логоFacebookTwitterYouTubeeMail


Наместо со посебни менија,Лелуш ќе го храниме со духовност  
 
Клод Лелуш, легендата на францускиот филм, кој в петок ќе допатува во Охрид, нема посебни, а уште помалку ексцентрични барања.

Мислам дека Лелуш ќе се задоволи со митската слика на Охрид и на Галичица, вели Јордан Плевнеш, копретседател на Фестивалот на францускиот филм, кој почнува вечерва во Домот на културата во Охрид и кој е повод за посетата на режисерот на Македонија.

- Лелуш нема никакви барања во однос на неговиот престој во Охрид. Ќе слета рано утрината на охридскиот аеродром, а ќе биде сместен во хотелот „Милениум“. Тој не се занимава со разни дреболии и детали во однос на храната и на сместувањето. Тој е човек на духот - вели Плевнеш.

Предвидено е славниот француски режисер за време на краткиот престој да ги види црквите „Св. Наум“ и „Св.Богородица Заумска“, каде што ќе му биде покажана познатата и единствена фреска на Богородица-доилка, потоа „Св.Софија“, Плаошник, Музејот на икони и други важни локации во Охрид. Засега не се знае дали пред заминување ќе го посети и Скопје, како што беше предвидено.

- На заминување ќе патува преку Галичица, а точниот протокол го утврдува француската амбасада - вели Плевнеш.

Инспирација

Тој првпат се запознал со Клод Лелуш пред десетина години, кога ги правел подготовките за документарецот „Портрет на Лелуш“, снимен во 2000 година во МТВ.

- Уште тогаш тема на нашите разговори беше спектакуларната сценографија на градот Охрид. Сега чинот на откривањето на овие пејзажи на Македонија, битни за раѓањето на европската цивилизација, мислам дека би можел да биде инспирација за неговиот нов филм - вели Плевнеш.
Амбасадорот и писател вели дека е горд што ќе го пречека култниот режисер и што ќе му подари „златна маска“ за неговото творештво, кое го обележи модерното време на светскиот филм.

Плевнеш е автор на филмот „Портрет на Лелуш“, кој е дел од серијата Кудера, Брук, Клаудија Кардинале и др.

- Се сеќавам дека тогаш со Лелуш зборуваме за мислата на Аристотел дека сликите се основа на мислата, дека без сликите не би постоела ни мислата. Затоа се надевам дека митските слики на Македонија ќе се врежат во неговото сеќавање и мисла - вели Плевнеш.

Доаѓањето на Лелуш во Македонија е еден од најбележитите настани во областа на филмот. Култниот француски режисер ќе пристигне во Охрид за затворањето на фестивалот на 5 јули во Античкиот театар, кога ќе го претстави својот најнов филм „Џебен роман“ и кога ќе му биде врачена „почесна маска“.

Филмот што му ја донесе светската слава на Лелуш и кој влезе во сите филмски енциклопедии е прекрасната приказна „Еден маж, една жена“ од 1966 година, кој го повтори по 20 години, во 1986 година, потпишувајќи го „Еден маж, една жена по 20 години“. Зад себе има педесетина филма.

Охрид - балкански Кан?

Фестивалот на францускиот филм ќе биде отворен вечерва, во 20 часот, во охридскиот центар за култура, со концерт на македонски и на француски песни во изведба на Тања Царовска. Програмскиот дел ќе почне со проекцијата на исклучителниот филм за животот на големата шансониерка Едит Пјаф, „Живот во розово“ на Оливие Дан, за кој главната актерка Маријон Котијар доби „оскар“ и „цезар“ за најдобра женска улога во 2008 година.
Датумот на отворањето на фестивалот е одбран во чест на денешното француско преземање на претседателствувањето со Европската Унија.
Во текот на петте фестивалски дена во Охрид ќе биде прикажана селекција од десет филма од најновата француска продукција.

Заедно со Лелуш, в петок во Охрид ќе дојде и режисерот Ив Боасе, кој е и почесен претседател на фестивалот.
- На планинските граници помеѓу Македонија и Албанија постои едно волшебно место - Охридско Езеро. Толку волшебно што во почетокот на векот турските султани имале обичај да доаѓаат од Истанбул за да се освежат од летните горештини. За нивната благосостојба биле изградени казина и луксузни хотели. Се вели дека пристигнувале редици автомобили „ролс“ и „бентли“ до ова рајско место на Балканот - пишува Боасе во фестивалскиот каталог.

Ќе биде ли Охрид повторно, по неколку века, собиралиште на „ролсројси“ ако се обистини најавата на амбасадорот Бернар Валеро, кој истакнуваше дека целта на фестивалот е да прерасне во меѓународен со центар во Охрид? На вчерашната конференција за печатот во Охрид било истакнато токму тоа - Охрид да биде Кан, Венеција или Берлин.

- Амбицијата ни е од Македонија да направиме земја што би била референтна во поглед на филмот и во поглед на културата. Со една конкретна реализација сакаме да покажеме дека културата може да биде во служба на развојот на една територија, на еден град, на една држава - посочи Валеро.

Фестивалот го организираат Високата школа за аудиовизуелна реализација од Париз и Европската филмска академија од Скопје, во соработка со македонското министерство за култура, градот Охрид и Амбасадата на Франција.

„Златна маска“ ќе добие Клод Лелуш на Фестивалот на францускиот филм - за неговото творештво и за спомен од Охрид.

Маската е реплика на познатата златна маска, откриена во Охрид, кај Горна порта, на 30 септември 2002 година. Маската, пронајдена при археолошките истражувања, е петта посмртна маска, по 4-те требенишки маски, кои, откриени во почетокот на 20 век, сега се наоѓаат во музеите во Софија и во Белград.

Репликата на златната маска со позлата од тенок златен лим на францускиот режисер ќе му ја врачи Паско Кузман, археологот што го пронајде овој бележит наод.

Извор: Нова Македонија

Повеќе артикли...


Видео содржини

Поуки од Светите Отци

dobrotoljubie

Наука и Култура

Мај 10, 2020
3.angeli.so.truba

Емануел Рембер: Читањето е убава мрзеливост и вистински лек

-Чудно е тоа што изолацијата ја доживувам како миг во кој сè е замрзнато. Секако дека сè уште пишувам дневник. Но, во суштина малку пишувам. По неколку реченици на врвот од изолацијата. Ме обзема некое нерасположение. Оваа нова состојба ме води кон некоја…
Април 29, 2020
3.angeli.so.truba

„Ако има волја има и начин“ – Џорџ Бернард Шо

Бидете секогаш чисти. Бидејќи вие сте прозорот низ кој го гледате светот. Демократијата е процес кој ни гарантира дека никој нема да владее подобро од тоа што заслужуваме. Кога човек сака да убие тигар, тоа се нарекува спорт. Кога тигар сака да убие човек,…

Вангел Наумовски уметник кого Салвадор Дали го нарече „сликар од бајките“

Апр 06, 2020 Ликовна уметност 243
3.angeli.so.truba
Со името на охридскиот сликар Вангел Наумовски (22. 3. 1924, Охрид – 13. 6.2006, Охрид),…

Мала Историја на Христијанството и на Светот

Јан 12, 2020 Друго од култура 695
Mudreci.pustina1
Св Јован Крстител е дете на Првосвештеникот Захарије и Елисавета. Захарие веднаш беше…

Скопје и Истанбул се среќаваат во јазикот, литературата, историјата

Ное 24, 2019 Литература 916
7.Vselenski.sobor
– Градовите ја имаат функцијата на поврзување луѓе, вери и народи, како и нивните…

Беседи

 о. Горан Стојчевски: ЛИТУРГИСКИ МИГ ВО СЕКОЈДНЕВНИОТ ПОДВИГ

о. Горан Стојчевски: ЛИТУРГИСКИ МИГ ВО СЕКОЈДНЕВНИОТ ПОДВИГ

За мене е подобра видливата убавина, отколку убавината изразена во зборови, претпочитам богатство, што е во рацете, отколку богатство вообразено на сон; сакам мудрост, која не сјае на зборови, а...

Митрополит Струмички Наум: Повторување (30.05.2020)

Митрополит Струмички Наум: Повторување (30.05.2020)

За неделата на Светите отци од Првиот Вселенски Собор имав намера да пишувам за молитвата што ги опфаќа сите луѓе и секој човек што конкретно страда, ама за кого... Денешните...

Св. Климент Охридски: Поука на вознесение на Господ наш Исус Христос

Св. Климент Охридски: Поука на вознесение на Господ наш Исус Христос

Поради тоа, браќа, бидејќи нè очекува бесконечна мака, да се потрудиме преку подвиг да ја избегнеме, со милостина да го пречекаме бедниот и да го угостиме, примајќи го туѓинецот, гладниот...

Митрополит Струмички Наум: Недела на слепиот (23.05.2020)

Митрополит Струмички Наум: Недела на слепиот (23.05.2020)

Бог е праведен. Сепак, на оние кои се одрекле од светот и световните работи им ветил стократно повеќе уште во овој живот, а плус и Царство Небесно: „Вистина ви велам:...

Храмот е срце

Храмот е срце

До тој Ден, којшто ние сме собрани данеска да го празнуваме. До денот, во којшто светлото Сонце на Правдата дошло да го осветли овој свет и да изгрее од гробот...

Митрополит Струмички Наум: Пробивање низ темнината (18.05.2020)

Митрополит Струмички Наум: Пробивање низ темнината (18.05.2020)

Но, бидејќи над вистинската вера, низ вековите, незабележливо се наталожиле и одомаќиниле уште неколку темнини, денес, оној што ќе поверува, ќе треба да се пробие и низ овие темнини; а...

Митрополит Струмички Наум: Како се сведочи Човекот (16.05.2020 )

Митрополит Струмички Наум: Како се сведочи Човекот (16.05.2020 )

Откако ја стекнува нејзината доверба, Богочовекот Христос ѝ ја покажува и вистинската вера: „Жено, верувај Ми дека иде часот, кога ни во оваа планина, ниту во Ерусалим ќе се поклонувате...

О. Жарко Ѓорѓиевски: БЕСЕДА во Недела на Самарјанката(17.05.2020)

О. Жарко Ѓорѓиевски: БЕСЕДА во Недела на Самарјанката(17.05.2020)

Телото ја прима онаа храна, која во суштина е еднаква со телото. Телото е од земјата и храната за телото е од земјата. Затоа телото во овој свет се чувствува...

БEСEДА за силата штo Бoг им ја дал на прoрoчкитe збoрoви

БEСEДА за силата штo Бoг им ја дал на прoрoчкитe збoрoви

Слoвoтo Бoжјo e какo oган на кoјштo сe радува правeдникoт прeмрзнат вo студeнилoтo на oвoј свeт; и слoвoтo Бoжјo e какo oган кoј гo изгoрува нeправeдникoт, кoгo oвoј матeријалeн свeт...

« »