логоFacebookTwitterYouTubeeMail

 СПИНАЛОНГА, ЛЕПРА И ЈЕРОМОНАХ ХРИСАНТОС

3.angeli.so.truba

Имав лепра.
Поминав многу години на островот Спиналонга.
Болеста нè осакати, а стравот од зараза направи здрави да бегаат и да се поттргнуваат од нас. Никој не смееше да ни пристапи. Новинарите го нарекуваа Спиналонга, остров на живи мртовци.

Лекарите, болничарите, работниците и жените кои ни ја миеја облеката, сите го напуштаа островот пред зајдисонце, поради страв од зараза. Тие не сакаа да ја поминат вечерта со лепрозни.

Чувствувавме голема потреба од свештеник. Само тој можеше да нè утеши со словото Божјо, да нé поткрене духовно.
Но, свештеникот доаѓаше два пати месечно.
Тој ќе дојде во сабота навечер, ќе служи вечерна и ќе замине.
Следното утро ќе дојдеше, ќе служеше Литургија и ќе си заминеше. Исто така, доаѓаше за најпотребно ... за погреби.

Еден ден, ние, неколкумина мажи, седевме во дворот на кафеаната, што беше веднаш до влезната порта, кога здогледавме дека влегува свештеник.
Сфативме дека дојде да служи.
Веднаш штом нè здогледа, ни пристапи и од срце се поздрави со секој.
Сите стоевме со благо наклонување на главата.
Никој не му подаде рака за поздрав затоа што тоа не му е дозволено на лепрозниот.
Не му е дозволено ракување, за да не се пренесе оваа проклета болест.
Но, затоа пак, тој ја подаде раката. Тој срдечно се ракуваше со сите.

"Останувам со вас на островот, за да ви помогнам да ги исполните вашите христијански должности."

Следниот ден, сите отидовме во храмот Свети Пантелејмон.
Сите жени, деца и мажи, ја следевме Литургијата со побожност и длабока благочестивост.
Не се причестивме затоа што не постевме. Не знаевме дека ќе имаме Литургија.

Пристапивме за нафора и сите му ја целивавме раката.
Тој тоа го побара од нас. Како што ни подаваше нафора, така ни ја принесуваше десната рака кон нашите усни.
На сите им потекоа солзи. Пред неговото доаѓање нафората ја зимавме сами од кошница исплетена со трски каја служитолот ја оставаше на една масичка.

Сите бевме на следната Литургија.
Црквата беше полна, како и храмовиот двор. Сега сите се причестивме. По завршувањето на Литургијата, го видовме свештеникот дека ја употревува сета причест што остана после нас.
Мислевме дека сонуваме, гледајќи со широко отворени очи.
Крупни и врели солзи се слеваа од нашите очи.
Претходниот свештеник ја согоруваше Причеста која остануваше после нас во Путирот.

Јеромонахот Хрисантос десет години беше со нас деноноќно.
Тој нè посетуваше дома. Сите нас нè прегрнуваше со љубов и нè водеше духовно, нé храбреше, нé помагаше и нé тешеше. Тој ни беше сè.

Дури и кога го напуштивме островот, откога се пронајде лекот за лепра, тој остана.

'' Морам да ги одржувам гробовите и да им служам парастос за душите на починатите. Не можам да ги оставам ''.

*Кога поради старост неговото здравје попушти по благослов на митрополитот, го напушти островот и отиде во манастир.

 3.angeli.so.truba

22 март 2020 лето Господово

 

 

Изборот го подготви:

 

Снежана Корнет

 http://preminportal.com.mk/prebaraj?searchword=%D0%A1%D0%BD%D0%B5%D0%B6%D0%B0%D0%BD%D0%B0%20%D0%9A%D0%BE%D1%80%D0%BD%D0%B5%D1%82&ordering=newest&searchphrase=all

 

 

 

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 645
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…