Груевски: Божјото царство е основа на секоја заедница

Сите ние треба да го дадеме својот придонес во меѓучовечките, меѓурелигиските и меѓукултурните односи, изјави премиерот Никола Грувески во неговото обраќање на Третата светска конференција за меѓурелигиски и меѓуцивилизациски дијалогг "Слободата и достоинството - основни вредности во меѓучовечките, меѓурелигиските и меѓукултурните односи".




Трета светска конференција за меѓурелигиски и меѓуцивилизациски дијалог претставува успешно продолжување на првата и втората, кои се одржаа во 2007 и 2010 година.

-Денес живееме во време кога потребата од дијалог и религиска толеранција е поголема од било кога и истата потреба како никогаш досега влијае врз заштитата и одржувањето на глобалната безбедност. Религиите како чувари на духовното влијаат врз развојот на човечката душа и нејзините погледи кон светот, а миротворното однесување носи плод на соживот и хармонија за сите. Светиот Апостол Матеј пишува: Благословени се миротворците, зашто тие ќе се наречат синови Божјии. Токму затоа, нека секој од нас се посвети на својата од Бога дадена мисија да постане миротворец и допринесе за убавината на својот дом и својата татковина. Божјото царство е во срцето на секој човек и претставува основа на секоја заедница. Нека секој од нас погледне длабоко во себе и ги пронајде најубавите начини за приближување на различностите меѓу луѓето и различните религиски заедници, бидејќи преку меѓусебното почитување, соживот и размена на знаење создаваме траен систем на вредности кои допринесуваат кон одговорна и човекољубива световна власт. Јас сум уверен дека темите на оваа Конференција ги посочуваат областите на кои треба вредно да се работи во насока на исполнување на нашите заеднички цели. Владата на Република Македонија како досега, така и во иднина ќе ги поддржува сите иницијативи кои се однесуваат на јакнење на довербата и соработката меѓу народите, различните нации, религии и култури. Тоа е наша должност, како граѓани на Македонија која од секогаш била крстосница на разни култури и религии, што допринело да се создаде традиција на негување на етничката и религиска толеранција и широко почитување на универзализмот и хуманизмот, истакна премиерот Груевски.

Во таа насока тој додава дека дијалогот ги негува еднаквоста, човековото достоинство и разбрањето на различните погледи на светот.

-Религијата и верувањата од секогаш играле огромна улога во дијалогот помеѓу луѓето и цивилизациите. Како што ќе каже големата хуманистка од Македонија, Мајка Тереза ....Најпрво треба да го пронајдеме Царството божјо, а сето останато ќе си дојде само по себе. Ние мораме да го најдеме Бог, ама Бог неможе да се најде во врева и нервоза. Бог е пријател на тишината. Нас ни е потребен мир за да бидеме способни да ја допреме нашата духовност, истакна премиерот.

Според него, секој од нас треба да се посвети на тоа да стане миротворец, бидејќи религијата е основа за зачувување на светскиот мир. Божјото царство е основа на секоја заедница. Само преку меѓусебно почитување, соживот, слобода и размена на знаења можеме да создадеме систем на вредности.
Груевски додаде дека Владата ќе ги поддржи сите иницијативи кои ќе бидат во насока на јакнење на соработката и довербата меѓу народитe.

 Извор: Вечер