Скопје, 06. 12. 2008 г.

Храмот на Свето Вознесение во Драчево

На  06. 12.2008 година, по четриесет и први пат,  Македонската Православна Богословија која го носи името на патронот на Македонската Православна Црква, Свети Климент Охридскиот- Чудотворец, го прослави својот небесен заштитник.  

Во храмот на Свето Вознесение во Драчево, со Вечерна богослужба  со која чиноначалствуваше Брегалничкиот Митрополит г. Иларион  заедно со свештеници на Македонската Православна Црква, започна  одбележувањето на споменот на св. Климент Охридски.

На Вечерната богослужба, својот архипастирски благослов го даде Неговото Блаженство,  Архиепископот Охридски и Македонски г. г. Стефан, а на службата присуствуваа и  Митрополитот Повардарски г. Агатангел,  и ректор на Богословијата, Митрополитите Полошко-кумановски г. Кирил, Дебарско-кичевски и Плаошки  г. Тимотеј, Брегалнички г. Иларион и  Митрополит  г. Горазд. По завршувањето на богослужбата, во училишниот параклис на Богословијата се одржа духовна академија во чест на св. Климент Охридски.

 Македонска Православна Богословија

„По повод, патрониот празник на нашата Македонска православна црква, а воедно и на Македонската Православна Богословија, оваа вечер се собравме да го одбележиме споменот на нашиот сехвален и рамноапостолен свети Климент Охридски - Чудотворец.
За Македонската Православна богословија постојано велиме дека е наследничка на Светиклиментовиот универзитет, кој имал за цел да подготви луѓе, кои со свештеничката служба ќе ја шират писменоста и христијанизацијата меѓу нашиот народ, па и пошироко.
Свети Климент Охридски, нашиот закрилник и молитвеник пред Бога, измоли и оваа вечер да бидеме собрани овде и да го славиме неговото и Божјото Име. Како негови наследници имаме чест и обврска достојно да го следиме неговиот пример и свето дело, зашто тој е основоположник и поборник (покровител) на нашата Македонска православна црква која е втемелена во Охридската архиепископија.
Му благодариме на Неговото Блаженство, Архиепископот Охридски и Македонски г.г. Стефан што дојде да ја зголеми свеченоста и да подели архипастирски благослов.“ - порача прф. Орачки

На почетокот на академијата, Митрополитот Дебарско-кичевски и Плаошко - Струшки г. Тимотеј  го благослови и  прекрши празничниот леб, а потоа,  пофално слово за светителот, произнесе  професорот  по јазици( старогрчки, англиски и руски),  г-дин Георгиј Глигоров, во кое  ја  опфати  особено теологијата на св. Климент Охридски.  Како дел од прославата, на  двата анонимни конкурса (богословски и поетски),  беа доделени  награди на  најдобрите  ученички трудови, а професорот по македонски јазик г-дин . Ѕвонко Трпевски ги соопшти наградите за Светиклиментовите теми и песни. Духовната академија ја затвори хорот на Богословијата, со неколку композиции од македонско- византиското музичко наследство.

„Во  Македонскта   православна   богословија  покрај   богословските науки се изучува и црковното пеење. Од пред 5 години, Македонската православна богословија со благослов на Светиот Архиерејски Синод на Македонската православна црква ја возобнови традицијата на источното црковно пеење. Почетоците на црковното источно пеење на црковно-словенски јазик се поврзани со градот Солун. Поточно, црковното источно пеење на територијата на Македонија започнало да се практицира околу средината на IX век, со брегалничката мисија на Светите Браќа Св. Кирил и Св. Методиј, а својот процут оваа пеење ќе го достигне во просветителскиот период на Свети Климент Охридски и Св. Наум Охридски, кое продолжува за време на македонската држава т.н. Самоилово царство кога е создадена и Охридската Архиепископија како автокефална црква на македонскиот народ. Оваа хронолошка традиција на Свети Климент на источното црковно пеење ја запазуваат Наум Миладинов, Калистрат Зогравски, Васил Икономов, Димитар Павлов-Штипјанин, Манасиј поп Тодоров, Андон Шахпаски и други.“

 Посети: {moshits}