Лето Господово 2010 г.

 Радосно да го започнеме сесветото време на воздржување; да засветлиме светлозрачно со светите заповеди на Христа, нашиот Бог, со сјајот на љубовта и блесокот на молитвата, чистотата на светлоста и мажествена крепост. Облечени во одежди на светлина, да поитаме кон тридневното свето Воскресение, кое му засветли на светот со слава на животот вечен.
Утрена, Чист вторник

 Поуки од Светите отци: И така, возљубени мои, да го држиме овој пост со ревност и чисто срце, зашто тој е сладок и пријатен за оние кои ги поминуваат свето овие денови. Овој свет пост да го употребиме во борба со ѓаволот, зашто без пост и молитва никој не може да го победи духот на злото. Во овој пост, возљубени мои, да молиме и просиме милост од Себлагиот и Милосрдниот, Кој не го отфрла оној кој пости. Овој пост, возљубени мои, ја отвора небесната врата, зашто нè издига од земјата и не вознесува во висините.
Свети Ефрем Сирин

 Молитва:
 Отче Небесен, секогаш да ги слушаме зборовите кои ги изговорил Синот Твој, Исус, за радоста наша да би била потполна, длабока и вечна, да видат луѓето дека сме биле со Господа Исуса, творејќи ја Неговата волја. Амин.

 Читања од Светото Писмо:
 Исаија 1, 19-31; 2, 1-3
 Битие 1, 14-23
 Соломонови Изреки 1, 20-33

  Созерцание: Но кој Мене Ме слуша, ќе живее безопасно и спокојно, не плашејќи се од злото.
Соломонови Изреки 1, 33

Подготви: А.Л.

16. 02. 2010 год

Свети Симеон Богопримец     16/02/2009

Во времето на мисирскиот цар Птоломеј Филаделф овој Симеон беше избран како еден од прочуените Седумдесетмина на коишто им беше доверена работата на преведување на Библијата од еврејски на грчки јазик. Симеон ја работеше својата работа совесно, но кога го преведуваше Пророкот Исаија и дојде до пророштвото: „Еве девица ќе зачне и ќе роди син“, тој се збуни, зеде нож за да го избрише зборот „девица“ и го замени со „млада жена“ за така и да го преведе на грчки. Но во тој миг му се јави ангел Божји и го задржа од неговата намера, објаснувајќи му дека пророштвото е вистинито и дека запишаното е точно. А дека е вистинито и точно, му кажа Божјиот известител дека ќе се увери и самиот, зашто по Божја волја нема да умре дури не Го види Месијата роден од девојка. Праведниот Симеон му се израдува на ваквиот глас од небото, го остави пророштвото неизменето и Му заблагодари на Бога што го удостојува да доживее да Го види Ветениот. Кога Исус како Младенец беше донесен во ерусалимскиот храм од Дева Марија, за ова Духот Божји му јави на старецот Симеон, кој тогаш беше престарен и бел како лебед. Симеон брзо отиде во храмот и таму Ја препозна Дева со Младенецот, според светлината што зрачеше од нив како ореол. Радосен старецот Го зеде Христа на своите раце и Го замоли Бога да го отпушти од овој живот: „Сега отпушти го Твојот слуга, Господи, според зборовите Твои, зашто очите мои го видоа спасението Твое“. Овде се најде и пророчицата Ана, ќерка Фануилова, којашто и самата Го позна Месијата и му Го објави на народот. Ана тогаш имаше осумдесет и четири години. Наскоро потоа Свети Симеон се престави. Праведниот старец Симеон се смета за заштитник на малите деца

Светите маченици Адријан и Евул     16/02/2009

Овие две свети души дојдоа од местото Ванеја во Кесарија Кападокиска за да ги посетат затворените христијани и да ги охрабрат и утешат. Но и нив ги фатија и ги осудија на смрт. Адријан го убија со меч, а Евул го фрлија на ѕверовите во 309 година. И така, не жалејќи по овој живот, чесно и радосно преминаа во вечниот.

Друго:

Великопосни Богослужби (14.02.2010)

•  ПОНЕДЕЛНИК ОД ПРВАТА СЕДМИЦА ОД ПОСТОТ (15.02.2010)

СИНАКСАР - Оној што отпадна заедно со паднатите (ангели), поради слатката храна (Сиропусна недела)