логоFacebookTwitterYouTubeeMail

 

Благиот Бог ни дарува просветување со познание. А ние, пак, го отфрламе од ден во ден. Да ја бевме исполниле волјата Божја, ќе бевме блажени во моментот на наградувањето заедно со сите оние кои ја твореле Неговата волја. Меѓутоа бидејќи не ја исполнувавме, таму нема да имаме никакво оправдување. Ние имено, сите грешиме свесно. Сите ние ги чувствуваме Божјата промисла и даровите со кои нѐ обдарил благиот Бог. Неговата благодат во секое време ги посетува нашите срца. И ако за себе најде спокој, таа постојано ќе пребива во душата. Ако, пак, најде дека нашето срце не е чисто, таа веднаш отстапува. Сепак, штедроста ја поттикнува повторно да слезе и да нѐ посети нас грешните, кои сме променливи по произволение, иако не и по природа. Ние сме секогаш расеани и слаби, полни со завист и лукавства и често еден за друг мислиме лошо. Се занимаваме со лоши помисли и секогаш сме потопени во помисли како во длабока тиња. Доаѓајќи да нѐ посети, благодатта во нашите срца се среќава со смрадот од нечисти помисли и веднаш отстапува. Таа не наоѓа за себе влез, ниту можност да пребива во нас како што ѝ е угодно. Таа единствено со својата светлосна сладост остава впечаток во срцето, за да може човекот да почувствува дека благодатта го посетила и дека во него не нашла место. По насладувањето со тоа озарување од благодатта кај човекот може да се појави желба да ја побара. Всушност, самата благодат и не може потполно да отстапи од нас затоа што нејзиното сопствено милосрдие ја поттикнува сите да ги милува. Ја гледаш ли промислата Божја? Го гледаш ли милосрдието Христово? Гледаш ли како Светиот Бог секогаш нѐ љуби и сака да се спасиме? Блажен е оној човек којшто секогаш се труди да припреми чисто срце за благодатта. Доаѓајќи во него и наоѓајќи го благомирисот и светост на душата, таа ќе пребива во него во век и веков.

Затоа сме должни да ги испитуваме не само помислите туку и одлуката на нашата волја тие помисли да ги смета за пријатни и да им се приклони. Земјоделецот ја сее земјата, но не му се прима сѐ што ќе посади. Така и умот сее произволно, но не се прима и одобрува сѐ. Земјоделецот очекува род од она што земјата го примила, така и Бог бара одговор за она што било примено и одобрено од нашата волја.

Го мразам гревот, но пребивам во страсти; се одрекувам од беззаконија, но и не сакајќи се потчинувам на оваа слабост. Својата природа сум ја потчинил на гревот. Откако ја купи мојата волја, тој за мене стана неопходност. Во мене течат страсти како потоци, бидејќи својот ум го соединив со телото: не можам да ги раздвојам. И брзам да ја изменам својата волја, но претходната состојба ми се противи. Се обидувам да ја ослободам својата душа, но мноштвото на долгови ме притеснуваат.

А сепак, сакам да се ослободам од бедното страсно расположение, само ако Господ ми помогне. Ако направи со мене по големата милост Своја, избавен ќе бидам од гревот и ако ја излее на мене благоста Своја, ќе се спасам. Јас знам дека Он може да го стори тоа и не очајувам за своето спасение. Знам дека мноштвото Негови милости ќе го надмине мноштвото на моите гревови. Знам, дека Он дојде и сѐ помилува, и дека во Светото Крштение прошка на гревовите дарува. Самиот го исповедам тоа бидејќи и самиот се послужив со таа благодат. Но имам потреба да се излечам од гревови што ги направив после крштението. На Воскреснатиот од мртвите не му е невозможно дури и од тоа да ме исцели. Јас сум слеп, но Он го исцели и слепородениот. Јас сум отфрлен како губав, но Он, ако сака, може и мене да ме очисти. Јас изобилувам со гревови, но Неговата благост кон мене нема да биде победена. Он го помилува Закхеја, како достоен, а мене ќе ме помилува како недостоен.

Пристапи грешнику, кон Добриот Лекар и исцели се без напор. Отфрли го од себе гревовното бреме, принеси молитва и со солзи натопи ги загноените рани. Зашто Небесниот Лекар со солзи и воздишки ги лечи раните. Пристапи и принеси солзи: тие се најдобриот лек. На Небесниот Лекар Му е угодно секој да се лечи и спасува со своите сопствени солзи. Тој е лек со брзо, а не споро дејство. Тој не треба постојано да се става на раната, бидејќи веднаш исцелува. Лекарот само чека да ги види твоите солзи. Пристапи без страв. Покажи му ја раната и воедно принеси лек – солзи и воздишки.

Кој нема да се восхити, кој не ќе се зачуди, кој нема да го благослови големото милосрдие на Твојата благост, Спасителу на душите наши, зашто си благоволил да ги примиш солзите како цена за својот лек! О, сило на солзите! До каде се протегаш! Ти со голема смелост непречено на самото небо се искачуваш. О, сило на солзите! Ангелските чинови и сите небесни сили непрестајно се веселат поради твојата смелост. О, сило на солзите! Доколку посакаш можеш со радост да застанеш и пред светиот и висок Престол на пречистиот Владика. О, сило на солзите! Ти за миг се издигаш на небо и она што го бараш го добиваш од Бога. Зашто Он ти доаѓа во пресрет и радосно ти дава прошка.

Но како да Ти се молам, Спасителу мој, кога устата ми е полна со оговарање? Како со песни да Те прославам кога совеста ми е осквернета? Како да Те повикам кога заповедите Твои не ги сочував? Сепак, Ти Самиот Себлаги, не презирај ме мене ништожниот, не отфрлај ме мене гнасниот, не оставај ме безнадежниот. Оти непријателот мој многу би сакал да види како очајувам. Негова единствена радост е да ме види како свој плен поради очајот. Но Ти Сам со Своето милосрдие посрамија неговата надеж, оттргни ме од неговите заби, избави ме од злобните намери и сите замки кои ги поставува против мене! Ги молам сите што ги мачи совест заради непотребните им дела: немојте да очајувате, не причинувајте му радост на својот непријател. Напротив, без срам пристапете кон Бога, заплачете пред Него и испитувајќи се себеси не губете надеж. Зашто нашиот Господ се радува многу на оние кои се каат и го чека нашето обраќање. Он Сам сите ги повикува: „Пристапете кон Мене сите кои сте обременети и јас ќе ве успокојам“ (Матеј 11, 28). Затоа никој нека не очајува за себе колку и да згрешил. Господ е строг само кон оние што Го отфрлаат и не се каат.

Блажен е оној кој посакал разумно да плаче и со скрушеност излева на земјата солзи како скапоцени бисери за Господа. Блажен е оној чија душа станала слична на новонасадено дрво и која секогаш како вода за полевање има солзи по Бога. Блажен е оној кој во својата душа засадува добри стебла, т е. добродетели и она што во себе го засадил го залева молејќи се со солзи, за да Му биде благоугодно и плодоносно на Господа.
Светите и чисти солзи по Бога секогаш ја мијат душата од гревови и чистат од беззаконија. Солзите по Бога во секое време даваат смелост пред Бога и нечистите помисли никогаш не можат да се доближат на душата која секогаш има умиление по Бога. Умилението е ризница што не може да се покраде.

 

Извор: Бигорски манастир

7ми март 2019 лето Господово

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

Дек 09, 2019 Полезно и Потребно 1014
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 980
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Игумен на манатирот "Успение на Пресвета Богородица",о. Фотиј, Берово: БЕСЕДА

Игумен на манатирот "Успение на Пресвета Богородица",о. Фотиј, Берово: БЕСЕДА

...По тоа ќе не познаат,по тоа ќе ни мерат...Ако нашите дела и нашите постапки бидат во согласност со Божјите зборови. Лесно е да се каже,тешко е да се спроведе.Еден најобичен...

Св. Фотиј Велики - За Рождеството на нашата Пресвета Дева Богородица

Св. Фотиј Велики - За Рождеството на нашата Пресвета Дева Богородица

Девата се раѓа од неплодна утроба, но дури и да била плодна, рождеството пак би било чудесно. О, големо чудо! Штом времето на сеење поминало, тогаш жетвата дошла; штом огнот...

Митрополит Софрониј - ПРОПОВЕД ЗА РОЖДЕСТВО НА ПРЕСВЕТА БОГОРОДИЦА

Митрополит Софрониј - ПРОПОВЕД ЗА РОЖДЕСТВО НА ПРЕСВЕТА БОГОРОДИЦА

Во Ветената земја - Палестина, дадена на израилскиот народ од Бога, во планините на Галилеја се наоѓа градот Назарет. Во тоа време тој бил толку непознат и малку важен, што...

Епископот Антаниски г.Партениј: Повик на покајание за злоупотребата на интернетот

Епископот Антаниски г.Партениј: Повик на покајание за злоупотребата на интернетот

Како духовник сум сведок колку многу бракови се распаѓаат, и тоа христијански бракови, на воцрковени сопружници. Христијанскиот брак, а со него и сето општество, се наоѓаат во застрашувачка ерозија и...

БEСEДА за силата и мисијата Христoва, какo штo прoрeкoл Исаија

БEСEДА за силата и мисијата Христoва, какo штo прoрeкoл Исаија

Духoт на Гoспoда e врз Мeнe. Зoштo Oн тoа гo гoвoри кoга e рамeн на Духoт какo и на Oтeцoт? Заради свeдoштвo на луѓeтo, какo штo тoлкува св. Златoуст. Нe...

Митрополит Струмички Наум: На рјеках Вавилонских... (12.09.2020)

Митрополит Струмички Наум: На рјеках Вавилонских... (12.09.2020)

Ни покажа и нѐ поучи и како духовно да пораснеме и да ја достигнеме оваа Божествена љубов. Нѐ поучи дека, покрај лоши дела и зборови, срцето треба да го очистиме...

БEСEДА  за исцeлувањe на чoвeштвoтo сo Христoвитe рани

БEСEДА за исцeлувањe на чoвeштвoтo сo Христoвитe рани

Сo Христoвитe рани ниe сe излeкувавмe, така прoрeкува Бoжјиoт прoрoк и сeга ниe знаeмe дeка нeгoвoтo прoрoштвo e вистинскo. Сo Христoвoтo страдањe ниe сe спасивмe oд вeчнoтo страдањe; сo Нeгoвата...

СВЕТИ АПОСТОЛ ПАВЛЕ - КОНТИНУИТЕТ НА ХРИСТИЈАНСКИОТ ИДЕНТИТЕТ

СВЕТИ АПОСТОЛ ПАВЛЕ - КОНТИНУИТЕТ НА ХРИСТИЈАНСКИОТ ИДЕНТИТЕТ

Токму тој конинуитет на овој христијански идентитет кој е спознаен и пренесен од Светите Отци во три степени според начинот на животот во Христа, очистување, просветлување и обожение се поврзува...

Митрополит Струмички Наум: Молитва за цел свет (05.09.2020)

Митрополит Струмички Наум: Молитва за цел свет (05.09.2020)

Кога цел на молитвата (се мисли на молитвата во која постојано го повикуваме името на Богочовекот Исус Христос) е Бог, односно заедницата на секој човек и на сè создадено во...

« »