Скопје, 22 мај 2014 год.-храм на св. Николај Чудотворец , н. Јане сандански

Со благослов на Неговото блаженство, Архиепископ охридски и македонски г. г. Стефан, а по благоволението на игуменот на Бигорскиот манастир „Свети Јован Бигорски“, архимандрит Партениј, на 22. 5. 2014 лето Господово, на празникот Пренос на моштите на свети Николај Мирликиски во Бари, познат меѓу народот и како летен Свети Николај, во храмот „Свети Николај Чудотворец“ во нас. Јане Сандански, на поклонение беа  изложени мошти од овој голем и многупрославен светител и чудотворец,  донесени од светата Бигорска обител.  Им благодариме на архимандритот Партениј и братството на Бигорскиот манастир за благословот и покажаната љубов.
Христос воскресе! 

 Во преполниот храм на св. Николај Чудотворец, отец Бобан Митевски отслужи  Божествена Литургија на која многубројниот верен народ се причести со Светите Христови Тајни. Ја имавме таа исклучителна можност со радосна трепет да се поклониме на дел од моштите на светителот. Во пропведта на отецот, не поучи за светителите и нивните мошти и дека секој од нас е повикан да биде свет, како што не повикува нашиот Спасител; “Јас сум Свет и вие бидете Свети”. Укажа на денес многу распространетато чувство на несигурност и најразлични видови на страв, и  на потребата често да се посетува спасителниот Божјиот храм.

   Преминпортал (к.т.)

ОдВескиот календар на МПЦ:

Свети Николај, Чудотворец Мирликиски

Пренос на моштите. Во времето на царот Алексеј Комнен и на патријархот Никола Граматик, во 1087 година телото на овој светител беше пренесено од Мир Ликиски во градот Бари во Италија. Тоа се случи заради навалата на муслиманите на Ликија. Светителот му се јави во сон на некој чесен свештеник во Бари и му заповеда неговите мошти да се пренесат во тој град. Во она време градот Бари беше православен и под православен патријарх. При преносот на моштите на Светителот се случија многу чуда, како од допирот на моштите така и од мирото коешто изобилно се лееше од нив. На овој ден уште се споменува и чудото извршено над српскиот крал Стефан Дечански, т.е. како Свети Николај му го врати видот на слепиот крал Стефан.