логоFacebookTwitterYouTubeeMail

 7.Vselenski.sobor

01. 11. 2019
Излезе од печат новиот број на епархиското списание „ОГЛЕДАЛО“ – посветен на игуменот Кирил (Пејчиновиќ) и на Лешочкиот манастир

    По милоста Божја Ве информираме дека со благослов на нашиот надлежен епархиски архиереј, Неговото Високопреосвештенство, Митрополитот Тетовско-гостиварски г. Јосиф – излезе од печат новиот број, т.е. двоброј 12/13 од епархискиот гласник на  Тетовско-гостиварската православна епархија – списанието „ОГЛЕДАЛО“.
    Митрополитот Тетовско-гостиварски г. Јосиф по повод излегувањето од печат на овој нов број упати поздравно слово до сите читатели на списанието, а истиот интегрално ви го пренесуваме:
ПОЗДРАВНО СЛОВО ДО ЧИТАТЕЛИТЕ НА СПИСАНИЕТО „ОГЛЕДАЛО“
    
„чуајте а верата и никоаш немојте да
ми го забраете мојов манастир“
Јеромонах Кирил Пејчиновиќ
Драги читатели,
Со овие прекрасни и силни зборови на јеромонахот Кирил Пејчиновиќ, нашиот мудар преродбеник и игумен на Лешочкиот манастир, го започнувам овогодинешното поздравно слово упатено до сите Вас, почитувани читатели на новиот двоброј 11/12 на епархиското списание „Огледало“. И навистина нема подобри зборови од Кириловите, со кои можам да Ве поздравам, а истовремено и да Ве посоветувам... Како надлежен епархиски архиереј на Тетовско-гостиварската епархија под чија јуриздикција е и Лешочкиот манастир, оче Кириле, уште од почетокот на мојата служба, се трудам никогаш да не го заборавиме твојот и наш манастир. Ако него го заборавиме и ако верата наша прадедовска не ја зачуваме тогаш се забораваме себе си, своите корења и својот идентитет. А дека во нашите мисли секогаш е Лешок и грижата кон манастирскиот комплекс и зачувувањето на спомените на неговите игумени – доказ е овој број на списанието. Како плод на тој незаборав, Редакцијата на списанието одлучи главната тема на списанието да биде посветена на Лешочкиот манастир и неговиот најпознат игумен, на отецот Кирил Пејчиновиќ.
Лешочкиот манастир и игуменот Кирил се нераздвојно поврзани. Секоја прошетка во Лешок, секое пролистување на неговите дела, секое предание за неговиот лик и дело – нè потсетуваат на него и на неговата исполета дејност во Лешочката света обител. Токму затоа не може да се пишува за животот и дејноста на јеромонахот Кирил, а да не се спомене Лешочкиот манастир, и обратно. Не може да се пишува за манастирот, а да не се спомене неговиот најпознат игумен Кирил, чиј гроб и епитаф ни се постојано сведоштво за еден праведен живот поминат во постојан труд, во борба за зачувување на верата, во просвета на народните маси, како и во надградба на манастирот и неговиот имот.
Преку овие научни трудови, чувајќи и надградувајќи го споменот на Лешочкиот манастир – ние ја чуваме и верата, чиста и света како што ја проповедаше игуменот Кирил. Неговата проповед е жива и сеуште трае. Таа ќе трае додека трае неговиот свет спомен, а споменот на праведникот трае вечно. Затоа неговата проповед ќе трае вечно и ќе нè инспирира кон напредни идеи и ќе нè вдахновува кон творење на дела со кои ќе го развиеме манастирот, кој е светило на Полошкиот крај и пошироко.
Освен научното градиво поврзано со носечката тема на списанието, во овој двоброј вметнавме и други популарни трудови од областа на теологијата, но и текстови од областа на историјата и медицината, потоа рубриката вести и настани од епархијата, како и репортажа за Лешочкиот манастирски комплекс.
Се надевам дека и овој број на списанието ќе ни помогне да се сетиме на игуменот Кирил, да нè го заборавиме Лешочкиот манастир и да ја сочуваме својата вера чиста, сега и секогаш и во сите векови! Амин.
Со почит,
Митрополит Тетовско-гостиварски г. Јосиф,
главен уредник на списанието „Огледало“


Во овој број ќе читате:

1    – Предговор:

-    Поздравно слово до читателите на списанието „Огледало“ – г. Јосиф, Митрополит Тетовско-гостиварски


7.Vselenski.sobor

2–  Тема на бројот: Лешочкиот манастир и игуменот Кирил Пејчиновиќ (1771-1845)

-    Игуменот Кирил Пејчиновиќ и Лешочкиот манастир (1818-1845)- г. Јосиф (Тодоровски), Митрополит Тетовско-гостиварски /Abbot Kiril Pejcinovic and Leshok Monastery (1818-1845) – His Eminence Dr. Joseph, Metropolitan of Tetovo and Gostivar

-    Преподобен отец Кирил Пејчиновиќ – Тетоец, Светилник – Огледало на Црквата во едно мрачно време кое трае – проф. д-р Јован Таковски, протоереј-ставрофор

-    Значењето на отец Кирил – денес – м-р Даријан Сотировски, директор на КОВЗРГ

-    Книгољубецот Кирил Пејчиновиќ – проф. д-р Ѓорѓи Поп Атанасов, академик

-    Местото на игуменот Кирил Пејчиновиќ во современата македонска наука и просвета – вонр. проф. д-р Милан Ѓорѓевиќ, презвитер

-    Стихотворецот Кирил Пејчиновиќ – протоереј-ставрофор Мирко Станковски

-    Јеромонах Кирил Пејчиновиќ како игумен на Марковиот манастир и просветител / Hieromonk Kiril Pejcinovik as hegumen od Marko’s Monastery and educator – Монахиња Илијана (Илкова), игуманија на Марковиот манастир

7.Vselenski.sobor

-    Библиографија за Лешочкиот манастир, за јеромонахот Кирил Пејчиновиќ и за Кириловите дела – проф. Илија Петрушевски

-    Црквата „Свети Атанасиј“ во Лешок (типологија, хронологија и структурен дизајн) – проф. д-р Елизабета Димитрова


-    „Седмогрешник“ на јеромонах Арсенија од 1844 година пишуван на тетовски народен говор – Дарко Гавровски

3 – Теолошки теми:
-    За исходењето на Светиот Дух (втор дел) –д-р Оливер Ивановски, протопрезвитер

-    Персонологијата и христологијата на свети Максим Исповедник (втор дел) – протопрезвитер Александар Стојаноски


4 – Историски теми:

-    Христијаните во Османлиска Македонија – прилог кон социјалната историја на Османлиска Македонија (втор дел) – Васко Гичевски

-    Архиепископот Доситеј (1906-1981) – првиот поглавар на возобновената Охридска архиепископија во лицето на Македонската православна црква од 1958 до 1981 година – Славе Николовски - Катин

-    Регистар со поважни датуми од црковниот живот на Македонската православна црква – Охридска архиепископија (втор дел)– дипл. теолог Петар Петковски


5 – Медицина:
-    Агресивноста во интерперсоналните односи (втор дел) - проф. д-р Методи Чепреганов, невропсихијатар

6 – Беседи:
-    Во спомен на просветителот од Теарце - г. Јосиф, Митрополит Тетовско-гостиварски
-    200 години „Огледало“ – г. г. Стефан, Архиепископ Охридски и Македонски и на Јустинијана Прима

7 – Вести и настани од епархијата:
-    Вести и настани од Тетовско-гостиварската епархија – Синиша Георгиев



Списанието е бесплатно и можете да го најдете во храмовите на Тетовско-гостиварската епархија, на  веб – страната на епархија (http://tge.mk/product/ogledalo-dvoboj-1213?fbclid=IwAR1sATf2mrTxGWgI59kAYpyZ8UI43CLvXhPdcVc2Z7jBvSPV0R0xEqQ3AdM), како и слободно електронски да го превземете на следниот достапен линк (http://tge.mk/vesnici/Ogledalo1213.pdf).    
Повеќе информации за списанието, како и сите Ваши забелешки, коментари, критики, пофалби да ни ги испраќате на Оваа е-адреса е заштитена од спамботови. Треба да ви е овозможено JavaScript за да ја видите.;  
„Огледало“ претставува православно списание, кое сoдржи најразлични современи духовни теми, кои се поврзани со православната вера, култура, образование и наука, кои се најнеопходни во црковната мисија за просветлување на православниот човек. Исто така списанието содржи најнови вести од епархискиот живот. Тоа е плод на веќе низата проекти на Епархискиот црковно-просветен совет при епархијата.
На крај, на Редакцијата на списанието „Огледало“ им честитаме и им посакуваме уште плодна и успешна работа во иднина.

 

 

 



Видео содржини

Поуки од Светите Отци

dobrotoljubie

Беседи

 Митрополит Струмички Наум: Куќа без темели (21.10.2020)

Митрополит Струмички Наум: Куќа без темели (21.10.2020)

   Така е кога човек има световно знаење, но нема духовно знаење. Тој може да има знаење и вештини од разни области како бизнис, економија, политика, што јас знам, градежништво,...

 Митрополит Струмички Наум: Секташко однесување во Црквата (17.10.2020)

Митрополит Струмички Наум: Секташко однесување во Црквата (17.10.2020)

 Богочовекот Исус Христос е единствената Глава на Црквата. Епископот на локалната Црква е икона Христова, седи на место Христово и претставува обличје Негово. Тој не е Самиот Христос, туку е...

Митрополит Струмички Наум: За самооправдувањето (11.10.2020)

Митрополит Струмички Наум: За самооправдувањето (11.10.2020)

Самооправдувањето е болест која е пораширена, понезабележлива и потешка од судењето и осудувањето. Самооправдувањето и осудувањето се две страни на една гревовна состојба – гордоста.Пораширена – затоа што, најчесто, дури...

  Јане Илиев: СЕДУМНАЕСЕТТА НЕДЕЛА ПО ПЕДЕСЕТНИЦА

Јане Илиев: СЕДУМНАЕСЕТТА НЕДЕЛА ПО ПЕДЕСЕТНИЦА

 Современиот човек брза по светските суети, бега од скромниот живот и во празните и лажни авантури бара да ја заборави душевната горчина, која му ја создава свеста за безбожните дела....

Стефан, Архиепископ Охридски и Македонски: БЕСЕДА

Стефан, Архиепископ Охридски и Македонски: БЕСЕДА

 Траат светиите, зашто е вечен Изворот на нивната светост! Зар ќе ја спомнувавме првопокрстената Лидија или Светите Ахилеј Лариски, Еразмо Охридски, Петанесетте Тивериополски свештеномаченици, рамно¬апостолните Кирил и Методиј и нивните...

Митрополит Струмички Наум:  За судењето и осудувањето на другите (03.10.2020)

Митрополит Струмички Наум: За судењето и осудувањето на другите (03.10.2020)

Да те прашам, човеку, зошто ти е помило да му судиш и да го осудуваш некого врз основа на озборување, кога веќе ти се достапни и познати неговите дела и...

СВЕТА СОФИЈА И НЕЈЗИНИТЕ ЌЕРКИ,МАЧЕНИЧКИТЕ ВЕРА, НАДЕЖ И ЉУБОВ

СВЕТА СОФИЈА И НЕЈЗИНИТЕ ЌЕРКИ,МАЧЕНИЧКИТЕ ВЕРА, НАДЕЖ И ЉУБОВ

Откако сите четири бестрашни маченички биле изведени пред царот, смирено и одлучно ја исповедале верата во Христа Господа и одбиле да принесат жртва пред идолската божица Артемида. Пред страдањата, Софија...

Отец Александар Шмеман: Воздвижение на Чесниот Крст

Отец Александар Шмеман: Воздвижение на Чесниот Крст

Тоа бил празникот на христијанското царство, кое се родило под закрилата на Крстот, во денот кога царот Константин го видел Крстот над кој пишувало:: „Со ова ќе победиш…” Тоа е...

Ретроспектива (2005-2020): „Митрополит Струмички Наум - Го сведочиме ли Крстот Христов или само својот крст? (6)

Ретроспектива (2005-2020): „Митрополит Струмички Наум - Го сведочиме ли Крстот Христов или само својот крст? (6)

 Сите имаме свој крст, но прашањето е: дали нашето страдање Бог го прима како учество во Крстот Христов или тоа е само обично, очајно и бесмислено човечко страдање? Односно, дали...

« »