Денес, 19.1.2009 г. во Православната црковна општина Св. „Кирил и Методиј„ во Гетеборг, Шведска, голем број на верници од сите возрасти ја следеа утринската Богослужба посветена на празникот Богојавление – Водици, односно во спомен на Христовото крштевање на реката Јордан. – Како што тогаш Светиот Дух во вид на гулаб слезе над Исуса за да ја освети Јорданската река за крштевање на Синот Божји, така и сега кога се прави Голем освет на вода на денот на Богојавление слегува Светиот Дух и ја осветува водата, која сите верници ја пијат во знак на осветување и ја носат во своите домови како вода за изцелување и пазител на домот до следната година на истиот ден, рече на крајот од Богослужбата прота ставрофор Евтин Велковски, а потоа ги замоли сите присутни да појтат кон Езерото Бершна да ја следат церемонијата фрлањето на крстот во езерската вода.
На Езероото Берша, кое се наога на неколку стотици метри недалеку од Црквата, при што претходо беше направен голем отвор со кршење на мразот од замрзнатата вода, верниците со големо внимание го следеа фрлањето на крстот. Од студената вода крстот го фати 33 годишниот Давид Вучев кој беше награден со топли долготрајни ракоплескања од присутните верници меѓу кои на самиот брег беше и неговото малечко синче.
По овој убав и незаборавен чин верниците повторно се вратија во црквените простории каде што се изврши осветување на славски колачи во чест на Богојавление и Свети Јован, а потоа на Давид Вучев, кој го извади крстот од Езерото, прота ставрофор Евтин Велковски во присуство на членовите на Управниот црковен одбор му подари златно крвче во вредност од 7.000 круни. По направените две големи молитви верниците се преселија во црковната сала каде што ја следеја и во неа учествуваа во лицитацијата на подароците послужувајки се со колачи и кафе.
Да кажеме дека за цело време празничното одбележување го следеше и новинарка од видниот високотиражен весник Гетеборгс Постен.
И ако далеку од Татковината, со новите генерации кои се раѓаат и растат во оваа земја, не си ги забораваме обичаите и убавата праволсавна традиција токму заблагодарувајки и на грижата на Македонската Праволсавна Црква.
Трајан Масев
