Посета на Столицата на САД ,
група семинаристи со деканот од Светотроитскиот манастир во Џорданвил

“Блажен е оној кого Ти Си го избрал и примил; он ќе живее во Твоите дворови; ќе се исполни со добрина од Твојот дом; а Твојот дом е свет и чудесен е во праведноста“ (Псалм 64, 4).
Вашингтон, Столицата на САД, град кој кога ќе го видиш, не можеш, а да не речеш “ова е прекрасно“. Полн со разновидни цветови насекаде, период кога јапонските вишни расцветуваат, разни дрвја, со еден збор јас би го нарекол “Зелениот град“. Милионски град, во кој се наоѓа сета главна администација на САД, како што се Белата куќа, зградата на Конгресот...
И јас сум дете во душата, се радувам на сé затоа што и ова парче на земјата Бог го создаде, а јас како опиен продолжувам да пијам од убавините.

Група на семинаристи од Светотроитскиот манастир во Џорданвил заедно со деканот, отец Владимир ја посетивме Столицата (главниот град) на САД. Главната посета се должеше во рускиот православен храм св.Јован Крстител во Вашингтон. Велелепна црква! Истата брои стотици свети мошти од светители, делови од свети места и сл..
По пристигнувањето во храмот се отслужи благодарсвена похвала (Акатист) кон Пресвета Богородица. Овој храм особено го почитува култот на свети Јован Шангајски и Сан Франциски. Зошто? Имено во 1949\50 светиот владика Јован дошол во зградата на Конгресот во Вашингтон и барал од членовите на истиот да дозволат влез во САД на русите (околу 3000 ) кои што живееле во Јапонија. По неговите молитви и труд членовите на Конгресот дале дозвола да влезат во САД. Исто така, првата литургија во Вашингтон која ја отслужил владика Јован била на денот на отсекувањето на главата на свети Јован Крстител и затоа подоцна која бил изграден православен храм, бил посветен на истиот пророк. Патем, дел од семинаристите каде што бевме сместени во едно семејство, човекот чие име му е Сергеј му беше ипоѓакон на свети Јован Шангајски и Сан Франциски, па така имавме прилика да разговараме со него за неговите животни искуства со владика Јован.

Во неделата свештенослужителите при храмот отслужија божествена литургија на свети Василиј Велики, каде на истата речиси целиот народ се причести. Впечатливо беше тоа што Симболот на верата и “Оче наш“ го пееја целиот народ. Сите Му благодаревме на Бога што во овој Великопосен период не донесе во Вашингтон, каде најпрво го запознавме духовниот живот при овој храм, вклучувајќи го овде и делото на свети Јован Шангајски и Сан Франциски. Потоа имавме како кратка трибина на која деканот на Светотроитската Семинарија, отец Владимир говореше на историјата на истата, а ние како семинаристи се претставуваме со наш краток говор.
За време на нашата посета во Вашингтон, прво ја посетивме библиотеката на Конгресот. Можам да кажам дека оваа е меѓу или пак најголема библиотека во светот! Истата изобилува со 25 милиони книги. Градот е полн со разни музеи. Прво, како што горе напоменав чист град, полн со дрвја и цвеќиња. Потоа овде се наоѓа споменикот на Вашингтон, кој е прилично многу висок, Линкајн меморијал... Овде се наоѓа, исто така, и Белата куќа каде што живее и работи претседателот на САД. Недалеку од оваа куќа е зградата на Конгресот која истата е впечатлива со својата висока купола.
Вашингтон, Столицата на САД, град кој кога ќе го видиш, не можеш, а да не речеш “ова е прекрасно“. На крајот остана на благодариме со Похвала кон Бога што ни ги покажува земните е небесните убавини, а јас за себе ќе речам;
Каде и да одам, одам со сето свое срце!
Слава на Троичниот Бог за сé!

Со зборовите на свети Серафим Саровски ќе Ве поздравам- Радувајте се!

  Стојанче Серафим Андов
Светотроитски манастир, Џорданвил