На 7 јануари 2012 година во Марковиот манастир „Св. вмч. Димитриј Солунски“, (Маркова Сушица, Скопско), на празникот на Раѓањето Христово, отец Дејан Трајков одслужи Божествена Литургија. Верниот народ на Литургијата се причести со Светите Тело и Крв Христови. По Литургијата се прочита пораката од Архиепископот Охридски и Македонски г.г. Стефан.

. По Литургијата игуменијата Илијана ги подкрепи верните со топол чај и колачи. Додека отец Дејан подготви духовна подкрепа со проекција на чествувањето на Рождеството Хистово во Битола. Посебно подтикнувачки беше филмот за чудата кои телесно хендикепиран човек може да ги направи кога има цврст дух и воља. Се образложи тезата „во здраво тело – здрав дух“. Доволен е само еден поглед на околината или медиумите па да видиме примери на духовни болести во здраво тело. Спротивно на тоа, здравиот дух ги надминува телесните недостатоци, се издигнува над сите премрежја на животот и го издигнува човекот да биде светилник за другите луѓе и докажува дека животот е убав.

  За Преминпортал:

Ратислав Кардалев

Линк: Волјата прави чуда http://www.youtube.com/watch?v=KQns8cEI2eI