Протопсалт Гоце Секуловски, богослов Милош Дрпа и Антонио Апостолоски,- Св. Кирил и Методиј - Тетово
На утрената професорот од македонската православна Богословија Гоце Секуловски, матурантот Милош Дрпа( кој на 14.06. 2008 година, прославуваше завршување на своето богословско образование) и Антонио Апостолоски, еден од учениците кој допрва ќе биде петта година пееја Полиелеи. Тоа значи восхвала на Бога за неговата милост и долготрпение, за неговата бескрајна љубов кон човечкиот род, зашто благоволи да го испрати, заради нас и заради нашето спасение, својот единороден син Господ Исус Христос, кој пак како совршен Бог се понижи како човек земајќи ја нашата природа и така очистувајќи ја од првородниот грев ја воскресна и ја вознесе седнувајќи ја од десно на Отецот како залог за вечниот живот и потврда за постоењето и сознанието на човекот за да биде вечно и живо битие во љубовта на Бог, Отец и свети Дух.
„По светата Литургија, веднаш се започна со вечерна богослужба, кадешто свештеникот направи призив на Светиот Дух од кого и понатаму ја просиме и ја бараме милоста, за да ја тајно води светата Црква, вселувајќи се во нас и да не очисти од секаква скверност и нечистотија, притоа да ги спаси нашите души.“
За многу години нека е честит празникот.
„Денес во градот кој е под духовна закрила на еден од нашите најпочитувани отци на преродбата Кирил Пејчиновиќ, се отслужи света Божествена Литургија по повод великиот празник кога Црквата Христова го празнува својот роденден.
Денес е Педесетница, денот кога педесет дена по воскреснувањето Христово, по претходно дадено ветување на апостолите дека вознесениот Господ и воскреснат, ќе им го испрати од Отецот, утешителот благ, Духот свети, кој тајно ќе ја води Црквата, ќе дише во неа се до второто негово пришествије кога ќе дојде со слава да суди на живите и мртвите.
Денес, во градот на св. Кирил Пејчиновиќ, се направи призив на светиот Дух токму под сводовите на уште еден величествен храм, посветен на нашите први преродбеници и учители на нашата кирилица, на нашата глаголица, на нашата писменост, наука, слово и благочестива Вера, светите Кирил и Методиј. “ - проф. Гоце Секуловски
ПЕДЕСЕТНИЦА, Св. Кирил и Методиј - Тетово (15.06.2008)
Посети:{moshits}
