логоFacebookTwitterYouTubeeMail

Австралиско-Новозеландска Епархија



(13.03.2007)


 
Со благослов на Митрополитот Преспанско-пелагониски и администратор на Австралиско-новозеландската епархија г. Петар се подигнаа темелите на првиот жив манастир во дијаспората - манастирот на св. Прохор Пчински во Донибрук, во близината на Мелбурн, Австралија. Манастирот се планира да биде и е епископско седиште.


Архитектурата на манастирот ќе биде во стариот македонски стил на градба и како таков едиствен во Австралија. Многумина Македонци кои живеат во Австралија помагаат финансиски или со труд во изградбата на манастирот. Тој уште сега станува духовен центар на многумина кои вистински Го бараат Бога во своето срце, а особено младите, кои се најредови посетители и активни учесници во богослужбите и активностите на манастирот. Така, Здружението на македонската православна младина во Австралија (МОУА) одржува редовни средби во манастирот, на кои во последно време присуствуваат дури и возрасни лица.







известува: јеромонах Гаврил,
игумен на манастирот на св. Прохор Пчински
Донибрук, Мелбурн
 
Посети: {moshits}


Трајан Масев

 


 
Македонскиот манастир посветен на Св. Прохор Пчински - Мелбурн
 


Во март месец бев во куса посета на Австралија во градот Мелбурн на гости кај мои блиски. Во разгледувањето на убавините на овој град со својата прекрасна околина, моите домаќини ме однесоа и во месноста Дониброк (Donnybrook), што се наоѓа во непосредна близина на Мелбурнг каде што тече изградбата на Македонскиот Православен манастир Св. Прохор Пчински.


Инаку, ова познато излетничко место на кое Македонците и другите жители од ова подрачје со години го користат за пикнинг и други семејни и верски обележја во поминување на убави пријатни моменти на другарување и прошетки, од минатата година е во сопственост на Македонската Православна Црква.


Уште на самиот влез на посетителот во очи му паѓа поставената голема информативна табла на која, на англиски јазик, пишува дека е во тек изградба на Македонскиот Православен манастир Св. Прохор Пчински.

    

Градењето на Манастирот, према зборовите на Игумен отец Гаврил, започнало веднаш по осветувањето на камен темелникот на 09.09.2006 година и оттогаш па наваму работите се одвиваат непречено.  Према планот и програмата за изградба, се предвидува објектот целосно да биде завршен за две години. 


- Манастирот ќе биде епископско седиште граден според нашиот убав стар традиционален македонски стил со конаци и придружни објекти, вели Игумен отец Гаврил.  Инаку, паралелно со изградбата  сите верски обичаи и семејни потреби редовно се извршуваат во привремената мала Црква изградена во манастирското место. 

Секоја прва сабота во месецот се одржуваат општи трибини - веронаука, секоја сабота, недела и празници се одржуваат редовни служби - Lитургии, а во рамките на манастирот работи и хорот составен претежно од млади луге.  Хорското пеење, поради слабото познавање на македонскиот јазик кај помладата генерација, се пее на англиски и македонски јазик.  Во богатиот организиран манастирски живот се опфатени и младите кои секоја среда се собираат и членовите од Младинската организација МОЈА (MOYA).

Кога го посетивме ова македонско светилиште, и ако денот беше обичен, Македонците со своите автомобили доваѓаат, ја следат редовната утринска служба, си палат свеќи за здравје, а потоа прават и прошетки низ пространото манастирско двориште во кое спокојно си шетаат пауните.  Оние кои веќе подолго време се спријателиле со „разговорливите“ папагали во големиот кавез, разменуваат и по некој збор на аглиски.  Најповеке околу нив се задржуваат децата во обид да чујат што повеке зборови од овие говорливи птици.  Во непосредна близина, посетителите се освежуваат и со природната минерална вода од поставената рачна пумпа, а потоа, по обиколката на прекрасното пространо двориште со придружни спортски објекти и детски игралишта, отседнуваат во малата гостоприемница каде што од љубезниот и гостопримлив персонал, поминувајќи во пријатни мигови на разговор, беспрекорно се услужуваат.  Граќаните-посетители на овој македонски верски бисер, кои од срце и душа подаруваат доброволни парични прилози, помагајќи ја со тоа изградбата на Манастирот, грижливо се  запишуваат и за секој подарен долар добиваат белешка од персоналот на Манастирот.  Покрај паричната помош, нашите граѓани учествуваат и со доброволна работна сила.  Убав впечаток ми остави еден македонски брачен пар кои со гордост на Игумен отец Гаврил му го подарија Евангелието дело на нивниот син  кој во Мелбурн работи како дизајнер.  Нивната животна приказна , за која со интерес и внимание ни ја раскажуваа, обилуваше со маки, среќа и непресушна желба синот, кој моментално со другарите се наоѓал во Париз, да се ожени и да направат убава голема и незаборавна свадба.  Им посакавме желбата да им се оствари и да се венчаат во новиот  Македонски Православен Манастир посветен на Св. Прохор Пчински, и со убави мисли и желби ја завршивме и нашата прва посета на ова убаво македонско верско катче сместено од другата страна на земјината топка десетици илјади километри оддалечено од Татковината.  Македонската Православна Црква своите чеда, било каде и да се, не ги заборава.

 

 
Фотографии и текст: Трајан Масев - Гетеборг, Шведска


 

На 13.о3.2007  се обавиа последните завршни работи околу поставувањето на темелите.




 
МАКЕДОНСКА ПРАВОСЛАВНА ЦРКВА-ЕПАРХИЈА ЗА АВСТРАЛИЈА И НОВ ЗЕЛАНД


Фотографии:
 
- Копање темели за Манастирот Св. Прохор Пчински

- Информативна табла поставена на влезот на објектот


- завршни работи со поставувањето на темелите.


- Цртежите по кои се гради Манастирот Св. Прохор Пчински.

  Посети: {moshits}


Администраторот на Австралиско- новозеландската епархија, г. Петар  
  
 
Македонците кои живеат во Австралија наскоро ќе добијат богослужби на англиски јазик, зашто повеќето млади слабо го знаат или воопшто не го знаат мајчиниот јазик. Како што појасни администраторот на Австралиско-новозеландската епархија, г. Петар, на вчерашната прес-конференција, ова е единствениот начин младите да се привлечат кон Македонската православна црква. Првите чекори на тој план веќе ги направил отец Гаврил, тамошен игумен на манастирот „Св. Прохор Пчињски" во околината на Мелбурн, кој веќе организирал богослужење на англиски за нашинците кои не го знаат македонскиот. Откако ќе ги привлечеме кон МПЦ, ќе им организираме часови за учење на македонскиот јазик и паралелно запознавање со историјата и културата на татковината на нивните родители, тврди митрополитот. Се планираат и поклонички патувања во манастирите и црквите во Македонија, зашто голем дел од нив никогаш не ја посетиле татковината.

На ниво на епархијата, вели г. Петар, е регистрирана Младинска група на православните. Засега, најинтензивна е комуникацијата со Антиохиската црква во која дури 70 отсто од верниците се млади. Администраторот на Австралиско-новозеландската епархија се осврна и на проблемот со црковната општина со која МПЦ е во судски спор. Во текот на тринеделниот престој во таа епархија, г. Петар посетил 80 отсто од црковните општини. Што се однесува до судскиот процес со една компанија која, како што рече, се именува како Македонска православна заедница во Рокдаил, очекува позитивна разврска. Владиката верува дека многу скоро тамошните судии ќе ја соопштат одлуката со која ќе ја спречат групата нивни опоненти во ненаменското трошење пари - за судски спорови и адвокати, зашто средствата се црковни. (Б.Ј.)


 


„Утрински Весник“

  Посети: {moshits}


 

 
Со благослов на Неговото Високопреосвештенство г. Петар, се одржа летниот црковен камп по веронаука, во просториите на црквата на Рождеството на Пресвета Богородица во Sydenham, Мелбурн, Австралија.

 


Ова е веќе втора година како старешината на соборната црква о. Мирко Пешевски организира ваков црковен камп, кој доживува сè поголем интерес. Оваа година часовите по веронаука ги посетуваа 32 деца, кои ги изучуваа основите на нашата света православна вера. После Вечерната богослужба на денот на св. Григориј Богослов, Владиката Петар им ги врачи свидетелствата на децата и им подари по една икона и книга. Децата, пак, приредија мал рецитал и организираа изложба од своите ракотворби за време на кампот.

 

известува: игумен Гаврил од манастирот
на св. Прохор Пчински - Мелбурн, Австралија

Посети: {moshits}

 


Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 822
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

БEСEДА  за лажнитe учитeли

БEСEДА за лажнитe учитeли

Чoвeкoт на oвoј свeт e вo вoјна. Бoрбата e нeпрeстајна, а нeпријатeлитe сe мнoгубрoјни. Пoмeѓу најoпаснитe нeпријатeли спаѓаат лажнитe учитeли. Самo акo чoвeчкиoт ум e впeрeн вo Бoга, чoвeкoт ќe...

Митрополит Струмички Наум: Екстремно одрекување – екстремни дарови (01.08.2020)

Митрополит Струмички Наум: Екстремно одрекување – екстремни дарови (01.08.2020)

Спомнатите и ветени од Бог екстремни дарови, не се однесуваат толку на материјалното колку на духовното. Тоа се даровите на умно-срдечната молитва, на суштинско просветлување на умот, на расудување, на...

Митрополит Кумановско-осоговски д-р Григориј:Ние сме возљубени Божји созданија, кои имаат можност да создадат сопствен начин на постоење...“

Митрополит Кумановско-осоговски д-р Григориј:Ние сме возљубени Божји созданија, кои имаат можност да создадат сопствен начин на постоење...“

Епископскиот чин што денеска преку вас го примам, го разбирам како служење, што во себе ги обединува и најголемата чест и свеста за сопственaтa немоќ. Има ли поголема чест и...

Митрополит Струмички Наум: Бесчувствителност (25.07.2020)

Митрополит Струмички Наум: Бесчувствителност (25.07.2020)

Инаку, ако дозволиме прелеста да навлезе во нас, дали преку страстите на срцето (сластољубие и среброљубие) или преку страста на паднатиот ум (славољубие), таа потоа станува сеопфатна состојба која ги...

Викарен Епископ Јаков Стобиски:„Не плашете се да страдате...“

Викарен Епископ Јаков Стобиски:„Не плашете се да страдате...“

Се одрекуваме од Крстот Христов ако на прекорот враќаме со гнев и бунт, праведен или неправеден, без разлика. Се одрекуваат од Крстот Христов децата кои се непослушни кон родителите, оти...

БEСEДА  за спасeниe на душата какo крај на вeрата

БEСEДА за спасeниe на душата какo крај на вeрата

Никoј нe патува заради патoт туку заради нeкoј или заради нeштo, штo гo oчeкува на крајoт на тoј пат. Никoј нe гo фрла јажeтo вo вoдата вo кoја нeкoј сe...

Митрополит Струмички Наум: Прелест на умот и прелест на срцето (18.07.2020)

Митрополит Струмички Наум: Прелест на умот и прелест на срцето (18.07.2020)

Како што рековме, има лажна состојба (прелест) на умот, но има и прелест на срцето. Првата прелест настанува поради прифаќање и усвојување лажни мисли, а втората од прифаќање и усвојување...

Архиепископот г.г. Стефан:Продолжи ги богољубивите и родољубивите дела

Архиепископот г.г. Стефан:Продолжи ги богољубивите и родољубивите дела

    Со денешниов чин, преку Светиот Дух, врз тебе се изли љубовта Божја[6], и тој дар ќе ти помага со љубов да им служиш на луѓето и да ги исполнуваш задолженијата...

Партениј Епископ Антаниски и Игумен Бигорски:Да си биде епископ значи да се биде прв во служењето

Партениј Епископ Антаниски и Игумен Бигорски:Да си биде епископ значи да се биде прв во служењето

Да се биде епископ, преемник на апостолската благодат, значи да се биде прв не во превласта, не во некакви привилегии, туку во одговорноста и во служењето на другите за добро,...

« »