Во предвечерјето на празникот на Свети Наум, Охридскиот чудотворец, Митрополитот Повардарски г. Агатангел отслужи Вечерна Богослужба во манастирот каде почиваат моштите на Свети Наум во Охрид. На Вечерната Богослужба присуствуваше Митрополитот Дебарско-кичевски г. Тимотеј, а сослужуваше и игуменот на манастирот, архимандритот Нектариј. 

На самиот ден на празникот се отслужи Света Божествена Литургија на која чиноначалствуваше Неговото Блаженство, Архиепископот Охридски и Македонски Г. Г. Стефан во сослужение на Митрополитите Тимотеј и Агатангел, архимандритите Нектариј и Партениј и бројно свештенство од Дебарско-кичевската епархија.

http://www.povardarska-eparhija.org.mk/pe//index.php?option=com_content&task=view&id=952&Itemid=32