ПОКАНА

 

Почитувани оци, членови на Црковните управи и драги браќа и сестри во Христа, по повод Славата на нашата Црква “Св.Петка Римјанка”, Ве покануваме да не удостоите со Вашето присуство на долунаведените Богослужби и свечености:

- БДЕНИЕ во чест на Св. Петка, кое ќе се одржи вечерта на 07-ми Август (Петок), со почеток во 19,00 часот. На оваа служба ќе има и помазување со чудотворно масло од Св. Параскева.

- СВЕТА ЛИТУРГИЈА, која ќе се одржи на самиот ден на Светителката, 08-ми Август (Сабота) со почеток во 9.30 часот. По Литургијата ќе се осветат врз светите мошти и ќе им се делат на верниците икончиња од Св.Параскева.

Чест и радост ни е да Ве информираме дека на Бдението и Светата Литургија (7-ми и 8-ми Август) во нашата Црква ќе бидат присутни чесните мошти на Светата Параскева, кои по благослов на Рускиот епископ Петар ќе бидат донесени од нашата сестринска Руска Црква „Покров на Пресвета Богородица“ од Дес Плеинс. Исто така, како и на минатогодишното Бдение, и оваа година нашиот хор ќе биде обогатен со членови на Архиерејскиот Хор на Руската Црква и тоа не само на Бдението, туку и на Светата Литургија. Доколку ја посетите нашата веб страница www.mpc-svpetka.com, под „Видео“ ќе можете да видите колку убаво звучеше хорот минатата година и колку торжествени беа нашите Богослужби!

- ПРАЗНИЧНА ЛИТУРГИЈА, во Недела, 9-ти Август, со почеток во 10.00 часот, проследена со водосвет, благословување на коливо, сечење на празничен колач и избор на нов кум на нашата црква, а потоа и СВЕЧЕН РУЧЕК и ИГРАНКА, чиј почеток е планиран околу 12.00 часот напладне, веднаш по Празничната Литургија.