Скопје, 7 декември 2009 год.
На 07. 12.2008 година, по повод патрониот празник и основоположникот на Македонска православна црква, и нашата писменост, свети Климент Охридски - Чудотворец, во домот на АРМ, во Скопје, во изведба на Македонската филхармонија на ораториумот „Страданија по Матеј“ од Архиепископот Иларион (Алфеев), од Руската православна црква, започна одбележувањето на споменот на св. Климент Охридски.
На овој исклучителен културен и музички настан, присуствуваа Архиепископот Охридски и Македонски г.г. Стефан, вториот човек на одделот за надворешни работи на Руската православна црква, Николај Балашов, архиереите на МПЦ, претседателот на Република Македонија Ѓорге Иванов, претседателот на Собранието, претставници на Владата, на Парламентот, на МАНУ, и на дипломатскиот кор.
Ораториумот на Архиепископот Иларион е напишан во 2006 година и повеќепати е изведуван во разни градови низ светот.
Друго:
Сашо Татарчевски е роден 1972 година во Битола каде го започнува своето музичко образование. Во 1996 дипломира теорија и хорско диригирањеаво 2004 оркестарскодиригирање во класите на проф. Драган Шуплевски и проф. Фимчо Муратовски на Факултетот за музичка уметност во Скопје. Своето усовршување го продолжува на мајсторски курсеви во Њујорк, Рим, Москва и Берлин соработувајќи со познати диригентски имиња како X. Рилинг, Ф. Каротенуто, М. Горенштајн и М. Јуровски. Работел со разновидни ансамбли како "Битолски камерен оркестар", Македонската филхармонија, Оркестарот на Македонската опера и балет, Симфонискиот оркестар на ИКО-Рим, Битолската опера, ансамблот за современа музика "Алеа", Симфонискиот оркестар на ФМУ, камерниот оркестар "Солисти на ФМУ", Симфонискиот оркестар на Битолско лето, Хоровите "Драган Шуплевски" и "Стив Наумов", Мандолинскиот оркестар при МКЦ, вокалната група на "Танец" и други симфониски и камерни состави. Во последниот период се издвојува поставувањето на неколку сценско¬инструментални проекти како европската премиера на "Грабнувањето на Јунис Вилијамс" на Охридско лето, македонската премиера на "Аптекарот" во чест на јубилејот на Хајдн и пре-миерата на "Мантра дискреација" на Скопско лето. Освен во Македонија, има настапувано и во Португалија, Словенија, Шкотска, Белгија, Грција, Швајцарија, Шпанија, Хрватска, Италија, Србија, Чешка, Бугарија, Турција и Русија. Има освоено повеќе награди на интернационални натпревари меѓу кои Cum Laude награда на европскиот натпревар во Белгија, прва награда на натпреварот "Прашки струни" втора награда на хорските натпревари во Анкара и Римини, специјална награда за диригирање во Чешка и.т.н
Во моментов работи како доцент на ФМУ - Скопје по група предмети од областа на диригирањето и како диригент на Женскиот младински хор при МКЦ.
Солисти:
Сандра Митровска - сопран
Марика Поповиќ - мецосопран
Горѓи Цуцковски - тенор
Владимир Саздовски - бас
Александар Никодиновски
Друго:
Изведба на „Страданија по Матеј" по повод одбележувањето на празникот на св. Климент Охридски
Архиепископ Иларион (Алфеев)-"Во секоја музика - Бах"...
Интервју со архиепископот волоколамски Иларион Алфеев
В Скопье состоялась национальная премьера произведения архиепископа Илариона «Страсти по Матфею»
http://www.mospat.ru/ru/2009/12/08/news9862/