Пресвета Госпоѓо, Дево Богородице, со твојот чудесен омофор покриј не, и од секое зло  твојот народ запази го, како што те виде како се молиш пречудниот Андреј во црквата Влахернска: и сега , Владичице, испрати ни ја твојата милост голема.

Денес, кога Светата Црква го празнува споменот на Покровот на Пресвета Богородица, преподобен Роман Слаткопоец и преподобен Јован Кукузел, во храмот  Рождество на Пресвета Богородица  во Скопје, се  отслужи Света Литургија. Верниот народ се причести со Светите Тајни Христови.

глас 6.

Бидејќи пречудниот Андреј те виде во воздухот, со мноштво архангели, со апостолите и пророците и мноштвото маченици, како на твојот Син и Бог наш Му се молиш за градот и за луѓето, Владичице, и со чесниот твој покров ги покриваш, не пропуштај и сега, Пречиста, да го спасиш избраното наследство на твојот Син, кое го слави твојот пречесен празник, Многупеана.

 По Литургијата

Марина Петровска ( дипломиран музичар на ФМУ),  диригент на хорот при храмот посветен на Рождество на Пресвета Богородица.

 Во краткиот разговор се неа, ни укажа на податокот дека тие се млад хор, формиран во јануари 2008 година.Членови на хорот се професионални пеачи и академски музичари. На богослужбите пеат според Литугијата на Атанас  Бадев,  и  во догледно време планираат да воведат и византиско пеење. Значајни  ангажмани имааат и во проекти, и како вистински ентузијасти и професионалци, тие ги имаат сите предиспозиции за квалитетен раст.  Од 21 септември оваа година,  во овој храм ја водат певницата на   богослужбите (секој петок и недела, и во деновите на празнични богослужби).

Од Фестивалот на источно-црковно пеење: хор „Св.Петка“- Скопје  (мај 2008 г.)

Од 21 септември оваа година, верниот православен народ  во овој дом на молитва-  посветен на Рождество на  Пресвета Богородица, во Скопје , може да присуствува во  редовни  петочни и неделни богослужби и во деновите кога Светата Црква служи празнични богослужби.

Друго:

• Акатист на Покров на Пресвета Богородица
• Од Фестивалот на источно-црковно пеење: хор „Св.Петка“- Скопје
• Божествена Литургија во храмот на Рожество на Пресвета Богородица (09.10.2008 )
• Божествена Литургија во храм Рождество на Пресвета Богородица, Скопје (27.09.2008)

Посети: {moshits}