СВЕТИОТ СЛАВЕН СЕФАЛЕН АПОСТОЛ
И ЕВАНГЕЛИСТ ЈОВАН БОГОСЛОВ И
ПРЕПОДОБНИОТ ОТЕЦ НАШ АРСЕНИЈ ВЕЛИКИ

 Од МАЛА ВЕЧЕРНА

Дојдете, верни, со песни божествени денес да го овенчаме славниот Јован, бездната на премудроста и писател на православните догмати; возљубениот, зашто тој како гром објави дека во почетокот беше Словото. Така тој се покажа како громогласен, како благовесник на светот, откако сефалениот засветли со мудрост голема.

Навистина се покажа како голем и вистински пријател на Учителот Христа, ставајќи ја својата глава на Неговите гради, од кои си нацрпал премудрост за догматите, со кои ја збогатуваш сета земја наоколу како проповедник Божји. Затоа красната Црква Христова, држејќи ги нив, се весели сега радувајќи се.
Радувај се, вистински богослову! Радувај се, севозљубен сине на Мајката Господова! Зашто ти, стоејќи под крстот Хтристов, си го слушнал божествениот глас на Господа, кога ти рече: Еве ти ја сега твојата Мајка. Затоа сите ние достојно, како велик и возљубен апостол Христов, блажен те именуваме.

 Од УТРЕНА

Откако си го очисти окото на душата, о Богослове, си ја видел неискажливата слава на Единородниот Син Божји и Слово на Отецот, од Кого мудро доаѓа се; преку Светиот Дух.

Извор: ИЗБОР НА МЕСЕЧНИ И ПРАЗНИЧНИ БОГОСЛУЖБИ (Втор том- ФЕВРУАРИ- АВГУСТ)

МАКЕДОНСКА ПРАВОСЛАВНА ЦРКВА

Богородичен: Под твоето спасително прибежиште при-бегнуваме сите, Богородице Дево, и по твоите молитви се спасуваме од нападот на врагот, и се избавуваме од идното мачење, Пречиста.

 
Отче Арсение, лошата и мошне груба облека на твојата сиромаштија, со која што Го подражаваше Христа, ти помогна да го заборавиш раскошот на твојата поранешна облека, и те снабди со облеката на славата неискажлива.
Откако со смирено срце прими помош од Бога, отче Арсение, ти ги скрши нападите на неприј ателите, и на горделивите духови, и стана победоносец со твоето смирение.
Богородичен: Си се покажала повисока од херувимите и
серафимите, Богородице, зашто ти единствена си Го примила несместливиот Бог во твојата утроба, Неосквернета.
Затоа сите верни со песни те славиме, Пречиста.

Кондак на преподобниот, глас 3.
Подобен: Дева денес:

Од Рим си засветлил како велико сонце, и си стигнал до царскиот град, преблажени, просветлувајќи го со твоите зборови и дела, и растерувајќи секаква магла на незнаењето. Поради тоа те почитуваме, преподобен Арсение, славо на отците.
Икос: Откако го слушна гласот на Господа, преподобен, си ја оставил овосветската красота и си живеел монашки; подражавајќи го ангелскиот живот, богомудре. Затоа и целиот си се покажал како преобразен, ангел во тело, принесувајќи Му на Христа постење и солзи, непорочна молитва и сеноќно стоење. Затоа си бил храм на Света Троица, пример на монасите и наставник во добродетелите, и постојан топол молитвеник за оние што те почитуваат. Поради тоа те почитуваме, славо на отците, преподобен Арсение.