логоFacebookTwitterYouTubeeMail

 krstopoklona2020 1

„Денес се исполни пророчкото слово, зашто, ете, се поклонуваме на местото каде што стоеја нозете Твои, Господи: и, откако од дрвото на спасението вкусивме, од гревовните страсти слобода примивме, по молитвите на Богородица, единствен Човекољупче“ (богородичен на стихири за време поклонување на чесниот Крст, на Утрена на Крстопоклона недела“.

 krstopoklona2020 2

krstopoklona2020 4

krstopoklona2020 5

На 22.03.2020 година, во параклисот „Св. Кирил и Методиј“ во манастирот „Св. Наум Охридски“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и администратор Австралиско-сиднејски г. Тимотеј, во сослужение на архимандритот Некатариј, игумен на манастирот, протоерејот-ставрофор Никола Христоски и протоѓаконот Николче Ѓурѓиноски. Пред започнувањето на Литургијата, беше изнесен светиот Крст, а по завршетокот на Литургијата, Митрополитот Тимотеј се обрати кон верниците со пригодна беседа, која подолу во целост ви ја пренесуваме. На самиот крај, Митрополитот Тимотеј упати молитва кон Семилостивиот Бог, Он, со Неговата милост и милосрдие, да се смилува на нас, и да ја отстрани опасноста од опасниот вирус што ја зафати нашата земја, како и целиот свет, и да ги заштити болните и сите луѓе од оваа опасна наезда. Во продолжение ви ја пренесуваме беседата од Митрополитот Тимотеј.

 krstopoklona2020 11

Митрополит Тимотеј


Во името на Отецот и Синот и Светиот Дух.

krstopoklona2020 10
Еве драги верници, денеска ја прославуваме третата недела од Велигденскиот пост. Денес за утврдување на нашата вера и зацврстување на нашите духовни сили на сред црква го изнесуваме светиот крст за поклонување и целивање од верните. Нашата света Црква не ги остава без духовна поддршка своите верни чеда во стремежот да го изодат крстниот пат на нашиот Спасител и достојно да го поминат периодот на постот и покајание. Да се поклониме на крстот Господов и побожно да паднеме пред дрвото на спасението на човечкиот род. Крстот Господов е животворен крст Христов и извор на вечен живот и вруток на нашето спасение. Како што е пријатно за испотен патник да дојде во некоја ладовина со студена вода, така и за нас кои се подвизуваме во овие денови на Велигденските пости е благодатно да се поклониме на вечномирисното дрво на нашето спасение. Да се поткрепиме со спасителните плодови на премудроста и избавувањето.


Што значи за нас крстот, што ние така умилно денеска му се поклонуваме во светата Црква? Ете, тој стои пред нашиот поглед и Господ наш Исус Христос нѐ привлекува кон Себе, зашто Тој заради нашите гревови ги рашири своите раце и нѐ прегрнува за да нѐ избави од секакви злоби, пакости и страдања. Но, еве како човечкиот род Му возвраќа на својот Создател и Спасител! Распнатиот Господ и понатака вика кон сите нас: не грешете и не Ме распнувајте повторно! Какви поуки ни дава Синот Божји, стоејќи во подножјето на Својот крст? Христос нѐ поучува да ги простиме сите навреди, да не се осудуваме, туку да ги сакаме не само ближните, туку и нашите непријатели. Сам Господ Христос пред Неговото страдање се моли за своите убијци: „прости им, Оче, зашто не знаат што прават" (Лк. 23, 34).


Крстот Господов е симбол на нашето страдање заради нашите престапи и гревови. Но, тој исто така е и наша надеж за победа над сите страдања и искушенија, кои ги победуваме само преку Христа. Без крстот не можеме да бидеме учесници ниту во славното Христово воскресение. Ете затоа со побожност и трепет денеска се поклонуваме на крстот Господов. Преку него да отстраниме од себе секаква гордост и секоја друга лоша работа, па така да се избавиме од сите искушенија. Во нашиот живот нѐ снаоѓаат многу маки и искушенија. Но, во сите нив нѐ утврдува крстот Господов, давајќи ни неискажлива поткрепа.


Крстот Господов ни открива нови духовни сили. Светата Црква знае дека времето на постот е исполнето со усилби и трудови, кои можат да ослабнат, а со тоа и да ја намалат спремноста за духовното совршенство. Поклонувајќи се на Христовиот крст и спомнувајќи си за страдањата на Господа ние добиваме поткрепа и се вдахновуваме за да продолжиме на патот кон духовниот подвиг и усовршување. Да припаднеме кон драгоценото дрво и да се поклониме на него, па радосно да го воспееме и славното Христово воскресение. Амин.

krstopoklona2020 6

krstopoklona2020 8

krstopoklona2020 9

krstopoklona2020 12

Крстопоклона недела
храм „Св. Кирил и Методиј“ - ман. „Св. Наум Охридски“, Охрид
22.03.2020 год.

Извор:

 http://www.dke.org.mk/index.php/3254-2020-03-22-17-36-24

 

 



Видео содржини

Поуки од Светите Отци

dobrotoljubie

Беседи

Архиепископот г.г. Стефан:Продолжи ги богољубивите и родољубивите дела

Архиепископот г.г. Стефан:Продолжи ги богољубивите и родољубивите дела

    Со денешниов чин, преку Светиот Дух, врз тебе се изли љубовта Божја[6], и тој дар ќе ти помага со љубов да им служиш на луѓето и да ги исполнуваш задолженијата...

Партениј Епископ Антаниски и Игумен Бигорски:Да си биде епископ значи да се биде прв во служењето

Партениј Епископ Антаниски и Игумен Бигорски:Да си биде епископ значи да се биде прв во служењето

Да се биде епископ, преемник на апостолската благодат, значи да се биде прв не во превласта, не во некакви привилегии, туку во одговорноста и во служењето на другите за добро,...

О.Бобан Митевски: Долгоденствувај владико свет, Преосветен епископе Антаниски, г. Партениј

О.Бобан Митевски: Долгоденствувај владико свет, Преосветен епископе Антаниски, г. Партениј

Денес беше сецрковно торжество, радост за дојдените заради љубовта во Христа... Радост долгоочекувана, желба кој тивко тлееше во посакувањата на илјадници наши браќа и сестри христијани. Се се радуваше. Толку...

Митрополит Струмички Наум: Првенство по чест (11.07.2020)

Митрополит Струмички Наум: Првенство по чест (11.07.2020)

Нема таков голем грев пред Бог каков што е духовниот геноцид што се врши над нашата света Црква. Да имаш власт да сврзуваш и да разврзуваш и на небото и...

Митрополит Струмички Наум:  Умно-срдечната молитва – критериум на вистинско богословие (07.07.2020)

Митрополит Струмички Наум: Умно-срдечната молитва – критериум на вистинско богословие (07.07.2020)

Теологија без умно-срдечна молитва е повеќе технологија, т.е. умешност, односно техника на составување и вообликување на мислата и на зборот, отколку богословие, отколку Божјо слово; повеќе знаење што произлегува од...

 Митрополит Методиј Златанов: огромна е човечката жед за љубов

Митрополит Методиј Златанов: огромна е човечката жед за љубов

Во духовната пустина на овој суетен свет, на ова место на нашето исконско туѓинување, огромна е човечката жед за љубов. Дури и се навикнуваме да живееме без внимание кон себе...

Митрополит Европски Пимен (03.07.2020)

Митрополит Европски Пимен (03.07.2020)

Да си споменеме за да поверуваме во она дека сė што е соединето со Бога е спасено, та освестеното да го примениме во нашите животи. Да престанеме да ги распнуваме...

Митрополит Струмички Наум: Кажи само збор (04.07.2020 )

Митрополит Струмички Наум: Кажи само збор (04.07.2020 )

Исто така, извршен e и Литургискиот (Евхаристиски) збор, и тој е збор во сила; извор на слово во сила, кое повторно и повторно го обновува светот; затоа што Христос е...

О. Жарко Ѓорѓиевски ✥Беседа за св. Наум Охридски✥  (03.07.2020)

О. Жарко Ѓорѓиевски ✥Беседа за св. Наум Охридски✥ (03.07.2020)

Свети Наум бил мудар учител, единствен раководител на монасите, решителен подвижник, чудотворен молитвеник и духовник. Тој постојано работел на преводи на светото Писмо и другите богослужбени книги од грчки на...

« »