ПИЛОТ АКТИВНОСТИ ЗА ОБРАЗОВАНИЕ И КУЛТУРА
МУЛТИМЕДИЈАЛЕНМАКЕДОНСКИ-ИТАЛИЈАНСКИ
ОБРАЗОВЕН ЦЕНТАР
Почнувајќи од Донаторската конференција во Брисел, одржана во Март 2002, севкупната вредност на грантот обезбеден од страна на Република Италија, за поддршка на Република Македонија изнесува повеќе од 50 милиони Евра.
Во контекст на оваа соработка и постојана поддршка на Владата на Република Македонија, во содејство со сите засегнати страни и учесници, притоа земајќи ја во предвид обединувачката улога на културата во граѓанското општество, Генералната Дирекција за соработка и развој на Министерството за надворешни работи на Италија одобри донација од 3 милиони евра, за поддршка на Програмата за децентрализација во полето на образованието и културата.
Програмата се состои од неколку компоненти меѓу кои рехабилитација на Музејот на современа уметност во Скопје, формирање на УНЕСКО Канцеларијата за дигитализација на македонското културно наследство, зголемување на прегледноста, безбедноста и презентација на трите најпознати археолошки наоѓалишта (Скупи, Стоби и Хераклеа), лабораторија за биотехнологија во рамките на Државниот универзитет Тетово, како и активности во шест општини вклучувајќи формирање на Вински музеј во Неготино, плоштад во Берово, летен фестивал во Гостивар, планинска куќа и природен музеј во Јастребник - Кочани, народен музеј во Свети Николе; и разни други активности во полето на образованието, културата и туризмот; и формирање на Македонско-италијански мултимедијален Образовен Центар - МИМЕЦ.
Менаџирањето на севкупната програма беше доверена на Меѓународната Менаџмент Група (IMG).
Цел на Програмата е да се постават и зајакнат културните и образовните врски со италијанските и другите меѓународни институции, и по пат на синергии да се планираат и ефикасно управуваат програмите.
Програмата го поддржува процесот на реформирање на универзитетот кон образование што ке ги опфати новите економски предизвици, подобар пристап до информациите во тесна соработка со меѓународните институции и организации, посебно италијанските, како чекор напред во аспирациите на земјата кон Европската интеграцијата.
Формирањето на МИМЕЦ има двојна улога:
• Во образованието, како алатка за отварањето на Универзитетот кон нов начин на
образование - електронско учење преку поврзување со други италијански или
други меѓународни универзитети / институции.
• Центар за промоција на соработката помеѓу Италија и Македонија сите други
поврзани прашања во полето на Образованието и културата.
МИМЕЦ зафаќа простор од 400 м2 составен од библотека, изложбен простор, канцеларии, мултимедијален простор со цела потребна опрема за видео конференција, симултан превод и видео уреди за нови методи на учење.
Новата зграда на МИМЕЦ беше дизајнирана од два еминенти македонски архитекти, преку ДСЦ Дизајн од Скопје
Изведувањето на градежните работи беше доделена на градежната компанија БЕТОН АД Скопје, под надзор на Метапроект Архитекти дооел Скопје и во координација со инжињерите на ИМГ.
За било каква информација контактирајте ја канцеларијата на ИМГ Скопје, Тел.: + 389 2 306 4614
