логоFacebookTwitterYouTubeeMail

 


  Zrnca.Sinap.jpg

 БИГОР


КОГА ТЕ ДОНЕСОА беше како јагне. Мал, разбушавен, те извадивме од некаква кутија, мислам од масло дека беше. Тогаш за прв пат нè виде, нас, црнорисците од Зрзе. За прв пат го виде твојот дом, твоето стадо. Помнам, сите бевме возбудени заради твоето пристигнување. Во тоа време ретко кој го посетуваше денешново, со монашки живот обновено Зрзе.
Излезе од кутијата и го излеа твојот глас среде тивката планина. Залаја за да се претставиш, небаре пред многубројна публика. Те слушавме и ние и планината. Иако тукушто одделен од твојата мајка, не покажа слабост, туку храбро ја покажуваше својата независност. Веднаш знаевме дека си за овде. Нè издушка, како што е редот, а ние те погаливме по твојата сивка грива.
— Убаво кутре си — ти се обрати игуменот. — Да го чуваш манастирот и да ги плашиш дивите животни со твојот глас, ете тоа ти е работата. Така ќе го печалиш лебот. Додека има за нас, ќе има и за тебе.
Пролет беше тогаш, пролет е и сега. И сè е исто како и тогаш. Штрковите пристигнаа, птиците црцорат, водите од стопените снегови итаат кон полето правејќи бука низ шумата. Планинава повторно ја покажува својата пролетна разнобојна цветна облека. Сè мириса на живот. Браќата ја подготвуваат бавчата, селаните полето.
Утринава, минувајќи крај тебе, забележав дека се подготвуваш да заминеш. Се погледнавме, се поздравивме. По обичај, воопшто не се пожали. Младото шарпланинче, кое секој ден ти ја крадеше храната, денес ја беше оставило. Стоеше недопрена. „Знам, не ти треба храна за ова последно патување“, си помислив. Потоа заминав по својата работа. Беше пладне кога во манастирот пристигна веста дека си нè напуштил.
Смртта доаѓа како муграта. Кога таа ќе пристигне, човек станува свесен дека некој или нешто го исполнило своето време. И од тој исполнет миг извираат спомени исто како што извираат спомените за преспаната ноќ, кога очите ќе ја видат светлината на новиот ден. Денес се исполни твоето време. И еве нè сега, стоиме и те испраќаме во планината. И низ умот се претеруваат мисли и чувства за кои самиот не сум бил свесен дека се запомнети. И солзите сами се тркалаат по лицето. Ни омилеа и камењава во пустинава, Господи.
Во еден миг молскавично се собрале цели дванаесет години дружење. Во дел од секундата поминува секоја прошетка низ зрзеската планина, кога се запознававме со неа и со нејзините жители. Сите ги знаеше по нивниот мирис, и секому му лаеше со посебен тон. На зајачињата милно, на лисиците строго, а на волците гневно. Мала ни беше планинава тогаш, ниски нејзините врвови.
Наеднаш се враќаат сите зими кои ги помина под прозорецот од кујната. Честопати мислевме дека си смрзнат, дека си умрен, нодоволен беше само еден свиреж и веднаш ја креваше главата од под напластениот снег, барајќи го нашиот поглед.
Но, ете, овие солзи не се плод на спомените од минатото, мил манастирски песу. Јасно ми е зошто ме опфаќа толкава тага од оваа наша разделба. При нашите прошетки низ овие беспаќа, единствено ти, планината и небото бевте сведоци на воздишките по нашиот Бог. При нашите прошетки заедно го чувствувавме Неговото присуство, секој според својот дар. Ете, затоа солзите се леат по лицата на секој од нас пред твоето безживотно тело. Затоа плачеме и кога гори шумата. Оти и бесловесната природа е сведок на секоја средба со Творецот.
Отец Калин и Наум те закопаа крај патот кон стариот рудник. Тој дел од манастирската шума од тој миг доби за сите нас поинакво значење и име. Денес многу подобро ги разбравме зборовите на еден старец — дека не може да си го замисли рајот без своето куче.

еромонах Филип од Зрзе

22-ри февруари, лето Господово 2014



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 713
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Жарко Ѓорѓиевски: Беседа (03.07.2020)

Жарко Ѓорѓиевски: Беседа (03.07.2020)

Свети Наум бил мудар учител, единствен раководител на монасите, решителен подвижник, чудотворен молитвеник и духовник. Тој постојано работел на преводи на светото Писмо и другите богослужбени книги од грчки на...

 Митрополит Струмички Наум: Слово за фарисеите (03.07.2020 )

Митрополит Струмички Наум: Слово за фарисеите (03.07.2020 )

Кој им е проблемот на фарисеите, тогашни, денешни и на сите времиња? Тоа што постојано бараат грешка; но не баш кај секој, туку посебно кај оној на кого се фиксирани....

Митрополит Струмички Наум: Како да ја достигнеме молитвата на срцето (01.07.2020)

Митрополит Струмички Наум: Како да ја достигнеме молитвата на срцето (01.07.2020)

И најважно од сѐ е – на секое зло да враќаме со добро, со љубов. За да ни биде дозволено да ја кажуваме оваа молитва треба и во мислите и...

О.Методиј Митановски: Беседа за 3-та недела по Педесетница

О.Методиј Митановски: Беседа за 3-та недела по Педесетница

Важно е да напомнеме дека и покрај големите и епохални откритија на науката, животот на денешните луѓе не ѐ подобар. Напаротив создаден ѐ кај луѓето страв и немир, наместо радост...

Митрополит Струмички Наум: Кој се гневи, без причина, на братот свој (27.06.2020)

Митрополит Струмички Наум: Кој се гневи, без причина, на братот свој (27.06.2020)

И така, не оди да се причестуваш со Светите Тајни Христови ако не си побарал прошка од братот свој, ако не си му одговорил со љубов или ако не си...

Митрополит Струмички Наум: Умно-срдечната молитва – критериум за вистинско мачеништво (24.06.2020)

Митрополит Струмички Наум: Умно-срдечната молитва – критериум за вистинско мачеништво (24.06.2020)

Наравоучение: православната психотерапија прави разлика меѓу искушенија што ни се случуваат затоа што душевно оздравуваме (очистување на срцето од страстите) или сме доволно здрави (просветлување на умот), од искушенија што...

Митрополит Струмички Наум: АНТИНОМИЧНОСТ (20.06.2020)

Митрополит Струмички Наум: АНТИНОМИЧНОСТ (20.06.2020)

 Антиномично е и кога просторно и временски ограничениот човек станува благодатно секаде присутен, и во време и во простор. Антиномична е и ситуацијата кога обичен човек стекнува таква слобода пред...

БEСEДА  за угледувањe на мравкитe

БEСEДА за угледувањe на мравкитe

Вoлјата на Твoрeцoт, Кoј нè испратил вo oвoј свeт e да твoримe дoдeка смe вo свeтoт. Самиoт Гoспoд Исус запoвeда: Твoрeтe, стражарeтe! Oн ги фали oниe кoи ги умнoжуваат дадeнитe...

Архиепископ Андреј Римаренко: Беседа на Неделата на сите Светии

Архиепископ Андреј Римаренко: Беседа на Неделата на сите Светии

Сите светители кои денес ги славиме го следеле Христовиот пример. И секој од нив, во своето време, во своите животни околности, ја исполнил Божјата заповед за љубовта кон Бога и...

« »