31.12.2010 год.
(петок)
КОН СОВЛАДУВАЊЕ НА НОВО-ЗАВЕТНИОТ ПРЕДИЗВИК
Со почетокот на Божикниот пост, да го започнеме заедно и подвигот на читање на Новиот Завет, следејќи го 40 дневниот распоред.
34-ден
34 ден: 1 и 2 Послание до Солунјаните
1 Послание до Солунјаните
1 | 2 | 3 | 4| 5
Глава 1
1 Павле и Силван и Тимотеј до црквата на Солунјаните, во Бог, Отецот и Господ Исус Христос, благодат вам и мир.
2 Секогаш кога ве спомнуваме во нашите молитви, Му благодариме на Бог за сите вас,
3 зашто постојано ги спомнуваме делата на вашата вера, трудот на вашата љубов и вашата трпелива надеж во нашиот Господ Исус Христос, пред Бог нашиот Отец.
4 Знаејќи, браќа од Бог сакани, дека вие сте избрани;
5 зашто нашето проповедање на Евангелието меѓу вас не беше само со слово, туку и во сила, и во Светиот Дух, и во полна увереност; како што знаете какви бевме меѓу вас заради вас.
6 И вие не имавте за пример нас и Господ, примајќи го словото сред голема неволја, со радоста на Светиот Дух,
7 така што им станавте пример на сите верници во Македонија и Ахаја.
8 Зашто, од вас Господовото слово се разгласи не само во Македонија и Ахаја, туку за вашата вера во Бог се расчу насекаде, така што нема потреба ние да зборуваме нешто.
9 Имено, самите зборуваат за нас, како не примивте и како се обративте од идолите кон Бог, за да Му служите на живиот и вистинит Бог
10 и да Го очекувате Неговиот Син Исус од небесата, Кого Го воскресна од мртвите и Кој не избавува од гневот што доаѓа.
Глава 2
1 Зашто самите знаете, браќа, дека нашето доаѓање кај вас не беше залудно.
2 Напротив, иако порано пострадавме и бевме хулени во Филипи, како што веќе знаете, бевме смели во нашиот Бог, да ви го говориме Божјото Евангелие сред големо противење.
3 Зашто нашето поттикнување не е од заблуда ни од нечистотија, ниту со измама,
4 туку како што Бог не испита и ни го довери Евангелието, така зборуваме, не угодувајќи им на луѓето, туку на Бог, Кој ги испитува нашите срца.
5 Зашто, како што знаете, никогаш не настапивме со ласкави зборови, ниту со притаена алчност - Бог е сведок за тоа,
6 ниту, пак, баравме слава од луѓето, ниту од вас, ниту од другите, иако можевме да се наметнеме како Христови апостоли.
7 Напротив, бевме благи меѓу вас, како доилка, која нежно се грижи за своите деца,
8 па така, полни со љубов спрема вас сакавме да ви го предадеме не само Божјото Евангелие, туку и своите души, зашто ни станавте многу мили.
9 Впрочем, браќа, вие ги помните нашиот труд и мака, како работевме ноќе и дење за да не обремениме некој од вас, додека го проповедавме Божјото Евангелие.
10 Вие сте сведоци, а и Бог, дека свето, праведно и беспрекорно се однесувавме спрема вас, верните.
11 Како што знаете, ние секого од вас поединечно, како татко своите деца, го бодревме и охрабрувавме, и ви сведочевме
12 да живеете достојно за Бог, Кој ве повикува во Своето Царство и слава.
13 Затоа и ние постојано Му благодариме на Бог, зашто кога го примивте од нас Божјото слово, го примивте не како човечко слово, туку како Божјо слово (што всушност и е) кое и дејствува во вас кои верувате.
14 Зашто, вие браќа, ги зедовте за пример Божјите цркви во Христос Исус, кои се во Јудеја, бидејќи и вие го претрпевте истото од своите сонародници, како и тие од Евреите,
15 кои Го убија Господ Исус и пророците, а нас не истераа. Тие не Му угодуваат на Бог, и непријатели им се на сите луѓе,
16 и ни забрануваат да им зборуваме на неевреите, за да не се спасат, со што секогаш ја дополнуваат мерата на своите гревови. Но најпосле гневот ги стигна нив!
17 А ние, браќа, кога за кратко останавме без вас, настојувавме уште повеќе - лично, а не во духот - со голем копнеж, да го видиме вашето лице,
18 зашто сакавме да дојдеме кај вас - барем јас, Павле, повеќе од еднаш но сатаната не спречи.
19 Зашто, кој е нашата надеж, радост или венец за пофалба? Та не сте ли вие пред нашиот Господ Исус при Неговото доаѓање?
20 Зашто вие сте нашата слава и нашата радост.
Глава 3
1 Затоа кога не можевме веќе да го издржиме тоа, сметавме дека би било добро да останеме сами во Атина,
2 а Тимотеј, нашиот брат и Божји соработник во Евангелието на Христос, го испративме за да ве зацврсти и охрабри во вашата вера,
3 за да не се поколеба никој поради овие маки; зашто сами знаете дека за тоа сме определени,
4 зашто кога бевме кај вас, однапред ви зборувавме дека ќе трпиме маки, и како што знаете, така и се случи.
5 Затоа, јас, не можејќи веќе да издржам, пратив да дознаам за вашата вера, да не би ве искушал искушувачот и да не биде залуден нашиот труд.
6 А сега, откако дојде Тимотеј од кај вас и ни донесе добра вест за вашата вера и љубов, и дека имате секогаш добар спомен за нас и дека копнеете да не видите, како и ние вас,
7 тогаш, браќа, и покрај сета наша мака и невола се утешивме за вас преку вашата вера;
8 зашто сега навистина живееме, кога вие стоите цврсто во Господ.
9 Зашто, каква благодарност можеме да Му оддадеме на Бог за вас, за сета радост со која се зарадувавме поради вас пред нашиот Бог?
10 Ноќе и дење најсесрдно се молиме да го видиме вашето лице и да го дополниме тоа што и недостига на вашата вера.
11 А Самиот Бог, нашиот Отец, и Исус Христос, нашиот Господ, да го насочи нашиот пат кон вас!
12 А Господ да направи вие да растете и да изобилувате во љубов еден спрема друг и спрема сите луѓе, како што и ние ја имаме спрема вас,
13 за да ги утврди вашите срца да бидат непорочни во светост пред нашиот Бог и Отец, при доаѓањето на нашиот Господ Исус со сите Свои светии.
Глава 4
1 Најпосле, браќа, бараме и ве молиме во Господ Исус, така како што примивте од нас упатства како треба да живеете и да Му угодувате на Бог (како што и одите), уште повеќе да изобилувате во тоа.
2 Имено, знаете какви упатства ви дадовме во името на Господ Исус.
3 Зашто Божјата волја е вашето осветување: да се воздржувате од блудство,
4 секој од вас да знае да го држи својот сад во светост и чест,
5 не во похотна страст, како останатите народи кои не Го познаваат Бога
6 никој да не го измамува и да не го оштетува својот брат во тоа, зашто Господ е одмаздник за таквите работи, како што ви рековме и сериозно ве предупредивме.
7 Имено, Бог не не повика кон нечистотија, туку кон осветување.
8 Затоа, кој го отфрла тоа, не отфрла човек, туку Бога, Кој ви Го дава и Својот Свет Дух.
9 А за братољубието нема потреба да ви пишувам, зашто самиот Бог ве научи да се љубите еден со друг,
10 а вие го правите тоа спрема сите браќа во цела Македонија. Но, ве молиме пак, браќа, да го правите тоа уште повеќе
11 и сесрдно да настојувате да живеете мирен живот, да си ги гледате своите работи и да работите со своите раце, така како што ви заповедавме,
12 за да се однесувате така како што прилега кон надворешните и да немате никаква нужда.
13 Не сакаме, браќа, да останете во незнаење за починатите, за да не жалите како другите кои немаат надеж.
14 Зашто ако веруваме дека Исус умре и воскресна, така и оние кои се упокоиле во Исус, Бог ќе ги земе со Него.
15 Зашто ова ви го кажуваме преку Господовото слово, дека ние кои живееме и остануваме до доаѓањето на Господ, нема да отидеме пред оние кои се упокоиле;
16 зашто Самиот Господ ќе слезе од небото, на заповед, со глас на архангел и со Божја труба, и мртвите во Христос ќе воскреснат први.
17 Потоа ние живите кои останавме, ќе бидеме грабнати заедно со нив на облаците, за да Го сретнеме Господ во воздухот; и така засекогаш ќе бидеме со Господ.
18 Затоа, утешувајте се еден друг со овие зборови.
Глава 5
1 А за времињата и периодите, браќа, нема потреба да ви се пишува;
2 зашто самите вие добро знаете дека Господовиот Ден ќе дојде како крадец во ноќ.
3 Кога ќе велат: "мир и безбедност", тогаш ненадејно ќе падне погибел врз нив, како породилни маки врз бремена жена, и не ќе можат да избегаат.
4 Но вие, браќа, не сте во темнина, та Денот да ве затече како крадец,
5 зашто вие сите сте синови на светлината и синови на денот и не и припаѓаме на ноќта, ниту на темнината.
6 И така, да не спиеме како другите, туку да бдееме и да бидеме трезвени.
7 Зашто оние кои спијат, спијат ноќе и оние кои се опиваат, ноќе се опиваат.
8 А ние кои му припаѓаме на денот, да бидеме трезвени, облечени во оклопот на верата и љубовта, а како шлем, надежта на спасението,
9 зашто Бог не не определил за гнев, туку да придобиеме спасение преку нашиот Господ Исус Христос,
10 Кој умре за нас за да живееме заедно со Него, било да сме будни или да спиеме.
11 Затоа утешувајте се меѓусебно и надградувајте се еден друг, токму така како што и правите!
12 Ве молиме, браќа, да им давате признание на оние кои вредно работат меѓу вас, кои се одговорни за вас во Господ и на оние кои ве поучуваат.
13 Ценете ги над се со љубов, заради нивното дело. Живејте во мир еден со друг.
14 Ве молам уште, браќа, поучувајте ги неуредните, охрабрувајте ги малодушните, помагајте им на немоќните и бидете трпеливи со сите луѓе.
15 Гледајте никој никому да не враќа зло за зло, туку секогаш барајте го доброто меѓу вас и за сите луѓе!
16 Радувајте се секогаш,
17 молете се постојано и
18 благодарете за се, зашто тоа е Божја волја за вас во Христос Исус!
19 Не гаснете го Духот, не презирајте ги пророштвата,
20 туку испитувајте се, а држете се за доброто.
21 Воздржувајте се од секој вид на зло!
22 А Самиот Бог на мирот да ве освети наполно!
23 И вашиот дух, душата и телото да бидат запазени целосни и беспрекорни при доаѓањето на нашиот Господ Исус Христос!
24 Верен е Оној Кој ве повикува, Кој и ќе го стори тоа.
25 Браќа, молете се за нас!
26 Поздравете ги сите браќа со свет целив!
27 Ве заколнувам во Господ, ова послание да им го прочитате на сите браќа.
28 Благодатта на нашиот Господ Исус Христос да биде со вас!
2 Послание до Солунјаните
1 | 2 | 3
Глава 1
1 Од Павла, Силвана и Тимотеја до црквата Солунска во Бога Отецот наш и Господа Исуса Христа:
2 благодат вам и мир од Бога Отецот наш и Господа Исуса Христа!
3 Должни сме секогаш да Му благодариме на Бога за вас, браќа, онака како што прилега, зашто што верата ваша необично многу расте, и заемната љубов кај сите вас да изобилува,
4 така што ние самите да се фалиме со вас во Божјите цркви за вашето трпение и вера, при сите прогони и маки, што ги поднесувате:
5 тоа е доказ за превениот Божји суд, дека вие ќе се удостоите со Царството Божјо, за кое страдате.
6 Бидејќи справедливо е пред Бога да им ги врати маките ваши на оние, што ве мачеа,
7 а вам, на мачените, ка ви даде утеха заедно со нас, кога Господ Исус ќе се јави од небото со ангелите на Својата сила,
8 во пламенен оган да им се одмаздува на оние, кое не Го познаваат Бога, кое не се покоруваат на Благовестието на нашиот Господ Исус Христос
9 и кои со вечна погибел да бидат казнети од лицето на Господа и од славата на Неговата моќ,
10 кога ќе дојде Он за да биде прославен во оној ден среде Своете светии, и да Му се восхитуваат сите оние што поверуваа, а исто така и вие, бидејќи со вера го примивте нашето светоштво.
11 Затоа и се молиме секогаш за вас, да ве удостои нашиот Бог за звањето и да исполни со сила секоја желба за добрина и секое дело на верата,
12 та да се прослави во вас името на Нашиот Господ Исус Христос, и вие во Него по благодатта на Нашиот Бог и на Господа Исуса Христа.
Глава 2
1 А што се однесува до доаѓањето на нашиот Господ Исус Христос и нашето собирање при Него, не молам, браќа,
2 да не се колебате лесно во мислите свои и да доаѓате во ужас било преку духот, било преку словото, или преку послание, како да е од нас испратено, како божем настапува веќе Христовиот ден.
3 Никој да не ве измами ни по каков начин; оти оној ден нема да настапи додека најнапред не дојде отпаѓањето и не се открие човекот на гревот, синот на погибелта,
4 кој што се противи и се превознесува над се, што се наречува Бог или светост, за да седне како бог во Божјиот храм, покажувајќи се дека е Бог.
5 Не помите ли дека, уште кога бев при вас, ви зборував за тоа?
6 И сега знаете што Го задржа Него да се открие во Свое време.
7 Тајната на безаконието веќе дејстува, само тоа нема да биде завршено, додека не се отргне оној, што ја задржува сега;
8 тогаш ќе се открие и беззаконикот, кого што Господ Исус ќе го убие со здивот на устата Своја, и преку блесокот на Своето доаѓање ќе го истреби
9 оној, чие јавување, по дејството на сатаната, е со секаква сила и знаци и лажни чудеса,
10 и со секакво неправедно измамување меѓу оние, кои загинуваат, заштоа што не ја примиле љубовта на вистината за своето спасение.
11 И затоа Бог ќе им испрати сила на заблуда за да поверуваат на лагата,
12 та да бидат осудени сите, кое не поверуваа во вистината, а ја засакаа направдата.
13 Ние, пак, сме должни да Му благодариме на Бога за вас секогаш, возљубени од Господа браќа, затоа ќто од почетокот, преку осветувањето на Светиот Дух и преку верата во вистината, Бог ве избра за спасение,
14 кон кое ве повика преку вашето Благовестие, за да ја придобиете славата на нашиот Господ Исус Христос.
15 И така, браќа, стојте и држете ги преданијате, што ги научивте било преку нашето слово, било преку вашето послание.
16 А сам Господ наш, Исус Христос, и Бог и Отецот наш, Кој не возљуби и преку благодатта Своја ни даде вечна утеха и добра надеж,
17 нека ги утеши срцата ваши и да ве утврди во секое слово и добро дело!
Глава 3
1 Потоа, браќа, молете Му се на Бога, за нас, та словото Господово да се распространува и да се слави на секое место, како и меѓу вас,
2 и да се избавиме од жестоки и злобни луѓе, бидејќи не сите имаат вера.
3 Но верен е Господ, Кој ќе ве утврди и запази од лукавиот.
4 Ние сме уверени за вас во Господа дека го вршите и дека ќе го вршите она што ви го заповедаме.
5 А Господ нека ги управи срцата ваши кон љубовта Божја и трпението Христово!
6 Ви заповедам, браќа, исто така во името на нашиот Господ Исус Христос, да се двоите од секој брат, кој живее неуредно, а не според преданието, што го добија од нас!
7 Сами знаете како треба да се угледате на нас, бидејќи ние не живеевме неуредно при вас,
8 ниту, пак, при некого јадевме леб дарум, туку работевме со труд и мака и дење и ноќе, за да не му додеваме на никого од вас.
9 И не поради тоа што немавме власт, туку да бидеме пример, та да се угледате на нас.
10 Зашто, кога бевме меѓу вас, ви го заповедавме ова - дека кој не сака да работи, нека и не јаде.
11 Но слушаме дека некои од вас живеат неуредно, ништо не работаат, туку се занимаваат со празни работи;
12 на таквите им заповедаме и Го молиме нашиот Господ Исус Христос да работаат мирно и да го јадат својот леб.
13 А вие, браќа, не паѓајте со духот, кога вршите добро.
14 Ако некој не ги послуша нашите зборови од ова послание, означете го и не дружете се со него, за да се посрами;
15 но не сметајте го за непријател, туку почитувајте го како брат.
16 А Сам Господ на мирот нека ви даде мир секогаш и во секое дело! Господ нека е со сите вас!
17 Своерачен поздрав од мене, Павла; тоа е белег во секое послание; јас пишувам така:
18 благодатта на вашиот Господ Исус Христос нека биде со сите вас. Амин!
http://preminportal.com.mk/content/view/7250/54/
Превод од англиски: С.Л.
(Светото Писмо во електронски облик е преземено од веб-страницата http: