логоFacebookTwitterYouTubeeMail

Во соработка со Mediterranean Events, во сабота, 2ри март, во Millenium Chapel во Ст.Џулијан, Малта, македонската композиторка Дарија Андовска ќе се претстави со целовечерен мултимедијален концерт под наслов LIQUID- CRYSTAL, како што е наречено и нејзиното авторско ЦД во издание на СОКОМ. Автор на видеата е Мартин Иванов.
Дарија Андовска е еден од најплодните македонски автори, со широк спектар на делување.


Она поради што сум толку многу среќен и поради што овој човек овде, Џијан Емин, го нарекувам „мој брат“ е тоа што тој влезе во мојата душа и таму најде нешто. Можеби и работи кои не сум ги почувствувал и самиот. Го грабна моето срце и заедно со оркестарот направи чиста екпресија. И затоа за него не чувствувам ништо друго освен љубов, почит и бескрајно сум му благодарен за она што го стори, вели славниот нигериски музичар и борец за човекови права Феми Кути во пресрет на престојниот концерт со Македонска филхармонија, в четврток на 7 јуни во скопскиот Градски парк.

Роден на 16 јуни 1961 година во Лондон, Олуфела Олуфеми Аникулапо Кути, познат како Феми Кути е нигериски музичар и најстариот син на пионерот на афробитот и борец за слобода и човекови права Фела Кути. Израснат во Лагос, професионалната кариера ја почнал во бендот на својот славен татко „ЕГИПТ 80“. Во 1986 година ги формирал ПОЗИТИВ ФОРС и започнал да се етаблира како артист кој сака да создаде сопствен израз на музицирање кој ќе го направи автентичен и единствен, та дури и независен од богатата оставнина на големиот Фела.

Во 1995 година, Феми го објавува деби албумот со неговото име и од тогаш концертира ширум светот и особено е познат и впечатлив по неговите настапи на концертните сцени. Потем следуваат и „Shoki, Shoki“ (1998), па „Fight to Win“ (2001) и „Day By Day“ ( 2008), а во 2010 година, го објавува и извонредниот „Africa for Africa“, за кој двата пати беше номиниран за престижната награда „Греми“.

Со микс од т.н. енергетски набиен фанк, џез, реге и традиционални африкански ритми, во неговите песни Феми Кути зборува за политичката корупција, сиромаштијатата, лошите животни услови во родната Нигерија, како и во светот, диктаторскиот режим... Неговата музика се занимава со политичкиот и социјалниот аспект на живеење, со општествениот ангажман, носи силни пораки и токму тие се врзивната точка меѓу таткото и синот. Феми Кути всушност, ја следи сличната филозофија на она што го втемели Фела Кути и затоа неговата музика инспирира, и има за цел да го промени и да го мотивира африканскиот народ.

Таквите негови заложби се присутни и на следните две објави „No Place For My Dream“ (2013) и актуелниот „One People One Dream“ (обата за прочуената њујоршка етикета Knitting Factory Records ), а нема двојба дека Феми Кути и натаму останува еден од оние музичари чија музика ги инспирира, менува и мотивира луѓето од Африка.

РСЕ: Господине Кути, мнозина од нас сè уште добро го паметат вашиот експлозивен концерт на Скопскиот џез фестивал во 2004 година. По нецели 14 години Вие, со вашиот бенд „Позитив форс“, наново сте тука и ќе настапите со Македонската филхармонија на концертот што ќе се одржи во Градски парк, в четврток на 7 јуни. Дали е ова ваше прво искуство да соработувате со голем оркестар?

Токму така. Ова ми е прв пат да се најдам во таква позиција, иако морам да признам дека тоа досега беше мојот најпосакуван сон. Секогаш мечтаев за таков еден зафат, но никогаш не мислев дека ќе ми се случи во животот. И таа желба немаше граници. Затоа сега ова ми изгледа како бајка. Убеден сум дека го живеам моментот кога сонот ми станува стварност.

Кој е „виновникот“ за тоа? Како започна оваа соработка со Македонска филхармонија?

Џијан Емин, овој човек што седи до мене и кого јас сега едноставно го нарекувам „брат“. Тој цели две години се обидувал да контактира со мене преку луѓето во мојот менаџмент, но без успех. Никој не сакал да слушне за неговата идеја, а јас бев постојано зафатен со организацијата на тековните настани и настапи. Едноставно така функционираат работите во Нигерија и навистина морате сами да внимавате на секој чекор. Сепак, Џијан немал намера да се откаже од идејата и конечно ме побара на социјалните мрежи и имавме навистина долг и плоден разговор за музиката. За она што тој имаше намера да го истурка до крај. Еве ме сега сум тука и како полека ја исправаме куќата на сите ни станува јасно колку е сево што го правиме сериозно. Колку е голем овој проект. Во овие неколку дена од нашата заедничка работа, од размената на идеи и енергии со Џијан и со оркестарот, мене ми се врежува една мисла – дека ова е можеби најголемата работа што ја правам во животот.



Ова што го велите ме упатува на заклучок дека многу лесно сте успеале да воспоставите професионални, емотивни и енергетски релации со овие музичари, посебно со диригентот и аранжерот. Имавте ли можност досега да се запознаете со македонската музика, конечно со творештвото на Џијан Емин?

Не. Но се обидов да стекнам што повеќе знаења за музиката на големите оркестри. За мене музиката е јазикот на вселената и со неа најлесно можете до комуницирате со кого било. Она што сега го правиме е резултат на мојот неотсонуван сон да се најдам пред голем оркестар. Со музичарите да ги споделам моите мисли, чувствата, пораките. Затоа пак ќе речам ова за мене е како бајка.

Верувате ли дека овој Ваш проект со Македонската филхармонија може да има убава иднина на интернационалната сцена?

Дефинитивно. Сметам дека луѓето од музичкиот бизнис ќе бидат шокирани од она што ќе го чујат. Вложивме многу емоции во него. Дури и претходно кога на пријателите и на некои продуценти ќе им кажев дека ќе работам со голем оркестар никој од нив не го криеше изненадувањето. Затоа не се сомневам дека кога сето ова ќе биде документирано оние што ќе имаат можност да го слушнат комплетно ќе забегаат. Убеден сум дека ова ќе биде нешто навистина големо. Она поради што сум толку многу среќен и поради што овој човек овде, Џијан Емин, го нарекувам „брат“ е тоа што тој влезе во мојата душа и таму најде нешто. Можеби и работи кои не сум ги почувствувал и самиот. Го грабна моето срце и заедно со оркестарот направи чиста експресија. И затоа за него не чувствувам ништо друго освен љубов, почит и бескрајно сум му благодарен за она што го стори. Верувам, силно верувам, дека ова ќе биде навистина големо нешто во музичката индустрија.

Носите маичка со ликот на вашиот татко легендарниот Фела Кути. Како силен продолжувач на неговото дело, како творец чија музика носи силни политички и хумани пораки, сметате ли дека оваа соработка ќе може да и даде нова и поинаква енергија на вашата мисија?

Секако. Нималку не се сомневам во тоа дека ова што сега го правам е можеби најважното нешто во мојот живот затоа што и се претставувам на една друга публика. На публика која ја сака класичната музика. На таа публика ѝ отворам нови видици. Ѝ покажувам како класиката може да се вкрсти со афробитот. Вообичаено луѓето афробитот го гледаат блиску до џезот. Вака отвораме еден поинаков сектор, сектор во кој музиката на Африка се испреплетува со класиката. И тоа е податливо за различна публика. Се отвораат и можат да се видат многу допирни точки и поинакви можности. Ова што се случува е нешто несекојдневно. Можеби и нешто што најмалку сме го очекувале. Сметам дека овој проектот е со важна интернационална порака. Мнозина ќе слушнат дека работите почнаа од овде, од Македонија. И, тоа е исто така важна работа за оркестарот, за диригентот, за сите учесници, за државата воопшто. Затоа во ниту еден момент не се мислев околу тоа дали да ја искористам ова можност или не. Едноставно ако не ја зграпчев, можеби таа никогаш немаше да се повтори. Затоа и сум среќен што ова се случува и кога во своите изјави Џијан го нарекувам „мој брат“, тоа е она како всушност треба браќата исправено да чекорат еден покрај друг.


16x9 Image

    Љупчо Јолевски

    Како новинар, водител и уредник Јолевски во новинарството е безмалку 4 децении. Кариерата ја почнал во Млад Борец на почетокот од 1980-тите. Потем долги години бил во Телевизија Скопје и во Македонското радио - Втора програма, како и во други медиуми. Во Радио Слободна Европа Јолевски е од самиот почеток на емитувањето на програмата на македонски јазик.

 

Извор:https://www.slobodnaevropa.mk/a/29273503.html

 06.06.2018 г.

 


    Во рамките на China CEEC Cultural Season- Music Dialog and Cooperation 2017, на 13 октомври, во Концертната Сала на Пекинг премиерно се изведоа 8 композиции од европски композитори претходно селектирани од страна кинеското Министерство за култура. Концертот беше распродаден 10 дена однапред, за сала со капацитет од 1500 седишта. Светска премиера имаше и композицијата на Дарија Андовска, циклусот Heavenly Questions за Оркестарот на Забранетиот Град, напишан на сегменти од Tianwen, збирка на класична кинеска поезија, која истовремено служи како извор на информации за древната култура од Кина, во форма на серија од прашања кои алудираат на митовите и функционираат како серија на алузивни фрагменти. Оркестарот на Забранетиот Град е составен од претежно традиционални кинески инструменти, вклучувајќи пијано и контратенор. Композицијата на Дарија Андовска беше оценета од страна на европските колеги, но и композиторите од Кина, како една од најдобрите, со извонредно високо ниво на музикалност и професионалност.  Циклусот Heavenly Questions, по премиерата во Пекинг, ќе биде изведуван низ Кина и Европа, во рамките на турнејата на Оркестарот на Забранетиот Град.

 

 pp

 

 

Во рамки на Деновите на духовната култура на Русија во Македонија, на 18- ти јуни 2016 година, на сцената на Македонскиот народен театар се одржа концерт на вокално-кореографскиот ансамбл „Рус“ од рускиот град Владимир.

Раководител на ансамблот е Едуард Ахметов, заслужен уметник на Русија. На репертоарот на ансамблот се ставени нумери кои ја одразуваат богатата традиција на руската музичка култура.

Ансамблот „Рус“ е колектив со широк изведувачки дијапазон. Музиката на ансамблот „Рус“ претставува, пред сè, фолклорна основа со елементи на симфонизам и рок. Ансамблот е мошне познат во Русија и во странство како колектив кој на современ начин на сцената го интерпретира традиционалниот руски фолклор.

Со настанот на ансамблот „Рус“ завршува програмата на Денови на духовна култура на Русија во Македонија, организирани од Министерство за култура на Руската Федерација во соработка со Министерството за култура на Република Македонија и со Руската амбасада во Македонија.

Според „Телеграф“

Концерт на театарска музика на Горан Трајкоски за почеток на третото издание на меѓународниот театарски фестивал

Со концерт на театарска музика на Горан Трајкоски, насловен „На светов убавина“ утревечер, во 20 часот, во Македонскиот народен театар (МНТ) ќе се отвори годинешното издание на „МНТ-Фест“. Програмата на третото издание на меѓународниот театарски фестивал на денешната прес-конференција ја презентираше директорот на МНТ, Дејан Пројковски, а за концертот зборуваше еден од реномираните македонски композитори и музичари, и автор на театарска музика, Горан Трајкоски.

„На концертот ќе бидат изведени 17 песни од 10 театарски претстави работени во период од 2003 до 2013 година. Тематски, концертот ќе содржи три дела, и тоа кабаретско-театарски, епски и фолклорен, и дел што вклучува црковни напеви и псалмични елементи. На сцената ќе има 15 музичари, и тоа тројца вокалисти и 12 инструменталисти. Идејата за ова дојде по долгогодишно размислување, но и наговарање од страна на моите пријатели, музиката која ја создавам за театарски претстави да ја ставам на носач на звук. Бидејќи сум поборник на изведбите во живо, кога влегов во МНТ како музички соработник предложив да направам концерт со песните кои сум ги создавал за театарските претстави“, рече Горан Трајкоски за концертот, на кој освен него ќе настапат и: пејачката Елена Христова и актерката Арна Шијак.

Запрашан за идејата за насловот на концертот „На светов убавина“, Трајкоски истакна дека станува збор за буквална парафраза на Шекспиров цитат од „Хамлет“ која Трајкоски ја промислил заедно со мислата на Достоевски „Убавината ќе го спаси светот“. Дејан Пројковски, пак, истакна дека концертот е во продукција на МНТ и најави дека по неговата изведба ќе биде снимено и ЦД, а покрај концертот се планираат и гостувања на неколку македонски и меѓународни фестивали.

Запрашан за соработката која ја има со Трајкоски, познат и како член на групата „Анастасија“, Пројковски истакна дека тие заедно работеле во над 30 претстави и дека со секоја нова соработка повторно се преоткриваат и изненадуваат.

Покрај концертот „На светов убавина“, Пројковски за утревечер, во 20 часот, го најави и гостувањето на претставата „Лудус пасионис“ на полската трупа „Вегајти мјузик скул“ која ќе биде изведена во црквата „Св. Богородица“ во Скопје.

„Станува збор за оригинална и специјална театарска форма, како еден вид средновековна литургиска претстава која ќе се одигра во и околу црквата ’Св. Богородица’“, посочи директорот на МНТ, кој истакна дека годинава фестивалот ќе се одржува од април до јуни со паузи меѓу изведбите, со цел заинтересираната публика да може да ги види сите претстави.

Притоа, во рамките на „МНТ-Фест“, месец мај ќе биде посветен на италијанскиот театар, а во најавените „Денови на италијанскиот театар“ ќе биде изведена претставата „Сон на летната ноќ“ на „Фактори театарот“, додека театарот „Принципоативо“ ќе одигра претстава од писателот Луиџи Пирандело. Најавена е и танцова претстава, како и проекција на документарецот „Земјата во која дрвјата летаат“ посветен на Еуџенио Барба, основач на Один театарот.

Пројковски за во јуни на „МНТ-Фест“ го најави гостувањето на претставата „Соларис“ на Андреј Жолдак, копродукција со „Виенер фест вохен“, еден од најголемите европски театарски фестивали, која по нејзината премиера во Виена на 10, 11 и 12 јуни, ќе гостува во Скопје. „Мислам дека ’Соларис’ ќе биде една од претставите што ќе ја одбележи театарската сезона на МНТ“, рече Пројковски. (Н.И.Т.)

Извор. Утрински весник

 

Младиот пијанист Арсениј Ангелески од Прилеп, неодамна на меѓународниот натпревар ‘Стеван Мокрањац’ - Врање, Србија, беше прогласен за лауреат и стипендист на натпреварот. Во конкуренција со пијанисти од сите балкански држави, покрај првата освоена награда, комисијата го награди со ова признание, овозможувајќи му учество на семинарите на неколку врвни пијанистички педагози, на престижната летна академија во Охрид,...

Концерт на православна духовна музика на Божиќ ќе одржи женскиот камерен хор „Света Злата Мегленска“, а годинава првпат божиќен концерт ќе има и Македонската филхармонија. Традиционалниот концерт на ансамблот „Скопски солисти“ годинава нема да се одржи

Женскиот камерен хор „Света Злата Мегленска“

БОЖИЌНИ КОНЦЕРТИ

Традиционалните музички концерти за Божиќ, кои изминативе неколку години станаа препознатливo обележје на културниот живот во Македонија, и годинава на едно место ќе ги соберат љубителите на православната и на класичната музика, кои секоја година се сѐ повеќебројни.
На денот кога се празнува Христовото раѓање, во градскиот соборен храм „Пресвета Богородица“ ќе се одржи хорската манифестација „Божиќни свечености - Божиќ-слава“, на која домаќин деветта година по ред е женскиот хор „Света Злата Мегленска“, предводен од диригентката Летка Димовска-Полизова. Наместо концертот на „Скопски солисти“, годинава првпат на Божиќ ќе одржи концерт Македонската филхармонија, во МНТ.

Се обидуваме да одиме чекор напред

Женскиот камерен хор „Света Злата Мегленска“ традиционалната манифестација „Божиќни свечености“ ќе ја одржи во 19.30 часот, во градскиот соборен храм „Пресвета Богородица“.
- Во чест на  големиот празник секоја година се обидуваме да подготвиме нова програма. Настојуваме да одиме чекор напред во развивањето на концептот на манифестацијата и да донесеме што повеќе хорски ансамбли и солисти. Покрај нашиот настап, годинава на концертот ќе учествува машкиот византиски хор „Хармосини“, под диригентско водство на Ристо Солунчев. Ќе бидат изведени дела од домашната, руската и бугарската хорска литература - вели диригентката на хорот Летка Димовска-Полизова.
На „Божиќните свечености“ досега настапиле голем број хорски ансамбли од земјава и регионот, а како солисти се претставиле реномирани оперски пејачи, како и поранешни и сегашни солистки на хорот.
Хорската манифестација „Божиќни свечености“ првпат се одржа пред девет години во соборниот храм „Св. Климент Охридски“, кога хорот „Св. Злата Мегленска“ го прослави јубилејот 10 години од формирањето. Тогаш се установи и оваа манифестација, која ја благослови архиепископот охридски и македонски г.г. Стефан.

Прв божиќен концерт на филхармонијата

Новина во чествувањето на Божиќ е „Божиќниот концерт“ на Македонската филхармонија, кој ќе се одржи на 7 јануари напладне, во Македонскиот народен театар. Концертот, кој ќе се пренесува во живо на националниот телевизиски сервис, ќе донесе програма на која ќе бидат изведени делата: „Симфонија“ од „Божиќниот ораториум“ на Јохан Себастијан Бах и неговата позната „Оркестарска свита“ бр. 3, како и „Божиќниот концерт“ на Корели. Публиката ќе има можност да ги слушне и ариите „Омбра маи фу“ од операта „Ксеркс“ на Хендл, композицијата „Аве верум корпус“ и концертната арија „Вадо ма дове“ од Моцарт, како и неговата „Лаудате доминум“, која ќе ја има својата прва изведба во Македонија.
- Македонската филхармонија секоја година се обидува да го привлече вниманието на љубителите на класичната музика. Барокниот период во музичката уметност изобилува со дела што се пригодни за овие празници. Се надевам дека по божиќната литургија, публиката ќе дојде и на Божиќниот концерт во МНТ- вели директорката на филхармонијата, Маја Чанаќевиќ.
Солист на концертот ќе биде сопранистката Сандра Митровска, а концертот ќе го предводи маестро Борјан Цанев. Специјални гости ќе бидат децата од хорчето „Пиколо“, кои под уметничко раководство на Весна Димчевска, а заедно со оркестарот на Македонската филхармонија, ќе ја изведат „Аве Марија“ од Качини.


     
       
Автор: Ивана Нолчева / Оваа е-адреса е заштитена од спамботови. Треба да ви е овозможено JavaScript за да ја видите.

Повеќе артикли...


Видео содржини

Поуки од Светите Отци

krusevoexport

Наука и Култура

Април 08, 2019

Како може да им се помогне на оние кои размислуваат за самоубиство?

Според проценката на Светската Здравствена Организација во просек 1 милион луѓе умираат годишно како резултат на самоубиство. Во позадина на суицидалноста најчесто стои екстремна нелагодност, неиздржлива емоционална болка и неподносливо страдање на кое…
Март 28, 2019

Светските научници и НАСА тврдат дека Македонија ја крие тајната за бесплатна енергија!

Алшар е единственото наоѓалиште на талиум во светот. Tалиумот е цврст сив метал и е токсичен. Употребуван е во електронската индустрија и за изработка на стакло. Исто така е употребуван и во отров за глувци и инсектициди. Лорандит или талиумов арсеничен…

95 години од раѓањето на Вангел Наумовски – уметникот кој за Салвадор Дали беше „сликар од бајките“

Мар 24, 2019 Ликовна уметност 147
Со името на охридскиот сликар, кого Салвадор Дали воодушевено го нарече „сликар од…

Поезија од Стефан Марковски застапена во меѓународен поетски зборник во Италија

Мар 07, 2019 Литература 160
Поетското дело насловено Брзина на сонот (итал. Il ritmo di un sogno) од македонскиот…

Срамота е младите да знаат повеќе странски, отколку македонски јазик

Фев 22, 2019 Литература 234
Foto
Младите подобро ги познаваат странските јазици одошто македонскиот јазик. Со цел да си…

Беседи

„Лазаре, излези надвор“

„Лазаре, излези надвор“

Тие Негови зборови, пред сè, значат дека нема смрт за оние кои веруваат во Христа, зашто Христос подоцна на Марта ѝ вели: „Јас сум воскресението и животот; кој верува во...

БEСEДА за барањeтo на живиoт пoмeѓу мртвитe

БEСEДА за барањeтo на живиoт пoмeѓу мртвитe

Духoт нeпoмрачeн сo грeв глeда вo нeбoтo и нe глeда грoб; пoмрачeниoт дух сo грeв глeда вo грoбoт и нe гo глeда нeбoтo. Грeвoт и дoбрoдeтeлта управуваат сo духoвниoт вид...

Митрополит Струмички Наум - Моќно превентивно или ризично куративно

Митрополит Струмички Наум - Моќно превентивно или ризично куративно

Бог е совршен, и како совршен, сѐ што прави – прави совршено. Кога Бог го направи човекот, всушност, направи бог – иако не по природа. Направи човекобог, кој треба да...

Жарко Ѓорѓиевски - Недела на преподобна Марија Египетска

Жарко Ѓорѓиевски - Недела на преподобна Марија Египетска

Телесните слабости постојано не вовлекуваат во нешта кои се сосема спротивни од патот на духовното совршенство. Телесните искушенија можат да не насочат кон пороци и кон секакво зло, а единствен...

Митрополит Струмички Наум: „Учителка“

Митрополит Струмички Наум: „Учителка“

Ајде повторно и оваа година – како во годините наназад, на Нејзиниот ден, да го обновиме нашиот подвиг – молитвеното правило „Богородице Дево...“ Оваа молитва, за нас раслабените, е последна...

БEСEДА за сeмoќта на збoрoт Бoжји

БEСEДА за сeмoќта на збoрoт Бoжји

Нo пoстoи рeд и начин пoмeѓу тваритe, видлив и дoстапeн за нас луѓeтo, а пoстoи рeд и начин нeвидлив и нeдoстапeн. Спoрeд тoј нeвидлив и нeдoстапeн рeд и начин, кoј...

Празникот Благовештение – првиот цвет на Пасхата

Празникот Благовештение – првиот цвет на Пасхата

Ете она што дојде да нѐ повика, сега ни се јави: Бог надумно се соединува со луѓето; со гласот на Архангелот прелеста се изгонува, а Дева радост прима; небото слегува...

Викарен Епископ Стобиски г. Јаков: Жртвена прегратка (31.03.2019)

Викарен Епископ Стобиски г. Јаков: Жртвена прегратка (31.03.2019)

Ако ги приклониме колената, а во срцето свое, во вистинскиот храм во кој Бог се вселува, не го поставиме Крстот, сме го промашиле суштинското значење на празникот, затоа што тоа...

О. Жарко Ѓорѓиевски ✥ Недела Крстопоклона (III Недела на Великиот Пост) ✥ 31.03.2019

О. Жарко Ѓорѓиевски ✥ Недела Крстопоклона (III Недела на Великиот Пост) ✥ 31.03.2019

Според својата слободна волја човекот паднал во грев, па затоа и според својата слободна волја треба да се лекува и на крајот излечи од гревот и смртта. Бог не ги...

« »