Скопје, 19 јануари 2011 год.

Тропар на празникот, глас 1.

Кога се крштеваше во Јордан, Господи, на светот му се откри Света Троица: зашто гласот на Родителот сведочеше за Тебе, именувајќи Те возљубен Син. И Духот, во вид на гулаб, ја потврдуваше вистинитоста на Неговите зборови. Христе Боже, Кој се јави и светот  го просветли, слава Ти.

Денес, во 33-та недела по Педесетница, кога Светата Црка го слави празникот на Свето  Богојавление на Господ Бог и Спасител наш Исус Христос, поглаварот на Македонската Православна Црква, Архиепископот Охридски и Македонски г. г. Стефан, во сослужение на свештенството од Скопската епархија отслужи  Божествена Литургија во храмот на св. вмч. Димитриј во Скопје.  На Литургијата многубројниот верен народ се причести со Свете Христови Тајни.

По  отсужуената  Божествена  Литургија во храм на св. Димитриј во Скопје,  Архиепископот Охридски и Македонски г. г. Стефан,  го изврши чинот на Голем Богојавленски водосвет,  по што  беше фрлен крстот и беа осветени водите на реката Вардар. На манифестацијата присуствуваше и премиерот Никола Груевски, како и градоначалниците  на Скопје, Коце Трајановски и општината Центар, г-дин Тодоровиќ, претседателот на комисија за меѓурелигиски дијалог г-ѓа Валетина Божиновска, амбасадорот на САД г-дин Рикер со сопругата и други видни личности.

Во Скопје, на денот на Свето Богојавление.

Преминпортал