Во Неделата на Самарјанката, игуменот на манастирот, о.Гаврил отслужи света Литургија, на која верниот народ се причести со Телото и Крвта Христови.
Во поуката од Неделното Евангелие, о.Гаврил ја потенцира нашата насушна потреба од лична средба со Бога и состојбата и ефектите пред и после таа средба со Него.
Бог е Личност - Света Троица и нам ни се открива, пред се, преку Личноста на Словото Божјо. Пред таа лична средба со Него, ние сме немоќни и врзани за материјалниот свет и затекнати од смртта, скарани и распарчени меѓусебно и лично, а кога ќе ја оствариме таа личносна средба со Него, ќе познаеме дека Он е единствениот наш вистински Бог и Спасител и тогаш постануваме нови, обновени и продуховени личности. Тогаш нашите срца ќе постанат извор на жива вода (благодат) која и ќе се излива во живот вечен.
Меѓутоа, таа наша лична средба со Бога можеме да ја оствариме само ако Му се поклониме со дух и вистина. Тоа е смирен и покајнички дух, зашто една е вистината - грешни сме и ќе умреме. Тоа можеме да го постигнеме единствено со свој личен, волев и љубовен подвиг и тоа кој колку сака - толку ќе донесе и плод. Некој 30, некој 60, а некој 100.
Посети:{moshits}
Светиот пророк Езекил; Преподобните Симеон и Јован;
