логоFacebookTwitterYouTubeeMail

 1sredavp2020 1

„Апостоли божествени, за светот најтопли молитвеници, и на православните - заштитници, кои имате смелост и моќ пред Христа нашиот Бог; ве молиме, сечесни, молете се за нас, доброто време на постот светло да го завршиме и благодатта на едносупна Троица да ја примиме. Великопроповедници славни, молете се за душите наши“ (стихира на Господи повикав на Вечерна во Прва среда од Великиот пост).

 1sredavp2020 4

1sredavp2020 7

1sredavp2020 9

На 04.03.2020 година, во Првата среда од Великиот пост, во храмот „Успение на Пресвета Богородица“ беше отслужена света архиерејска Литургија на претходноосветени дарови, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоереј-ставрофорите Сашо Богданоски и Димче Ѓорѓиески, свештеникот Димче Азески и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниците со пригодна беседа, која подолу во целост ви ја пренесуваме. Потоа беше изврчен и чинот на Покајание и исповед за свештенството од нашата Епархија, а беше одржано и редовното свештеничко собрание, на кое беа разгледани повеќе прашања и проблеми со кои се соочуваат свештениците од нашата Епархија. Во продолжение ви ја пренесуваме беседата на Митрополитот Тимотеј.

 1sredavp2020 13

Митрополит Тимотеј


Во името на Отецот и Синот и Светиот Дух.
Драги браќа и сестри,
1sredavp2020 14

Во црковните песни за време на Велигденскиот пост среќаваме прекрасни мисли и восхитувања, кои го изразуваат благочестието на древните христијани. Целокупниот свој живот, тие се стремеле да го претворат во живо општење со Господа. Вознесението Христово во царството на Отецот не означувало раскинување на светиот сојуз со Синот Божји и верниците, туку напротив – тоа значело уште потесно општење и проникнување во длабочината на човековата душа. При прекршувањето на лебот и подавањето на чашата на евхаристијата, Господ заповедал: „примете, јадете, ова е Моето тело...и пијте од неа сите, зашто ова е Мојата крв..." (Мт. 26, 26-28).


Со таква мисла кон светата чаша пристапувала целокупната христијанска заедница со цел да најде лично соединување со Господа Кој сите нѐ милува и спасува. Во првите векови на христијанството, христијаните се причестувале на секоја извршена света тајна. Со тоа тие се соединувале со Христа и ништо друго не можело да ја замени таа радост која ја доживувале со примањето на телото и крвта на Господа Исуса Христа. Но, за да се почувствува духовната радост на соединувањето со телото и крвта Господови, треба да му претходи покајание, преку кое душата на човекот се очистува од грев. Токму во деновите на Велигденскиот пост или деновите на плачење и покајание, Црквата дозволува два пати неделно да се извршува света евхаристија и тоа во сабота на свети Јован Златоуст, а во недела на свети Василиј Велики. Но древните христијани чувствувале потреба да се причестуваат повеќе пати, па како одговор на таквото барање е востановена и Литургијата на претходно осветените дарови, која се служи во среда и петок за време на светата Четириесетница.


Самиот чин на оваа литургија е сочинет од страна на свети Григориј Двоеслав папа Римски, кој живеел и делувал во втората половина на VI век и првата половина на VII век. Овој Божји угодник се одликувал со подвижништво и голема ученост, но исто така, поради неговиот свет живот од Бога бил обдарен и со чудотворство. Неговата литургија во минатото била прифатена и на Исток и на Запад, а денес се служи само во источната Црква.


Се вели дека во една прилика, додека служел литургија и зборувал дека лебот и виното се тело и крв Христови, во мислата на една жена која ги месела просфорите влегол демонот и ѝ ставил сомнеж, па таа почнала да се смее. Кога свети Григориј Двоеслав го забележал тоа, ја прашал зошто се смее. Таа одговорила дека слушајќи ги неговите зборови дека лебот кој таа го месела и печела е тело Христово, не можела да се начуди на тоа. Свети Григориј се сожалил на таа душа прелажана од демонот и се помолил сите верници да ги почувствуваат и видат телото и крвта Господови, со цел да ги отстрани сомнежите кај оваа жена и кај останатите. Откако тоа се случило, тој повторно се помолил телото и крвта Господови да бидат почувствувани од верните како леб и вино.


За време на божествената литургија со нас се молат сите небесни сили. Престојувајќи пред престолот Господов, ангелите се трудат да нѐ наведат кон добро, а истовремено да нѐ заштитат од секакво зло. Тие жалат за нашите гревови, се радуваат на нашето покајание, а ликуваат кога човек ќе се најде во вечен и блажен живот.


За време на големиот вход при литургијата која ја служевме, кога свештеникот го носи светиот дискос, всушност Го носи Господа Христа и сите небесни сили Му служат и не смеат ниту да го подигнат погледот кон Него. Благочестивиот и верен народ на Христа Му оддава достојна почит со приклонување на колената.


Периодот на Великиот пост за нас христијаните е време во кое треба да се оддалечиме од сите светски суети и да се насочиме кон внатрешно делување задлабочувајќи се во нашата душа. Така ќе ги искорениме сите сокриени страсти и пороци. Спомнувајќи си за четириесетдневниот пост на нашиот Спасител во пустината заради наше спасение, да ни се засилат молитвите и воздржанието не само во јадење и пиење, туку и во мислите и чувствата. Така ќе отстраниме од себе сѐ што може да нѐ оскверни. Тоа ќе го направиме преку исповедањето на нашите гревови примајќи прошка за нив. Амин.


1sredavp2020 15


 1sredavp2020 18

Среда од првата седмица од Великиот пост
Храм „Пресвета Богородица Каменско", Охрид
04.03.2020 год.

 1sredavp2020 19

Повеќе:

http://www.dke.org.mk/index.php/3247-2020-03-04-12-36-08

 

 



Видео содржини

Поуки од Светите Отци

dobrotoljubie

Беседи

Архиепископот г.г. Стефан:Продолжи ги богољубивите и родољубивите дела

Архиепископот г.г. Стефан:Продолжи ги богољубивите и родољубивите дела

    Со денешниов чин, преку Светиот Дух, врз тебе се изли љубовта Божја[6], и тој дар ќе ти помага со љубов да им служиш на луѓето и да ги исполнуваш задолженијата...

Партениј Епископ Антаниски и Игумен Бигорски:Да си биде епископ значи да се биде прв во служењето

Партениј Епископ Антаниски и Игумен Бигорски:Да си биде епископ значи да се биде прв во служењето

Да се биде епископ, преемник на апостолската благодат, значи да се биде прв не во превласта, не во некакви привилегии, туку во одговорноста и во служењето на другите за добро,...

О.Бобан Митевски: Долгоденствувај владико свет, Преосветен епископе Антаниски, г. Партениј

О.Бобан Митевски: Долгоденствувај владико свет, Преосветен епископе Антаниски, г. Партениј

Денес беше сецрковно торжество, радост за дојдените заради љубовта во Христа... Радост долгоочекувана, желба кој тивко тлееше во посакувањата на илјадници наши браќа и сестри христијани. Се се радуваше. Толку...

Митрополит Струмички Наум: Првенство по чест (11.07.2020)

Митрополит Струмички Наум: Првенство по чест (11.07.2020)

Нема таков голем грев пред Бог каков што е духовниот геноцид што се врши над нашата света Црква. Да имаш власт да сврзуваш и да разврзуваш и на небото и...

Митрополит Струмички Наум:  Умно-срдечната молитва – критериум на вистинско богословие (07.07.2020)

Митрополит Струмички Наум: Умно-срдечната молитва – критериум на вистинско богословие (07.07.2020)

Теологија без умно-срдечна молитва е повеќе технологија, т.е. умешност, односно техника на составување и вообликување на мислата и на зборот, отколку богословие, отколку Божјо слово; повеќе знаење што произлегува од...

 Митрополит Методиј Златанов: огромна е човечката жед за љубов

Митрополит Методиј Златанов: огромна е човечката жед за љубов

Во духовната пустина на овој суетен свет, на ова место на нашето исконско туѓинување, огромна е човечката жед за љубов. Дури и се навикнуваме да живееме без внимание кон себе...

Митрополит Европски Пимен (03.07.2020)

Митрополит Европски Пимен (03.07.2020)

Да си споменеме за да поверуваме во она дека сė што е соединето со Бога е спасено, та освестеното да го примениме во нашите животи. Да престанеме да ги распнуваме...

Митрополит Струмички Наум: Кажи само збор (04.07.2020 )

Митрополит Струмички Наум: Кажи само збор (04.07.2020 )

Исто така, извршен e и Литургискиот (Евхаристиски) збор, и тој е збор во сила; извор на слово во сила, кое повторно и повторно го обновува светот; затоа што Христос е...

О. Жарко Ѓорѓиевски ✥Беседа за св. Наум Охридски✥  (03.07.2020)

О. Жарко Ѓорѓиевски ✥Беседа за св. Наум Охридски✥ (03.07.2020)

Свети Наум бил мудар учител, единствен раководител на монасите, решителен подвижник, чудотворен молитвеник и духовник. Тој постојано работел на преводи на светото Писмо и другите богослужбени книги од грчки на...

« »