Молитва од светиот Евстратиј
(се чита во Сабота)
Господи, спомни си за нашите отци и браќа, упокоени со надеж во воскресение за вечен живот, и за сите упокоени во благочестивост и вера. И прости им го секое волно и неволно согрешение, направено со збор, дело или мисла. Всели ги во светли, прохладни места, од кадешто отсуствува сета скрб, така и воздишка, а кадешто гледањето на Твоето лице ги весели сите Твои светии од сите векови. Дарувај им го ним и нам Твоето Царство и учеството во Твоите неискажливи и вечни блага и во Твојот бесконечен и блажен живот. Затоа што Ти си животот, воскресението и покојот на упокоените Твои слуги, Христе Боже наш, и Тебе слава Ти вознесуваме, со беспочетниот Твој Отец и Пресветиот и благ и животворен Твој Дух, сега и секогаш и во сите векови. Амин.
Молитва кон ангелот пазител
Свет ангелу, ти кој стоиш пред мојата бедна душа и го гледаш острастениот мој живот, не оставај ме мене грешниот, ниту отстапувај од мене поради н моето невоздржание. Не му давај место на лукавиот демон, да завладее со мене преку насилството над моето смртно тело, укрепи ја мојата бедна и валкана рака и води ме по патот на спасението. Навистина, свет ангелу Божји, пазителу и покровителу на мојата бедна душа и на моето тело, прости ми сè со што те навредив со сите дни на мојот живот. И ако нешто согрешив во минатата ноќ, заштити ме во сегашниов ден и сочувај ме од секое демонско искушение, за да не Го навредам со некој грев Бога. Моли се за мене на Господа, да ме утврди во Својот стравот, и да ме покаже како достоен слуга на Својата благост. Амин.
Пофална песна кон Пресвета Богородица
Достојно е навистина, да те ублажуваме Богородица, којашто си секогаш блажена и пренепорочна, и мајка на нашиот Бог. Почесна од херувимите и неспоредливо пославна од серафимите, Која нетлено си Го родила Бога Логосот, тебе која си вистинска Богородица те величаме.
И следниве тропари
Преславна, секогаш дево, благословена Богородица, принеси Му ја нашата молитва на твојот Син и наш Бог, и моли се да ги спаси преку тебе нашите души.
Мојата надеж е Отецот, мое прибежиште е Сино, мој покров е Светиот Дух, Света Троице слава Ти.
Сета моја надеж на тебе ја полагам, Мајко Божја, чувај ме под твојот покров.
Богородице Дево, радувај се благодатна Марија, Господ е со тебе. Благословена си ти меѓу жените и благословен е плодот на твојата утроба, затоа што си Го родила Спасителот на нашите души.
Крстителу Христов, спомни си за сите нас, за да се избавиме од нашите беззаконија, затоа што тебе ти се даде благодат да се молиш за нас.
Молете се за нас, свети апостиоли и сите свети, за да се избавиме од опасности и маки, бидејќи вас ве имаме за нши топло застапници пред Спасителот.
Богородице, прибегнуваме кон твоето милосрдие; не ги отфрлај нашите молитви, туку избави нè од опасности, единствена чиста, единствена благословена.
Господи, во Твоите раце ги предавам моите душа и тело. Самиот Ти благослови ме, помилуј ме и дарувај ми вечен живот. Амин.
По молитвите на светите отци наши, Господи Исусе Христе Боже, помилуј нè. Амин.
Извор:П РАВОСЛАВЕН МОЛИТВЕНИК (Полошко- кумановска епархија)
Преминпортал
21 декмври лето Господово 2012
