16. 12. 2007г.
Денеска во катедралниот храм Света Софија во Охрид по света Божествена Литургија по повод празникот Свети Пророк Софрониј и Свети Јован Молчалник, по што беше промовиран јубилејниот зборник 25 години митрополит Тимотеј.
За делото на митрополитот дебарско-кичевски говореа Архиепскопот Охридски и Македонски Г.Г. Стефан и Академик Цветан Грозданов.
“Митрополитот Тимотеј со својата посветеност кон Бога и народот, чувањето и возобновувањето на духовните центри се издигнува како пример кој треба да се почитува и следи“, истакна поглаварот на МПЦ Г.Г. Стефан.
Покрај возобновувањето на Плаошник, конаците во Свети Наум и Свети Јован Бигорски како и на црквата Света Богородица пречиста во Кичево, Г. Тимотеј има осветено над 150 цркви и други духовни светилишта во Македонија и Австралија.
За време на неговото раководење со дебарско-кичевската епархија се издадени и над 100 книги монографии и други книжевни дела во тираж од 180 илјади примероци.
Според академик Цветан Грозданов, зборникот посветен на Г. Тимотеј, во кој се содржани научни студии на 15 автори има огромно значење за археологијата и историјата и ќе остави длабоки траги во македонската наука, култура и уметност./крај/гм/ис/Макфакс
Информациите и фотографиите од средбите на нашите високи свештени лица со Владици од соседните и други православни земји, кои сѐ уште не ја признаваат МПЦ, се дел од публикацијата на јубилејниот зборник „25 години митрополит Тимотеј“, што денеска беше промовирана во катедралната црква Света Софија во Охрид.
Покрај биографскиот дел, книгата има содржини од црковниот живот, историското и културно наследство на Дебарско-кичевската епархија, со која како веројатно духовно најбогата во МПЦ, две и пол децении раководи владиката Тимотеј.
„Не треба да се заборави дека не така одамна беше времето кога со нашите најпознати древни цркви и манастири раководеа државни институции и дека беше среќа ако епархијата го имаше храмот или манастирот во текот на работното време“, вели г.г.Стефан, поглавар на МПЦ.
„Можам да кажам дека оваа книга ќе остави длабоки траги во нашата наука за нашата стара уметност, археологија, културно и духовно живеење воопшто“, изјави академик Цветан Грозданов.
Во книгата што е дело на 15 автори има и некои досега необјавени, доста значајни откритија за нашата наука, историја и култура
На многаја лета!
Високопреосветен Владико Свет!
Од редакцијата на Преминпортал
посети:{moshits}
Светата маченичка Христина; Преподобен Поликарп, игумен Печерски; 
