логоFacebookTwitterYouTubeeMail

  


Празникот Преполовение се слави на средината меѓу Пасха и Духовден, т.е. на 25-от ден по Велигден. Започнува да се празнува во четвртата Среда после Велигден и продолжува се до наредната среда. Значи, има попразненство во времетраење од 8 дена (вклучувајќи го и денот на Празникот). Всушност, Црквата го одредила овој празник како една врска помеѓу двата претходно спомнати големи празници (Пасха и Педесетница), на тој начин соединувајќи ги во едно преку ова празнување.

Hristos.Sudija.jpg

 Црквата го именувала овој празник според настанот опишан во Светото Евангелие – кога Господ Исус Христос, во третата година од Својата Евангелска мисија, на средината (преполовението) на Старозаветниот празник Сеници влегол во Храмот и почнал да поучува. „А кога се преполови празникот, влезе Исус во Храмот и поучуваше...“(Јован, 7, 14-36).

Празникот Сеници бил еден од трите големи сенародни Еврејски празници во спомен на пребивањето на Евреите во сеници (шатори) за време на нивното талкање во пустината, и посебно во спомен на настанот кога Бог на Гората на сениците му ја покажал на Мојсеј Скинијата (Исход, 25, 40), која Мојсеј требало да ја направи по Божјо упатство (Исход, 39, 43; 40, 1). Празникот се славел осум денови, а првиот и последниот ден биле посебно свети.


Она што посебно го поврзува овој Старозаветен празник со денешниот Христијански празник Преполовение е прославувањето на осмиот ден, кое се состоело од чинот на торжествено излевање на вода. Водоизлевањето всушност било како предзнак на излевањето на Светиот Дух, за кое Господ им кажувал на Евреите токму на последниот голем ден од празникот Сеници, кога ги поучувал во Храмот: „...Кој верува во Мене, од неговата утроба, како што е речено, ќе потечат реки од жива вода. А ова го рече за Духот Кого ќе Го примат оние кои веруваат во Него...“(Јован, 7, 38-39).


Значи, кога се преполовил празникот Сеници, Господ влегол во Ерусалимскиот Храм и почнал да им говори на Евреите. Во голема мера, она што Бог го говорел тогаш било тесно поврзано со настанот кога Он кај бањата Витезда чудесно го излекувал раслабениот а Евреите исполнети со омраза и завист Го осудувале дека ја нарушува Саботата, а со тоа и Законот, бидејќи тоа добро дело го извршил во сабота. Исус мудро им докажувал, поткрепувајќи се токму на Законот, дека неправедно го осудуваат и ги укорувал за нивното неверување и лицемерие. Ете зошто во Богослужбата составена за сегашниот празник може да се забележат многу делови каде што се спомнува токму за тоа исцелување на раслабениот и Господовото обраќање кон лицемерните и тврди по срце Евреи.

„На книжниците устите им ги затвораше, а Јудејците ги изобличуваше Месијата Господ, зборувајќи им: немојте, законопрестапници, по лице неправедно да судите, што во сабота раслабениот го подигнав, зашто сум Господар и на саботата и на Законот. Зошто сакате да ме убиете Мене, Кој мртвите ги воздигнувам?“ (од Хвалитните Стихири на Утрената Богослужба).

Преполовение на Педесетница е древен Христијански празник. За него во своите учења спомнува светиот Јован Златоуст, а Светиот Анатолиј Константинополски (во V век), преподобниот Андреј Критски (во VII век), Св.Јован Дамаскин (во VIII век) и преподобниот Теофан Исповедник (во IX век) го воспеале и со духовни песни, преку кои Црквата и денес Го прославува Господа на средината (преполовението) на Педесетница.


Спомнувајќи ја Неделата на раслабениот кога се осветувала водата од Ангелот во бањата Витезда, потсетувајќи се на Господовите зборови за изливањето на Светиот Дух врз верните, и наговестувајќи ја средбата на Исус со Самарјанката што ќе се прославува наредната Недела, Црквата одредила во денот Преполовение, после Литургијата да се извршува Мал Водосвет и да Му се принесат молитви на  Господа да ги напои жедните со вода на благочестие, како што Он возгласил, велејќи: „кој е жеден, нека дојде кај Мене и нека пие“ (Јован, 7, 37).

Подготви С.Л.


Користени се информации од Книгата „Дни Богослуженија Православној Церкви“ од протоереј Деболски.

Друго:

Hristos.Sudija.jpg

 

 

 

 

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 655
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Митрополит Струмички Наум: Повторување (30.05.2020)

Митрополит Струмички Наум: Повторување (30.05.2020)

За неделата на Светите отци од Првиот Вселенски Собор имав намера да пишувам за молитвата што ги опфаќа сите луѓе и секој човек што конкретно страда, ама за кого... Денешните...

Св. Климент Охридски: Поука на вознесение на Господ наш Исус Христос

Св. Климент Охридски: Поука на вознесение на Господ наш Исус Христос

Поради тоа, браќа, бидејќи нè очекува бесконечна мака, да се потрудиме преку подвиг да ја избегнеме, со милостина да го пречекаме бедниот и да го угостиме, примајќи го туѓинецот, гладниот...

Митрополит Струмички Наум: Недела на слепиот (23.05.2020)

Митрополит Струмички Наум: Недела на слепиот (23.05.2020)

Бог е праведен. Сепак, на оние кои се одрекле од светот и световните работи им ветил стократно повеќе уште во овој живот, а плус и Царство Небесно: „Вистина ви велам:...

Храмот е срце

Храмот е срце

До тој Ден, којшто ние сме собрани данеска да го празнуваме. До денот, во којшто светлото Сонце на Правдата дошло да го осветли овој свет и да изгрее од гробот...

Митрополит Струмички Наум: Пробивање низ темнината (18.05.2020)

Митрополит Струмички Наум: Пробивање низ темнината (18.05.2020)

Но, бидејќи над вистинската вера, низ вековите, незабележливо се наталожиле и одомаќиниле уште неколку темнини, денес, оној што ќе поверува, ќе треба да се пробие и низ овие темнини; а...

Митрополит Струмички Наум: Како се сведочи Човекот (16.05.2020 )

Митрополит Струмички Наум: Како се сведочи Човекот (16.05.2020 )

Откако ја стекнува нејзината доверба, Богочовекот Христос ѝ ја покажува и вистинската вера: „Жено, верувај Ми дека иде часот, кога ни во оваа планина, ниту во Ерусалим ќе се поклонувате...

О. Жарко Ѓорѓиевски: БЕСЕДА во Недела на Самарјанката(17.05.2020)

О. Жарко Ѓорѓиевски: БЕСЕДА во Недела на Самарјанката(17.05.2020)

Телото ја прима онаа храна, која во суштина е еднаква со телото. Телото е од земјата и храната за телото е од земјата. Затоа телото во овој свет се чувствува...

БEСEДА за силата штo Бoг им ја дал на прoрoчкитe збoрoви

БEСEДА за силата штo Бoг им ја дал на прoрoчкитe збoрoви

Слoвoтo Бoжјo e какo oган на кoјштo сe радува правeдникoт прeмрзнат вo студeнилoтo на oвoј свeт; и слoвoтo Бoжјo e какo oган кoј гo изгoрува нeправeдникoт, кoгo oвoј матeријалeн свeт...

Викарен Епископ Јаков Стобиски - Немам човек...

Викарен Епископ Јаков Стобиски - Немам човек...

Да го фрлиме фенерот на Диоген, да се откажаме од потрагата по човек во темнината на овој свет и во сеопштата расчовеченост. Таа потрага за нас заврши во оној миг...

« »