Битола, 28.10.2012 год.- Канонизацијата на светителите почна со света Божествена Литургија на која чиноначалствуваше неговото Блаженство Архиепископот Охридски и Македонски г.г. Стефан, во солужение на САС и свешетенството на МПЦ.

 По втор пат во поновата историја на МПЦ-ОА, на 28-ми октомври  2012 година, соборниот храм на  св. вмч. Димитриј во Битола, на светата Архиерејска  Литургија со објавување  на одлуката на САС на Македонската православна црква-Охридска Архиепископија за впишување во списокот на светиите на светите 40 битолски преподобномаченици, ги прогласи за свети  40 битолски преподобномаченици, кои пострадале за верата Христова во   14 век, односно на 9-от ден од март во 1385 година од тогашните османлиски власти, биле осудени на смрт и животот го загубиле на Баирскиот рид во Битола каде денес се наоѓа манастир што го носи нивното име. . Нa Малиот вход  беше првото изнесување на  иконата на светите светите 40 битолски преподобномаченици со која архиепископот Охридски и Македонски г.г. Стефан ги благослови присутните верници во преполната црква. По причестувањето на многубројниот верен народ со Светите Христови Тајни,  со свечена литија по улиците на градот пред голем број верници беше претставена иконата на новоканонизираните светители.

 -Битолските монаси на најдобар можен начин покажале дека нивниот избор да му служат на Бога го потврдиле и со тоа што кога животот им бил доведен во опасност тие не се откажале од Христа. Македонскиот народ во целата своја историја својата вера ја потврдил преку жртвите кои ја потврдиле нашата вера христијанска. МПЦ има подолг список и на други имиња што ќе бидат врбоени меѓу светиите во календарот на православната црква, истакна г.г. Стефан на  свеченоста во Битола.

МПЦ изврши канонизација на светите 40 битолски преподобномаченици 
 Од Беседата на Архиепископот г.г. Стефан: 

- Светиот апостол Павле во своите посланија ги возвишува светителите. Почитувајќи ги светиите ние го почитуваме Исус Христос во нив. Одпадништовото на современиот свет ни потврдува дека без Бога немаме живот.

- Гревот во светот расте па и денес се соочуваме со истите искушенија како во времето на Римското царство. Прогоните на христијаните во светот достигнуваат загрижувачки размери дури и во форма на државен терор. Оправдувања се наоѓаат главно во искривени ставови на други религии.

- Мораме да најдеме одговор на оркестрираните напади на Црквата, семејството и личноста на човекот. Затоа да му благодариме на Бога што преку умовите и срцата на неброени наши предходници ни ги пренеле животот и мачеништвото светителите кои денес ги канонизираме во годината во која ги прославуваме 45 години од возобновувањето на Охридската архиепископија.

- Потребна е света војна на доброто против злото, само со добри намери за добри цели. Не двоиме религии, народи и народности, туку исклучиво објавуваме војна на доброто против злото, тоа ни го проповеда Христос, нашиот спасител. Сите верници треба да го негуваат култот кон светите 40 битолски преподобномаченици и денот кога се вброија во списокот на светите, истакна митрополитот г. Петар.

Според градоначалникот Владимир Талески денешниот настан во Битола е рамен на историски настан кој ги велича вредностите на духовното како наше богатство. - Покрај нашиот зашитник Св.Нектариј сега како заштитници во борбата против злото ги имаме и светите 40 битолски преподобномаченици, посочи Талески.

 Preminportal (к.р/к.т.)

Деуго:

• http://preminportal.com.mk/content/view/10478/1/
• И црковните великодостојници и политичарите со желба да се реши спорот МПЦ - ОА и СПЦ (28.10.2012)