Ексклузивно: РЕТKИ РЕЛИKВИИ во духовните светилишта

Сите неоткриени мошти на македонските манастири

Македонските манастири стануваат сe поголема ризница на моштите од познати христијански светители - свети Јован Kрстител, свети Јаков брат Божји, свети Стефан првомаченик, свети Трифун, свети Пантелејмон, свети Василиј Велики, свети Kлимент Охридски...

Kовчежето со моштите го најдовме на ѓубриштето, меѓу градежен шут, пред дваесетина години, кога нашата црква ги доби манастирите на управување од државата. За чудо никој не ја зел сребрената кутија, никој не се полакомил. Kога ја отворија, видовме дека во неа има мошти на светители. И по толку векови, уште можеше да се допре ткивото на нив. Оттогаш ги чуваме како нешто најсвето. Светите Kозма и Дамјан и свети Стилијан се познати исцелители, кои им помагале на луѓето.

Така е и денеска, им помагаат на луѓето што постојано доаѓаат тука барајќи помош, зборува сестра Варвара, монахиња, која цели 14 години се грижи за манастирот „Свети Архангел Михаил“ во прилепската населба Варош.

Манастирот од 14 век, посветен на светецот кој бил заштитник на болните, е место каде што со векови се чуваат дел од останките на големите христијански светители од првите векови на христијанството. Kозма и Дамјан се познати исцелители, кои бесплатно ги лекувале луѓето и во текот на животот, но и по смртта, а Стилијан е познат како заштитник на децата, како тој кој пред Господ се застапува пред Бога за децата. Во близина на црквата има и извор на вода под закрила на Пресвета Богородица, поради што овој манастир стана место каде што помош од Господ бараат најмногу тие што сакаат да добијат потомство и да оздрават од болест. Во тоа, незаобиколен ритуал е поклонувањето пред моштите на светители, кои сега се во параклисот посветен на света Ана. Од Kозма и Дамјан има дел со меко ткиво, а од Стилијан дел од черепот. Поклонување, исповед, молитва, целивање, земање памукче со кое се допрени моштите е дел од тоа што се прави за да се тргне маката на луѓето.

Најважна е молитвата

- Луѓето најчесто доаѓаат за дечиња, да им се оствари желбата да добијат дете, да им оздрави болното дете. Многупати се случило тоа и да се оствари и ни доаѓаат радосни. Неодамна му пративме памукче со кое беа допрени светите мошти на едно дете, кое беше во критична состојба по сообраќајна несреќа и ни рекоа дека преживеало. Но, светите мошти не треба да се доживуваат како магија, како нешто што остварува желби. Молитвата е таа што најмногу н` доближува до остварувањето на желбата, треба да се биде истраен во љубовта - зборува сестра Варвара.

 Повеќе

  (ФОТОГАЛЕРИЈА) Сите неоткриени мошти на македонските манастири

 Црква „Света Петка“, Велгошти, Охридско

  Дел од моштите на света Петка-Римјанка: Светителка од 2 век, родена во Рим, позната по својата истрајност во верата. По нејзината маченичка смрт биле забележани многу чуда,а православните верници продолжуваат да сведочат за нејзините чуда до денес. Се слави во повеќе балкански земји.

 Манастирот „Свети Ѓорѓи“, Рајчица

  Манастир „Свети архангел Михаил“, Варош, Прилеп

 Мошти на свети Козма и Дамјан: Браќа светители што од Господ го добиле дарот да исцелуваат разни болести и тоа го правеле бесплатно. Моќта да ги лекуваат луѓето продолжила и по нивната смрт.

 Свети Стилијан: Светител што правеше чуда лекувајќи ги луѓето. Запишано е дека излекувал многу деца и оттогаш се смета за чудотворец. Им помага особено на болните деца и на бездетни родители.

Манастир „Свето Преображение“, Зрзе, Прилепско

  Дел од моштите на св. Пантелејмон: Голем христијански светител од 3 век. Дарот за исцеление го добил кога со помош на молитва воскреснал момче умртвено од отровна змија. Негови мошти има во повеќе манастири и цркви во светот.

 Свети вмч. Прокопиј: Роден е во 3 век во познато римско семејство во Ерусалим. Неговото трпение во многуте измачувања привлекло мноштво граѓани во христијанство, вклучувајќи ја и неговата мајка.

Бигорски манастир „Свети Јован Крстител“

 Во кофчежето направено од Дичо Зограф се чуваат 10-тина највредни мошти. Парче од Светиот крст на кој бил распнат Исус Христос.  Дел од моштите на свети Јован Крстител: Светител кој му бил братучед на Исус Христос и човекот кој го крстил во реката Јордан. Тој имал голема улога во првите векови во христијанството и сега се смета за светец и маченик.

 Свети Јаков, брат божји: Познат и како Јаков Ерусалимски, важна личност од периодот на раното христијанство. Водач на христијаните во првите децении по смртта на Исус. Свети Евстатиј Плакида: Голем војсководач во времето на царот Тит и Трајан, кој прво бил незнабожец, па станал христијанин, кој маченички пострадал за верата. Света Марина: Светителка, која маченички пострада поради својата христијанска вера. Во народот е позната и како Огнена Марија. Свети Пантелејмон. Свети Кирик и Јулија: Маченици што пострадале поради својата вера.

 Свети Харалампиј: Христијански светител и маченик од 3 век, епископ во Магнезија, кој до смрт не се откажал од верата. Св. Никита: беше епископ ремесијански, кој освен својата мисионерска
служба напишал и многу верски книги. Почина во 420 година. Света Петка. Свети Трифун: Светител, заштитник на лозарите. Неговиот поглед ги лекувал и душевно заболените.

 Свети Климент Охридски: Основоположник на МПЦ-ОА, светител и еден од учениците на светите Кирил и Методиј. Во 886 година ја формира Охридската книжевна школа. Св.Климент бил и првиот епископ словенски со титула епископ велички.

 Свети Никола: Еден од најпочитуваните светители во наша земја. Свети Никола е роден во Патара, Ликија, Мала Азија, околу 270 година, познат е и како заштитиник на морнарите.

 Свети Стефан првомаченик: Свети Стефан првомаченик бил еден од седумте ѓакони назначени од апостолите да се грижат за старите жени, вдовиците и за сирачињата.

 Св. Климентиј, римски: познат христијански светител

 Св. Агатангел битолски: Податоци за свети Агатангел Битолски има многу малку. Пострадал маченички во Битола во 1727 година откако дошол во судир со екстремните исповедници на исламот затоа што се спротивставил на присилното исламизирање на христијаните.

 Свети Нектариј Егински: Роден е во 1846 година, во Силвира, регионот на Траки (Грција). Во 1904 година, по барање на неколку монахињи основа женски манастир на островот Егина.

 Свети Јован Шангајски: Беше православен епископ во Шангај.
Роден е во 1896 година, во Русија, а за светител е прогласен во 1994 година. Во еден период, по 1926 година, работел и во Православната семинарија „Свети Јован Богослов“ во Битола. Не еднаш тогашниот би-толски владика ќе рече: „Сакате ли да видите жив светија - одете кај отец Јован“.

 Св. Серафим Саровски: Роден во 1833 година и е еден од најголемите руски подвижници, претскажувачи и чудотворци. Се одликувал со големо смирение. Кога целиот свет го славел, тој себеси се нарекувал „сакатиот Серафим“.

 Св. Јован Руски: Светител од Русија кој бил војник и учествувал во руско-турска војна. Бил заробен и како слуга служел во Турција, каде направил многу чуда.

Извор: Дневник