логоFacebookTwitterYouTubeeMail

 23 јануари/5 февруари 2020 лето Господово

    Кој достигнал совршенство за кратко време, тој живеел долго; зашто неговата душа Му била угодна на Господа, затоа и побрзал да ја напушти од безбожноста околу него. А луѓето го видоа тоа и не го разбраа, дури и не помислија за тоа, дека Бог има благодат и милост за Своите Светии и обѕир – за Своите Избраници
    (Мудр. Сол. 4,13-16)


Отец Горан Тасески (†2020)

По последниот макотрпен и исцрпувачки подвиг на благодушно трпение на тешката болест, денеска, на 49 годишна возраст, заспа во Господа ревносниот и од сите возљубен Христов свештеник, отец Горан Тасески од Скопје.

Овој богољубив работник на нивата Господова служеше во манастирскиот храм на Светиот Великомаченик Георгиј Победоносец во Криви Дол, Скопје, каде честопати правеше и бденија, молејќи се за илјадници души. Беше пастир и духовник на многу духовни чеда, особено на младите, за кои секогаш имаше разбирање и татковски збор со топлина и љубов. Живееше со страв Божји, тивко, ненаметливо, со радост и насмевка што го одразуваа духовното веселие на неговата облагодатена душа од животот во Христа. Отец Горан искрено и братски го љубеше нашето монашко братство и редовно доаѓаше во Манастирот, каде рамо до рамо со браќата монаси, помагаше на манастирските послушанија.

Си замина од овој минлив свет онака како што и живееше – тивко, праведно, непосрамено, со блажено упокојување, за да влезе во вечниот покој и во вистинскиот живот во Царството Христово.

Неговото тело ќе биде погребано во петок, на 7 февруари во 13 ч., во храмот на Светите Петар и Павле во Горно Лисиче. Истиот ден изутрината, во Манастирот Свети Георгиј во Криви Дол ќе се отслужи заупокоена Литургија со почеток во 9 часот.


Добриот Христос Бог, Кому верно и ревносно Му служеше и Кого со сиот свој живот Го љубеше, да ја упокои неговата душа во небесните обители на вечната радост, а на членовите на неговото благочестиво семејство и на бројните му духовни чеда, нека им даде утеха и духовни сили!

Вечен му спомен и Царство му небесно! Неговите молитви нека бидат со сите нас!

 

 

Извор: https://bigorski.org.mk/vesti/svet/zaspa-vo-gospoda-otec-goran-taseski/?fbclid=IwAR0WhhJ1DkN2BcphBAkGfozhE-JCKxOYQqxX5TaTsFbZ66BydEJ07brlHW0

 

 

 



Видео содржини

Поуки од Светите Отци

krusevoexport

Беседи

Месопусна недела: Страшниот суд

Месопусна недела: Страшниот суд

Христијанската љубов е „возможна невозможност“ да се види Христос во секој човек, кој и да е, човекот што Бог, по Својата вечна и тајна промисла, решил да го воведе во...

 о. Горан Стојчевски:  МАЈЧИНСКАТА ЉУБОВ И СИНОВСКИОТ ОДНОС

о. Горан Стојчевски: МАЈЧИНСКАТА ЉУБОВ И СИНОВСКИОТ ОДНОС

Во Светото Евангелие, како и на фреските и иконите што ги доловуваат сите искупителни и спасителни моменти од сведоштвото на Богочовекот, преку кои човекот и светот се спасени, наидуваме и...

Отец Методиј Митановски: ЗА БЛУДНИОТ СИН

Отец Методиј Митановски: ЗА БЛУДНИОТ СИН

Кога го слушаме Евангелието за блудниот син најголем проблем е што го поврзуваме со други луѓе а не со самите нас.Така секогаш се сеќаваме на некој мал човек што прокоцкал...

Митрополит Европски Пимен: Беседа за Блудниот син

Митрополит Европски Пимен: Беседа за Блудниот син

Но да си споменеме и дека има браќа (како братот од денешната парабола) кои ќе стојат на вратата и ќе роптаат кон таткото зошто нè примил и кои ќе се...

Беседа за блудниот син (втор дел) (29.02.2020)

Беседа за блудниот син (втор дел) (29.02.2020)

Да дојдеш на себеси е да видиш дека без Бог си гол и бос, и дека без Бог си никој и ништо, и дека без Бог си ветер и магла,...

Беседа за блудниот син (прв дел) (16.02.2020)

Беседа за блудниот син (прв дел) (16.02.2020)

 Бог и Отец на секого од нас подеднакво, без збор и без услов, ни ја дава полнотата на Својата благодат. Од нас самите, од нашата слободна волја зависи како ќе...

Св.  Григориј Палама - Беседа за блудниот син

Св. Григориј Палама - Беседа за блудниот син

Ќе настане глад - рекол Пророкот, оплакувајќи го Ерусалим - но не глад за леб и вода, туку чулен глад за словото Божје (Ам. 8, 11). Глад, тоа е состојба...

 Неделата на блудниот син: Враќањето од прогонство (16.02.2020)

Неделата на блудниот син: Враќањето од прогонство (16.02.2020)

Во третата недела од подготовката за Великиот пост, ние ја слушаме параболата за блудниот син (Лк 15,11-32). Параболата и химните што се пеат тој ден, зборуваат за покајанието како за...

СРЕТЕНИЕ СО ТАЈНАТА ХРИСТОВА - Митрополит Струмички Наум

СРЕТЕНИЕ СО ТАЈНАТА ХРИСТОВА - Митрополит Струмички Наум

Заради соединувањето според Ипостас, Богочовекот Христос немаше потреба, Он лично како Бог – како една сложена Божествена Ипостас која во себе содржи две природи неразделно, неслиено, неразлучно и непроменливо соединети...

« »