логоFacebookTwitterYouTubeeMail

 

Sample Image

Со благослов на Митрополитот Повардарски г. Агатангел, се подготви и се испечати книгата „Господи, името ти е љубов“ од свети Јован Кронштадски. Станува збор за едно одлично дело во кое се содржани житието на светителот како и неговите пишани дела кои се полезни за сите христијани, а особено за сегашните и идните свештеници, кои од него може да научат многу за тоа, што значи да се биде посветен пастир, сад на благодатта, светилник кој на сите и им го покажува патот.

Ова најново издание од издавачката дејност при Повардарската епархија „Св. Ѓорѓи Полошки“ е превод на протоереј-ставрофор Миле Љ. Штрбевски.

Книгата може да се најде во сите храмови на Повардарската епархија или да се порача директно од издаваштвото на Повардарската епархија на тел. 043 221 231.



Предговор на книгата за свети Јован Кронштадски

Великиот и најпознат руски свет свештеник, отецот Јован Сергиев (Кронштадски) потекнува до свештеничко семејство, кое повеќе од 350 години давало свештеници, а токму неговиот татко ја прекинал таа традиција, но сепак, пеел во црква. Од таква свештена лоза и осветено семејство се родил малиот Јован. Во детството бил слаб, со кревко здравје, особено го измачувало тоа што не можел со леснотија да учи на училиште. Затоа, искрено, како што знаел, Му се обратил на Бога и Го молел да му помогне во учењето. И молитвата му била услишана, па така, од најслаб ученик, станал најдобар во основно образование, па потоа и во Духовната семинарија и на Петербуршката Духовна академија. По завршувањето на богословското образование, размислува да стане монах, но во него горела желбата за пастирско беспоштедно служење, па затоа стапува во брак со младата Елисавета, која била ќерка на свештеник. Нивниот брак бил повеќе фиктивен, отколку реален, затоа што тој веднаш ѝ кажал дека сака да живее во брак како монах, како брат и сестра - редок и тежок подвиг, кој успеал да го одржи до крајот на својот живот.

Бил ракоположен за свештеник и поставен во градот Кронштад, според кој и го добил своето препознатливо презиме - Кронштадски. Како млад свештеник во овој град, веднаш забележал дека луѓето се многу сиромашни, дека живеат во бедни услови, и згора на тоа, страдаат од пијанство. Тој, без да се штеди, секој ден одел во разни куќи, ги утешувал, ги советувал, им помагал, им давал сѐ што имал, па често се случувало да си дојде дома буквално без своите чевли. И токму тие сиромашни жители на Кронштад први ја забележале неговата светост.

Уште тогаш, како млад свештеник, Бог го дарувал со дар на чудотворство, па по неговите молитви многумина се исцелувале. Тогаш започнува нова фаза во неговиот живот, многумина од сите краишта на Русија доаѓаат кај него за благослов, за молитва, многумина му даваат огромни суми на пари на рака, а тој веднаш ги давал на други луѓе, кои имале многу повеќе потреба од тие пари.

Неговиот ден започнувал во 3 часот после полноќ, најпрво се подготвувал за служење на Литургија, па потоа во 4 часот излегувал од дома и одел во храмот, на утрена, која самиот ја служел, па потоа ја почнувал Божествената Литургија. Храмот во кој служел наскоро се наполнил со луѓе од сите страни на Русија, кои со покајание и ревност за молитва, доаѓале да учествуваат во Литургијата што ја служел овој свет отец. Се случувало во храмот да дојдат и по 5000 луѓе, и додека да се причестат сите, службата завршувала дури во 12 часот на пладне.

Животот го поминал со многу борби, многу искушенија, многу подвизи, но и покрај сето тоа наоѓал време да пишува, да одговара на писма, да проповеда, да ги запишува сите мисли кои му доаѓале во умот после неговите долги молитви. Со неговиот пастирски благослов многумина заминале во манастир, многумина се угледале на него и го продолжиле неговото пастирско дело, многумина се посветиле на Бога и во тајност живееле преподобен живот.

Неговото житие и неговите пишани дела се полезни за сите христијани, а особено за сегашните и идните свештеници, кои од него може да научат многу за тоа, што значи да се биде посветен пастир, сад на благодатта, светилник кој им свети на сите и им го покажува патот. Па така, овој светилник Христов, да ни го осветли патот по кој одиме, да нѐ научи и раководи по трнливиот но славен пат на свештеничкото служење, и по неговите свети молитви, Бог да ни дарува повеќе ревносни и посветени пастири на Црквата, кои ќе го раководат народот кон Христа, кон Царството Небесно. Амин.

Митрополит Повардарски +Агатангел

 

http://www.povardarska-eparhija.org.mk/pe/

 

 



Видео содржини

Поуки од Светите Отци

dobrotoljubie

Беседи

Митрополит Струмички Наум:  Умно-срдечната молитва – критериум на вистинско богословие (07.07.2020)

Митрополит Струмички Наум: Умно-срдечната молитва – критериум на вистинско богословие (07.07.2020)

Теологија без умно-срдечна молитва е повеќе технологија, т.е. умешност, односно техника на составување и вообликување на мислата и на зборот, отколку богословие, отколку Божјо слово; повеќе знаење што произлегува од...

 Митрополит Методиј Златанов: огромна е човечката жед за љубов

Митрополит Методиј Златанов: огромна е човечката жед за љубов

Во духовната пустина на овој суетен свет, на ова место на нашето исконско туѓинување, огромна е човечката жед за љубов. Дури и се навикнуваме да живееме без внимание кон себе...

Митрополит Европски Пимен (03.07.2020)

Митрополит Европски Пимен (03.07.2020)

Да си споменеме за да поверуваме во она дека сė што е соединето со Бога е спасено, та освестеното да го примениме во нашите животи. Да престанеме да ги распнуваме...

Митрополит Струмички Наум: Кажи само збор (04.07.2020 )

Митрополит Струмички Наум: Кажи само збор (04.07.2020 )

Исто така, извршен e и Литургискиот (Евхаристиски) збор, и тој е збор во сила; извор на слово во сила, кое повторно и повторно го обновува светот; затоа што Христос е...

О. Жарко Ѓорѓиевски ✥Беседа за св. Наум Охридски✥  (03.07.2020)

О. Жарко Ѓорѓиевски ✥Беседа за св. Наум Охридски✥ (03.07.2020)

Свети Наум бил мудар учител, единствен раководител на монасите, решителен подвижник, чудотворен молитвеник и духовник. Тој постојано работел на преводи на светото Писмо и другите богослужбени книги од грчки на...

Митрополит Струмички Наум: Слово за фарисеите (03.07.2020)

Митрополит Струмички Наум: Слово за фарисеите (03.07.2020)

Кој им е проблемот на фарисеите, тогашни, денешни и на сите времиња? Тоа што постојано бараат грешка; но не баш кај секој, туку посебно кај оној на кого се фиксирани....

Митрополит Струмички Наум: Како да ја достигнеме молитвата на срцето (01.07.2020)

Митрополит Струмички Наум: Како да ја достигнеме молитвата на срцето (01.07.2020)

И најважно од сѐ е – на секое зло да враќаме со добро, со љубов. За да ни биде дозволено да ја кажуваме оваа молитва треба и во мислите и...

О.Методиј Митановски: Беседа за 3-та недела по Педесетница

О.Методиј Митановски: Беседа за 3-та недела по Педесетница

Важно е да напомнеме дека и покрај големите и епохални откритија на науката, животот на денешните луѓе не ѐ подобар. Напаротив создаден ѐ кај луѓето страв и немир, наместо радост...

Митрополит Струмички Наум: Кој се гневи, без причина, на братот свој (27.06.2020)

Митрополит Струмички Наум: Кој се гневи, без причина, на братот свој (27.06.2020)

И така, не оди да се причестуваш со Светите Тајни Христови ако не си побарал прошка од братот свој, ако не си му одговорил со љубов или ако не си...

« »