логоFacebookTwitterYouTubeeMail

 

Праведниот човек и денешницата...

Кога некој е чувствителен, а се наоѓа во сурово окружување што му го загорчува животот, како да издржи? Или треба да пцуе, или нешто слично, или да си замине. Но не може ни да си замине зашто мора да живее од нешто. Газдата му вели:
„Имам доверба во тебе затоа што не крадеш. Но, сепак, меѓу она доброто треба да ставиш и нешто скапано. Меѓу добрите бали со сено, ставај и по некоја скапана!“ Го поставува за шеф за да го задржи, но треба да работи како што му вели газдата за да не го избрка од работа. После овој кутриот повеќе не може ни да спие, почнува да пие таблети. Знаете ли што трпат овие кутри луѓе? Со какви тешкотии, со какви принуди од страна на своите газди се соочуваат многумина на работа. Им го загорчуваат животот. Да ја напуштат работата?
Имаат семејство. Да останат? Проблеми. Ни напред, ни назад; и едниот и другиот пат се тесни. На човекот му доаѓа да пукне од мака. Трпи, се бори.
Додека некој ја извршува целата работа, неговиот колега доаѓа само за да земе плата. Познавам човек кој беше директор. Кога се смениле работите, и него го смениле. Поставиле друг што бил од нивната партија, а кој немал завршено ни средно училиште. Го поставиле за директор, но тој не знаел ништо за работата, па така, ни претходниот не можеле да го постават на некое друго место. Значи, што направиле? Во иста канцеларија ставиле уште една работна маса! Работата ја завршувал стариот директор, а новиот седел; цигари, кафе, разговори... Безобразлук!
Овој уште не бил ни многу бистар и паметен, зборувал сѐ што ќе му паднело на памет, а одговорноста, пак, ја понесувал стариот директор. На крајот, кутриот, бил принуден да си замине. „Можеби треба да одам на друго место. Просторов е мал; нема место за две работни маси. Подобро е ти да останеш овде“, му рекол, станал и си заминал затоа што му го загорчил животот. Тоа не било само еден или два дена. Секој ден да имаш таков човек над глава тоа е вистинско мачеништво!
Праведниот човек, обично, го туркаат на последно место или, дури, му ја одземаат положбата. Постапуваат неправедно кон него, го газат, - „газат преку лешеви“,
- не се вели ли така?
Но, колку повеќе луѓето го туркаат надолу, толку повеќе Бог го подигнува, како плута. Потребно е многу трпение. Трпението разјаснува многу работи. Оној што сака да живее добродетелно и да биде чесен во својата работа, без разлика дали е работник, трговец или нешто друго, треба да има предвид дека кога ќе почне да работи ќе дојде до ситуација да не може ни да плати данок, ако има продавница, за да ја добие Божјата благодат. Само тоа не треба да го прави со цел:
„Ако дојде до тоа, подоцна ќе имам муштерии!“
Во тој случај Бог нема да му помогне. Но кога ќе рече:
„Ќе живеам според Бога, нема да правам неправди, ќе кажам дека ова чини педесет денари, а она двеста денари“, Бог нема да го остави. Меѓутоа, некој друг она што го продава за педесет, тој ќе го продаде за петстотини денари, и ќе се збогати.
Но на крај, овој лажго ќе дојде во ситуација да не може да ги плати даноците, и ќе ја затвори продавницата, затоа што луѓето сето тоа ќе го почувствуваат. Спротивно на тоа, овој чесен човек не ќе може да се снајде во продавницата од многу работа, поради муштериите што ќе ги има; ќе вработи и помошник!
А во почетокот ќе има искушенија. Кога добар човек прима искушенија од рацете на злобните тоа е како да поминува низ чешларница.
Бог не ги благословува делата на оној што соработува со ѓаволот, со злото. Сѐ што прават луѓето во зло, не напредува. Може само да изгледа дека напредува, но на крајот ќе се урне. Најважно е да се побара Божји благослов за сѐ што се работи.
Бог е на страната на праведниот човек.
А кога има уште и малку смелост пред Бога, тогаш се прават чуда. Кога некој живее според Евангелието, стекнува право на Божја помош. Чекори со Христа. Што можеш?
Има право на тоа. Суштината е во тоа.
Повеќе не треба да се плаши од ништо. Она што е важно е тоа дека Христос, Богородица и светителите се успокојуваат поради сите наши дела и тогаш ќе го имаме Божјиот благослов, и благословот на Богородица и на нашите светители, а Светиот Дух ќе живее во нас.
Чесноста е повозвишена од чесниот крст. Ако некој не е чесен, а има чесен крст, како да нема ништо. А ако некој нема чесен крст, но е чесен, добива Божја помош.
А ако има уште и крст, тогаш....!

Старец Пајсиј Светогорец+

 

Извор: ФБ профил на Православен Источник Гевгелија‎

21.07.2018 лето Господово

 

 

 



Видео содржини

Поуки од Светите Отци

krusevoexport

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 492
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Митрополит Методиј - МЕЃУ ПОКАЈАНИЕТО И ПРАВДАЊЕТО

Митрополит Методиј - МЕЃУ ПОКАЈАНИЕТО И ПРАВДАЊЕТО

Духовниот живот не се состои од некакво израмнување на нашите сметки со Бога. Зашто, она што е содржина на нашата побожност, не треба да го извршуваме затоа што тоа така...

Митрополит Струмички Наум:  На Крстот Твој се поклонуваме, Христе (21.03.2020)

Митрополит Струмички Наум: На Крстот Твој се поклонуваме, Христе (21.03.2020)

Деца, разните страдања, при градењето на личносниот однос со Бог, нема да нѐ одминат; ако не поради недоволниот подвиг, тогаш секако поради нашата грешност и суета. Бог најубаво, наместо нас,...

 о. Горан Стојчевски: ЛИТУРГИСКИ МИГ ВО СЕКОЈДНЕВНИОТ ПОДВИГ

о. Горан Стојчевски: ЛИТУРГИСКИ МИГ ВО СЕКОЈДНЕВНИОТ ПОДВИГ

За мене е подобра видливата убавина, отколку убавината изразена во зборови, претпочитам богатство, што е во рацете, отколку богатство вообразено на сон; сакам мудрост, која не сјае на зборови, а...

БEСEДА  за Oтeцoт и Синoт

БEСEДА за Oтeцoт и Синoт

 Физичкиoт свeт би бил сиoт вo тeмнина да нe e свeтлината oд Сoнцeтo. А духoвниoт и мoралниoт свeт, и сиoт чoвeчки живoт, би бил тeмнина, акo нe e свeтлината штo...

Фејсбук православие (07.03.2020)

Фејсбук православие (07.03.2020)

На пример, оној кој нема барем просветлување на умот не може јавно да се занимава со световни теми, а никако, пак, со сложени теолошки теми. Световни теми се: политика, туѓи...

Прот. Александар Шмеман: ПРИКАЗНАТА ЗА СТРАШНИОТ СУД- НЕДЕЛНИ БЕСЕДИ (7)

Прот. Александар Шмеман: ПРИКАЗНАТА ЗА СТРАШНИОТ СУД- НЕДЕЛНИ БЕСЕДИ (7)

 Христос рекол: “Кога ќе пријде Синот Човечки во славата своја и сите свети ангели со него, тогаш ќе седне на престолот на славата Своја, и ќе се соберат пред Него...

БEСEДА за расудувањe пo тeлoтo и пo духoт

БEСEДА за расудувањe пo тeлoтo и пo духoт

Така им рeкoл Сeзнајниoт Гoспoд на Eврeитe: “Виe судитe пo тeлo”, бидeјќи тиe фатилe вo прeљуба eдна жeна и сакалe да ја камeнуваат заради тeлeсниoт грeв. Нo Гoспoд ја сoглeдал...

Прот. Александар Шмеман: ПРИКАЗНАТА ЗА СТРАШНИОТ СУД- НЕДЕЛНИ БЕСЕДИ (8)

Прот. Александар Шмеман: ПРИКАЗНАТА ЗА СТРАШНИОТ СУД- НЕДЕЛНИ БЕСЕДИ (8)

За големото мнозинство на верни луѓе Великиот Пост - тоа, пред се, е кратката молитва, позната под името молитва на Ефрем Сирин, еден од источните христијански учители од ИВ век...

« »