логоFacebookTwitterYouTubeeMail

 

22/08/2016

 

 Океј, океј. Знаеме дека и онака имаме to-do листи, мобилни календари, аларми и потсетници што постојано нѐ потсетуваат дека доцниме на преглед кај забарот, дека оваа сабота сме на свадба и дека не го испративме тој мејл што шефот очекуваше да го испратиме завчера. Но, среде забрзаниот ритам и трилијардата планови зад кои доцниме, веруваме дека оваа листа со пет нешта ќе ни помогне на сите да бидеме поефективни, повосредоточени и пред сѐ, порадосни и посмирени. Од сите to-do листи, оваа е сепак поинаква: нејзиното сидро е фрлено во вечноста.

Пазар, Украина

Пазар, Украина

1. Започнете го денот со молитва, со читање на една глава од Новиот Завет, доверувајќи Му ги сите грижи и радости на Бога.

Звучи едноставно, и навистина е. Еден snooze помалку на мобилниот аларм, и само 3-4 минути посветени на Бога, на разговор со Него, на читање на Неговото слово, може да направи револуција во нашиот живот. Кога човек се моли, тој разговара со Бога. А, кога човек го чита Светото Писмо, Бог му одговара. И ова не мора да е ништо ритуално: прекрсти се, застани пред Бога, и кажи неколку Господи Исусе Христе, Сине Божји, помилуј ме и Пресвета Богородице спаси нѐ на почетокот од денот. Ова е доволно за да може целиот наш живот, и животот на луѓето околу нас да биде преобразен. Проверено. А Фејсбук/Твитер/Инстаграм/Тајм.мк може да проверите дури половина час после будењето.

2. Покажете љубов, дарувајте љубов. Слушнете се со вашите родители, со вашите деца, со вашите тетки и чичковци.

Да, Самиот Господ рекол: „По тоа ќе ве познаат сите дека сте Мои ученици, ако имате љубов помеѓу себе“ (Јн. 13,35). Да, точката 1. е почеток на оваа љубов. Но, покрај молитвата за ближните, ни треба и сведоштво. Христијанската љубов не е пасивна, таа е активна, делателна. Но, оваа делателност најчесто се согледува во ситници: насмевнете ѝ се на старата сосетка, јавете му се на вашиот татко, прашајте ја тетка ви да не ѝ треба нешто. Зборувајте, и што е уште поважно, делувајте.

3. Кажете им на другите дека ги љубите. Дека многу ги љубите, и дека сте им благодарни.

Ова оди рака под рака со претходната точка. Точно, најчесто мислиме нашата љубов се подразбира, и немаме време да навлегуваме во навидум патетични разговори со нашите ближни. Но, тука се крие една голема бездна: животот минува, а ние сме заборавиле кога последен пат сме ѝ кажале на нашата мајка дека ја љубиме, и дека сме ѝ благодарни за сѐ што сторила за нас. Како христијани, на Бога Му благодариме секојдневно за сѐ и за сите. Но, како да Му кажеме на Бога, Кого не Го гледаме, дека сме Му благодарни, ако не им го кажеме истото на нашите родители, деца, ближни, соработници, на сите луѓе, кои ги гледаме, дека сме им благодарни?

4. Вежбајте се во пожртвуваноста и послушноста.

Да речеме дека сите претходни точки сме ги исполниле: се разбудивме, се помоливме, прочитавме не една, туку две глави од Новиот Завет; ѝ се насмевнавме на старата сосетка во лифтот, и му се јавивме на нашиот стар татко, и некако успеавме да се пресрамиме и да му кажеме дека го љубиме. Но, додека зборуваме со него, се наоѓаме во супермаркет и гледаме како еден од вработените мака мачи редејќи ги артиклите на сталажа. Пакетот што го држи со едната нога е на неколку секунди од губење на рамнотежа. Доволно е само да ја подадеме раката и да му помогнеме да го избалансира пакетот, за тој да не се сруши и да создаде дополнителна работа, нервоза и хаос. И наместо незаинтересирано да поминеме покрај него, прелистувајќи ги новите твитови на паметниот телефон, ние ќе ја подадеме раката, и ќе му помогнеме да го избалансира пакетот. Ете, не болеше. Можеби делува смешно и наивно, но Бог најчесто од нас бара многу мали жртви. Тој не бара да воскреснуваме мртви (иако, ако се покажеме верни во ситниците, над многу нешта ќе нѐ направи господари), туку токму ова: подади рака ваму, измиј ги садовите после ручек, тркни до аптека да земеш парацетамол за соседот, ислушај го дедо ти како ти зборува за маката со вилиците.

5. Покајание, смирение, покајание, смирение.

Денот помина, а ние останавме верни на оваа листа. Но, тогаш треба да се потсетиме на Господовите зборови: „Кога ќе исполните сè што ви е заповедано, речете: ’Ние сме слуги непотребни, оти го извршивме она што бевме должни да го извршиме‘“ (Лк. 17, 10). Покајанието и смирението се две страни на една иста паричка. На крајот од денот, треба искрено и смирено да ги согледаме нашите падови, и да се покаеме за нив, верувајќи и ветувајќи дека следниот ден ќе бидеме подобри воини. А, бидејќи многу нѐ љуби, Бог не сака да нѐ разочара и да нѐ фрли во очај, и затоа од нас ги крие нашите слабости. Токму затоа на почетокот во духовниот живот, најчесто сме слепи за своите страсти, падови и гревови. Но, доколку се потрудиме да се смириме, Бог постапно ќе ни ги открие нашите слабости. И тогаш, дури тогаш, оваа листа ќе порасне, и од пет нешта, ќе видиме дека има милион нешта што треба да ги правиме секој ден. Но, тука е и чудото: веќе нема да се вика „икс нешта што треба да ги направам“, туку: „безброј нешта што сакам да ги направам и уште толку нешта за кои се каам“.

Бонус

Но тоа не е сѐ! Доколку продолжите да читате уште 20 секунди, ќе видите дека покрај секојдневната листа, има и неделна и месечна. Барем еднаш неделно треба да земеме учество во богослужбите (најчесто неделни или празнични литургии) и да прочитаме барем едно житие од светителите, а барем еднаш месечно да го посетиме нашиот парохиски свештеник или духовник, за да поразговараме со него и да се исповедаме пред него.

М.Ј.

Извор: http://pravoslavie.mk.

 

Прочитајте повеќе на: http://pravoslavie.mk/pet-neshta-shto-sekoj-pravoslaven-hristijanin-treba-da-gi-pravi-sekoj-den/ .



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 645
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Св. Климент Охридски: Поука на вознесение на Господ наш Исус Христос

Св. Климент Охридски: Поука на вознесение на Господ наш Исус Христос

Поради тоа, браќа, бидејќи нè очекува бесконечна мака, да се потрудиме преку подвиг да ја избегнеме, со милостина да го пречекаме бедниот и да го угостиме, примајќи го туѓинецот, гладниот...

Митрополит Струмички Наум: Недела на слепиот (23.05.2020)

Митрополит Струмички Наум: Недела на слепиот (23.05.2020)

Бог е праведен. Сепак, на оние кои се одрекле од светот и световните работи им ветил стократно повеќе уште во овој живот, а плус и Царство Небесно: „Вистина ви велам:...

Храмот е срце

Храмот е срце

До тој Ден, којшто ние сме собрани данеска да го празнуваме. До денот, во којшто светлото Сонце на Правдата дошло да го осветли овој свет и да изгрее од гробот...

Митрополит Струмички Наум: Пробивање низ темнината (18.05.2020)

Митрополит Струмички Наум: Пробивање низ темнината (18.05.2020)

Но, бидејќи над вистинската вера, низ вековите, незабележливо се наталожиле и одомаќиниле уште неколку темнини, денес, оној што ќе поверува, ќе треба да се пробие и низ овие темнини; а...

Митрополит Струмички Наум: Како се сведочи Човекот (16.05.2020 )

Митрополит Струмички Наум: Како се сведочи Човекот (16.05.2020 )

Откако ја стекнува нејзината доверба, Богочовекот Христос ѝ ја покажува и вистинската вера: „Жено, верувај Ми дека иде часот, кога ни во оваа планина, ниту во Ерусалим ќе се поклонувате...

О. Жарко Ѓорѓиевски: БЕСЕДА во Недела на Самарјанката(17.05.2020)

О. Жарко Ѓорѓиевски: БЕСЕДА во Недела на Самарјанката(17.05.2020)

Телото ја прима онаа храна, која во суштина е еднаква со телото. Телото е од земјата и храната за телото е од земјата. Затоа телото во овој свет се чувствува...

БEСEДА за силата штo Бoг им ја дал на прoрoчкитe збoрoви

БEСEДА за силата штo Бoг им ја дал на прoрoчкитe збoрoви

Слoвoтo Бoжјo e какo oган на кoјштo сe радува правeдникoт прeмрзнат вo студeнилoтo на oвoј свeт; и слoвoтo Бoжјo e какo oган кoј гo изгoрува нeправeдникoт, кoгo oвoј матeријалeн свeт...

Викарен Епископ Јаков Стобиски - Немам човек...

Викарен Епископ Јаков Стобиски - Немам човек...

Да го фрлиме фенерот на Диоген, да се откажаме од потрагата по човек во темнината на овој свет и во сеопштата расчовеченост. Таа потрага за нас заврши во оној миг...

„Мрзливитe рацe брзo ги врабoтува ѓавoлoт а врeднитe - ангeлoт“

„Мрзливитe рацe брзo ги врабoтува ѓавoлoт а врeднитe - ангeлoт“

Вo oвoј свeт на нeпрeстајнo движeњe и нeпрeстајни прoмeни, чoвeкoт, сакал или нe, мoра да бидe врабoтeн, билo сo дoбрo, билo сo злo дeлувањe. Мрзливиoт чoвeк, всушнoст, нe e врабoтeн:...

« »