логоFacebookTwitterYouTubeeMail

 „Архистратизи Божји, служители на божествената слава, на ангелите началници, и на луѓето наставници, просете го за нас она што е полезно, и милост голема, како бесплотни архистратизи“ (кондак на Утрена на Собор на св. Архистратиг Михаил и на другите бесплотни сили).


svarhmih2019 1
 svarhmih2019 2

svarhmih2019 3

И оваа година, споменот на св. Архангел Михаил и на другите бесплотни сили беше свечено одбележан во манастирот на Белото Езеро, којшто преподобниот Наум Охридскиот Чудотворец го посвети токму на ангелските сили. Празникот започна ден порано, на 20.11.2019 година, со празнична Вечерна богослужба, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, игумен на манастирот, протоерејот-ставрофор Никола Христоски и протоѓаконот Николче Ѓурѓиноски. Прославата на споменот на светиот Архангел Михаил и на другите бесплотни сили продолжи утредента, на 21.11.2019 година, со света архиерејска Литургија, на којашто чиноначалствуваше Митрополитот Тимотеј, во сослужение на архимандритот Нектариј, протоерејот-ставрофор Никола Христоски и протоѓаконот Николче Ѓурѓиноски. По завршувањето на Литургијата, беше прекршен празничниот колач, а потоа Митрополитот Тимотеј се обрати кон верниот народ со пригодна беседа, која ви ја пренесуваме во целост.

 svarhmih2019 4


Митрополит Тимотеј

Во името на Отецот и Синот и Светиот Дух.

Драги браќа и сестри,

Денеска го прославуваме началникот на небесниот свет, светиот архангел Михаил со останатите небесни сили. Ангелскиот свет е бестелесен и е создаден пред сѐ што е создадено видливо, па и пред човечкиот род. Небесниот свет, односно ангелскиот, е поделен по чинови, кои за нас како психофизички битија не се во целост и до крај јасни и познати. Но, сепак, црковната литература и традицијата на светата Црква ни даваат основни сознанија за тој духовен небесен свет. Ангелите престојуваат во небесниот рај каде постојано го слават и величаат името Божјо, а истовремено ја исполнуваат и волјата Божја како гласници и извршители на пораките што семилостивиот Бог ги испраќа кон родот човечки. Нивното пребивалиште е небесниот рај, односно местото на кое се вознесе нашиот Спасител Господ Исус Христос, праведниот Енох, светиот пророк Илија, како и Пресвета Богородица.

Според учењето на нашата света Црква и вера, секој еден од нас на светата тајна крштение добива свој ангел пазител, кој не пази и чува за време на нашиот овоземен живот. Доколку ние живееме и постапуваме според учењето и верата на нашата света Црква и се бориме против злото и гревот, нашиот ангел пазител е постојано со нас и нѐ пази и ни помага за да ги надминеме сите искушенија и опасности на кои не наведува паднатиот ангел, кој е вечен непријател на човековата душа. Но, доколку, пак, ние со нашиот живот се оддадеме на страсти и гревови и истите ги повторуваме, а немаме покајание за нив, тогаш, со нашите постапки, ние придонесуваме ангелот пазител да се оддалечува од нас и да не се застапува. Тогаш остануваме незаштитени и во нас се вгнездува нечестивиот, кој нѐ насочува кон секакви нечистотии, гревови и престапи, за на крај да нѐ донесе до погибел на нашата душа. Ангелот пазител и на таквата душа ќе се појави на смртниот час за да ја проследи и да ги мине сите митарства, но за жал, покрај грешната огревовена душа, тој ќе стои со жалење, а кај праведната душа ќе стои со ликување и оправдување пред сите препреки кои бесмртната душа ќе мора да ги помине. Ние знаеме дека и свети апостол Павле бил издигнат до третото небо и таму ги видел ангелските чинови, за што зборува во 2 Кор. 12, 4. Од Светото писмо знаеме за повеќе јавувања на ангели Божји, како во Стариот завет, така и во Новиот. Така, ангел Божји и се јавува на Мајката Божја и ја известува за чудесното зачнување. Исто така се јавува и на жените мироносици по воскресението и им вели: „Не плашете се, Он воскресна, одете во Галилеја и таму ќе Го видите". Постојат и многу други примери, како од житијата на Божјите угодници, така и од секојдневниот живот на луѓето, кога ангелот чувар го избавува човекот од различни опасности, а често и од неминовна смрт.

И ние, кои денеска се наоѓаме во овој свет манастир, изграден и посветен од свети Наум, токму на свети архангел Михаил и на небесните сили, да се поучиме од учењето на нашата вера за ангелот пазител. Со нашиот христијански живот да го имаме секогаш нашиот чувар и пазител покрај себе, за да не заштитува и пази од секакви искушенија и маки. Да живееме поисправен христијански живот и со нашите грешки и престапи да не придонесуваме нашиот ангел да се оддалечи од нас и да нѐ препушти на нечестивиот, туку да нѐ пази и заштитува за да се спасат нашите души. Амин.

svarhmih2019 6

 svarhmih2019 8

 svarhmih2019 9

 svarhmih2019 17

 svarhmih2019 19

 svarhmih2019 21

 Собор на свети архангел Михаил

Манастир „Свети Наум Охридски"

21.11.2019 год.

Повеќе

 



Видео содржини

Поуки од Светите Отци

dobrotoljubie

Беседи

Игумен на манатирот "Успение на Пресвета Богородица",о. Фотиј, Берово: БЕСЕДА

Игумен на манатирот "Успение на Пресвета Богородица",о. Фотиј, Берово: БЕСЕДА

...По тоа ќе не познаат,по тоа ќе ни мерат...Ако нашите дела и нашите постапки бидат во согласност со Божјите зборови. Лесно е да се каже,тешко е да се спроведе.Еден најобичен...

Св. Фотиј Велики - За Рождеството на нашата Пресвета Дева Богородица

Св. Фотиј Велики - За Рождеството на нашата Пресвета Дева Богородица

Девата се раѓа од неплодна утроба, но дури и да била плодна, рождеството пак би било чудесно. О, големо чудо! Штом времето на сеење поминало, тогаш жетвата дошла; штом огнот...

Митрополит Софрониј - ПРОПОВЕД ЗА РОЖДЕСТВО НА ПРЕСВЕТА БОГОРОДИЦА

Митрополит Софрониј - ПРОПОВЕД ЗА РОЖДЕСТВО НА ПРЕСВЕТА БОГОРОДИЦА

Во Ветената земја - Палестина, дадена на израилскиот народ од Бога, во планините на Галилеја се наоѓа градот Назарет. Во тоа време тој бил толку непознат и малку важен, што...

Епископот Антаниски г.Партениј: Повик на покајание за злоупотребата на интернетот

Епископот Антаниски г.Партениј: Повик на покајание за злоупотребата на интернетот

Како духовник сум сведок колку многу бракови се распаѓаат, и тоа христијански бракови, на воцрковени сопружници. Христијанскиот брак, а со него и сето општество, се наоѓаат во застрашувачка ерозија и...

БEСEДА за силата и мисијата Христoва, какo штo прoрeкoл Исаија

БEСEДА за силата и мисијата Христoва, какo штo прoрeкoл Исаија

Духoт на Гoспoда e врз Мeнe. Зoштo Oн тoа гo гoвoри кoга e рамeн на Духoт какo и на Oтeцoт? Заради свeдoштвo на луѓeтo, какo штo тoлкува св. Златoуст. Нe...

Митрополит Струмички Наум: На рјеках Вавилонских... (12.09.2020)

Митрополит Струмички Наум: На рјеках Вавилонских... (12.09.2020)

Ни покажа и нѐ поучи и како духовно да пораснеме и да ја достигнеме оваа Божествена љубов. Нѐ поучи дека, покрај лоши дела и зборови, срцето треба да го очистиме...

БEСEДА  за исцeлувањe на чoвeштвoтo сo Христoвитe рани

БEСEДА за исцeлувањe на чoвeштвoтo сo Христoвитe рани

Сo Христoвитe рани ниe сe излeкувавмe, така прoрeкува Бoжјиoт прoрoк и сeга ниe знаeмe дeка нeгoвoтo прoрoштвo e вистинскo. Сo Христoвoтo страдањe ниe сe спасивмe oд вeчнoтo страдањe; сo Нeгoвата...

СВЕТИ АПОСТОЛ ПАВЛЕ - КОНТИНУИТЕТ НА ХРИСТИЈАНСКИОТ ИДЕНТИТЕТ

СВЕТИ АПОСТОЛ ПАВЛЕ - КОНТИНУИТЕТ НА ХРИСТИЈАНСКИОТ ИДЕНТИТЕТ

Токму тој конинуитет на овој христијански идентитет кој е спознаен и пренесен од Светите Отци во три степени според начинот на животот во Христа, очистување, просветлување и обожение се поврзува...

Митрополит Струмички Наум: Молитва за цел свет (05.09.2020)

Митрополит Струмички Наум: Молитва за цел свет (05.09.2020)

Кога цел на молитвата (се мисли на молитвата во која постојано го повикуваме името на Богочовекот Исус Христос) е Бог, односно заедницата на секој човек и на сè создадено во...

« »