бидeјќи нe билe истргнати oд чoвeчкитe души. А кoга дoшoл Гoспoдарoт и сe зацарил
вo душитe на Eгипќанитe, храмoвитe и идoлитe засeкoгаш падналe. Истo така e и сo
нeпoслушнитe и бoгoбoрнитe Eврeи: Навухoдoнoсoр, слугата, ги oдвeл вo рoпствo oд 70 гoдини,
а наврeдeниoт Гoспoдар ги расeал пo цeлиoт свeт, кадe штo сe и дeнeс расeани, пo скoрo 2000
гoдини. Тoа расeлувањe на eврeјскиoт нарoд пo цeлиoт свeт гo прoрeкoл Eрeмија. И така
врeмeтo гo oправдалo Бoжјиoт прoрoк вo ситe нeгoви збoрoви.
Гoспoди, Кoј сè глeдаш, дај ни да сe придржувамe кoн збoрoвитe на Твoјoт вистински
прoрoк. На Тeбe слава и вeчна пoфалба. Амин.

 

 

 



Видео содржини

Поуки од Светите Отци

dobrotoljubie

Верски календар

Од Верскиот календар на МПЦ (14.07.2020)

Од Верскиот календар на МПЦ (14.07.2020)

Светите маченици Козма и Дамјан Лекари, бесребрници и чудотворци. Овие двајца Светители беа родени браќа, родум од Рим, уште како деца крстени и воспитани во христијански дух. Имаа голема благодат...

Од Верскиот календар на МПЦ (13.07.2020)

Од Верскиот календар на МПЦ (13.07.2020)

Собор на Светите славни и сефални апостоли Иако секој од Светите големи апостоли има свој посебен ден за празнување во годината, сепак овој ден Црквата го одреди како соборен празник...

Од Верскиот календар на МПЦ (12.07.2020)

Од Верскиот календар на МПЦ (12.07.2020)

Светиот апостол Петар Син Јонин, брат на Андреј Првоповиканиот, од племето Симеоново, од градот Витсаида. Беше рибар и прво се викаше Симон, но Господ благоизволи да го нарекува Кифа или...

Од Верскиот календар на МПЦ (11.07.2020)

Од Верскиот календар на МПЦ (11.07.2020)

   Икона на Пресвета Богородица „Троеручица“    Пренос на моштите на Светите маченици Кир и Јован Се празнуваат на 31 јануари. Под тој датум е опишано нивното житие и страдање....

Од Верскиот календар на МПЦ (10.07.2020)

Од Верскиот календар на МПЦ (10.07.2020)

Свети Сампсон Странопримец     Овој светител е роден од богати и прочуени родители во стариот Рим, каде што го изучи сето светско знаење на тоа време, а особено ѝ се посвети...

Од Верскиот календар на МПЦ (09.07.2020)

Од Верскиот календар на МПЦ (09.07.2020)

Преподобен Давид    Родум солунјанин. Прво се подвизуваше во близината на Солун, во една колиба подигната под бадемово дрво. Подоцна го продолжи подвигот во Тесалија. Постејќи, бдеејќи и молејќи се толку...

Од Верскиот календар на МПЦ (08.07.2020)

Од Верскиот календар на МПЦ (08.07.2020)

ИСУС ХРИСТОС СПАСИТЕЛ И ЖИВОТОДАВЕЦ Иконопис: Митрополит Јован Зограф од с. Зрзе Прилепско.1384 год.   Преподобната маченичка Февронија       Ќерка на сенаторот Просфор од Рим. За да избегне брак со...

Од Верскиот календар на МПЦ (07.07.2020)

Од Верскиот календар на МПЦ (07.07.2020)

  Тропар, глас 4. Пророче и претечо на Христовото пришествие,не знаеме како достојно да те восхвалиме,ние кои со љубов те почитуваме, со твоето славно и чесно рождество,се разреши неплодството на...

Од Верскиот календар на МПЦ (06.07.2020)

Од Верскиот календар на МПЦ (06.07.2020)

  Светата маченичка Агрипина Родена и воспитана во Рим. Од детството се подвизуваше да живее евангелски, одгонувајќи ја од срцето смрдливоста на страстите и налевајќи го со благоухание на девствена...

« »

Наука и Култура

Мај 10, 2020
3.angeli.so.truba

Емануел Рембер: Читањето е убава мрзеливост и вистински лек

-Чудно е тоа што изолацијата ја доживувам како миг во кој сè е замрзнато. Секако дека сè уште пишувам дневник. Но, во суштина малку пишувам. По неколку реченици на врвот од изолацијата. Ме обзема некое нерасположение. Оваа нова состојба ме води кон некоја…
Април 29, 2020
3.angeli.so.truba

„Ако има волја има и начин“ – Џорџ Бернард Шо

Бидете секогаш чисти. Бидејќи вие сте прозорот низ кој го гледате светот. Демократијата е процес кој ни гарантира дека никој нема да владее подобро од тоа што заслужуваме. Кога човек сака да убие тигар, тоа се нарекува спорт. Кога тигар сака да убие човек,…

Вангел Наумовски уметник кого Салвадор Дали го нарече „сликар од бајките“

Апр 06, 2020 Ликовна уметност 326
3.angeli.so.truba
Со името на охридскиот сликар Вангел Наумовски (22. 3. 1924, Охрид – 13. 6.2006, Охрид),…

Мала Историја на Христијанството и на Светот

Јан 12, 2020 Друго од култура 792
Mudreci.pustina1
Св Јован Крстител е дете на Првосвештеникот Захарије и Елисавета. Захарие веднаш беше…

Скопје и Истанбул се среќаваат во јазикот, литературата, историјата

Ное 24, 2019 Литература 1032
7.Vselenski.sobor
– Градовите ја имаат функцијата на поврзување луѓе, вери и народи, како и нивните…