логоFacebookTwitterYouTubeeMail

 

 

Секој има свои пет минути во животот. Ако му се доволни, тогаш секоја чест. Му завидувам. Мене некако малку ми се, па еве години наназад, и јас си имам свои 10 дена во годината. Ги користам на почетокот на постите.

Сум пишувал и друг пат за тие денови. Тоа се тие денови кога исклучувам телефони, мејлови, ФБ, кога чувам еден таен број за нешто неодложно, и си одам во манастирот во Ново Село. Денови кога комплетно сум off.
Манастирот му доаѓа нешто како оаза од чии ѕидини се разбиваат сите светски грижи. До душа, во поново време и тие стануваат порозни и низ нив да се протне некоја вест. Беља е што се протнуваат баш оние што не треба. Оние што ќе ти ја срушат идилата. Претпоставувате кои? Секако, оние најглупите. Глупавите се и најупорни, како што се најупорни и оние што ги измислуваат и се најупорни во нивното пласирање.

И сите тие пласирања на информации си раѓаат ликови како што и секое време си раѓа свои ликови, кои, зависно од која страна на политиката ги гледаш, се или екстремно храбри и патриотски набилдани, или се слабаци и предавници. Мислам дека не треба да се напомене дека оние што за едните се јунаци, за другите се платеници нечии, но и обратно, оние што се оцрнети како платеници се херои на друга маса луѓе.

Прашањето останува отворено, барем за мене, дали сè уште идеите и каузата раѓаат херои, или интересот и користољубивоста се новите инкубатори на јунаци?
И така, додека во манастирот одејќи постојано на богослужби се обидуваме да затнеме уши, да затвориме очи за најновите вести, додека се трудиме да не се поистоветиме со некој тазе херој, да не заземеме страна и да се молиме подеднакво за сите за да не се издигаат херои преку пролеаната крв на братот, или пак некој паднат случаен минувач да биде и паднат херој, во слободното време со бројаницата во едната, а четката во другата рака, си го фарбаме манастирскиот чардак.

Уиграната екипа, мајсторите Зоки и Аце, покрај работата, ќе скршат и некој муабет и ќе споменат некоја локална легенда, па така го спомнаа мајстор

Кротки.


Пред неколку години се упокоил, велат. Поточно трагично го загубил животот при извршувањето на својата патриотска должност. Не, не бил борец. Не бил ни шарен, ни тврдокорен. Не бил ни дежурен пишувач на статуси на ФБ или Твитер. Бил сосема обичен мајстор за лепење церади.

Кротки, покрај занаетот, имал и свое хоби. Планинарел, и тоа активно до последните години од својот живот кога ја префрлил осумдесеттата година. Организирал планинарски маршеви на многу места низ земјава. Велат дека нема домашен врв што не го освоил. Одел и по комшиските врвови на маршеви, а потоа и комшиите ги поканувал да уживаат во убавините на нашите височини. Живеел скромно. Кога ќе го прашале мајсторе, треба ли нешто, смирено ќе одговорел:
- Пиво има, сė има.
И ќе праша некој, добро, во што се разликувал овој човек од сите други, и во што се гледа тој негов патриотизам? Каде е неговото херојство?

Е па, ова старче, откако ќе завршел со дневните обврски, скоро секојдневно ќе го јавнел својот стар точак, на кој претходно ќе ја заврзел лопатата, и ќе излезел надвор од Стојаково. Возел дотаму до каде што ќе ја видел првата дупка на асфалтот. Тогаш ќе застанел, ќе се симнел од точакот, ќе ја одврзел лопатата и ќе донел земја или песок со неа за да ја санира дупката. Не возел кола, но не сакал оние што возат да ги оштетуваат своите.

Еден ден, одејќи повторно да поработи за доброто на другите, автомобил удира во неговиот точак. Кротки тука го завршува својот живот. Кротко, без да излегува по телевизиски дебати за да објаснува кој го удрил и да се удира во гради. Кротко, без да се фотографира за ФБ како фрла бои кон институции во кои се сомнева дека не си ја извршуваат како што треба својата работа. Кротко, без да влече две ленти пред Влада, една црвена и една жолта, за да оцрта граница преку која не смее да се пречекори. Кротко, без да изусти збор, нит на македонски, нит на албански.

Едноставно, заминал кротко, како што и живеел. Децата од тоа време можеби не знаат дека мајстор Кротки се викаше Томе. Верувам дека не се свесни дека живееле покрај голем патриот и херој. Сакам да верувам дека спомнувањето на овој кроток херој, барем кај некого, ќе го разбуди критериумот за херојство.
Ќе има и Македонија подобри денови. Ќе има, но дури тогаш кога ќе роди повеќе вакви кротки херои што со лопата во рака ќе мислат на доброто на сите, и на оние што ги знаат, но и на оние што случајно ќе минат покрај закрпените дупки на патот. А не херои со ленти и балони полни воздух или боја ќе бидат идеал на народот.

Ќе има кога хероите ќе мислат да го заштитат автомобилот на другиот, а не да му го запалат со молотов коктел. Ќе има кога ќе се возат на точак и ќе ги чуваат колите на другите, а не кога ќе прават патишта, од провизиите да си купат уште поубави лимузини.

Само кротко.
Ќе даде Македонија уште многу кротки херои. Можеби за некои од нив никогаш нема ни да си спомнеме. Сепак ќе постојат, и ќе нè љубат сите и ќе се трудат и борат за наше подобро и покротко утре.

 

Отец Пимен

 

Преземено од: http://off.net.mk/bavchi/pimen/samo-krotko

 



Поуки од Светите Отци

krusevoexport

Духовност

Мај 28, 2019

Свети Леонтиј Струмички, патријарх Ерусалимски

Живеејќи во покаен плач и солзи се издвојуваше по особеното почитување и љубов кон нашиот Господ и Неговата Пресвета Мајка. Иако сè уште млад, Преподобниот презема на себе еден тежок подвиг: одеше по улиците на царскиот град правејќи се дека не е со здрав ум,…
Ноември 25, 2018

Акатист кон свети Нектариј Егински

КОНДАК 12Трудејќи се, си ја умножил благодатта дадена од Бога, рабу Божји, добар и верен Нектариј, затоа направи и ние да ја завршиме духовната работа и стекнувајќи ја заработката, да Му запееме на Христа: Алилуја!

Житие на преподобна Параскева – Петка (Епиватска или Трновска)

Окт 30, 2018 Житија 1481
Света и преблажена маченичко Христова Параскево, убавино на девственичките, пофалбо на…

Светскиот првак Адам Ондра во посета на Бигорскиот и Рајчичкиот манастир

Окт 28, 2018 Настани 935
Деновиве нашите две свештени Обители, Бигорски и Рајчица, ги посети во светски рамки…

ПРЕПОДОБЕН ПАХОМИЈ ВЕЛИКИ

Окт 18, 2018 Житија 1186
Паралелно со преподобниот Антониј Велики, основачот на пустинското, анахоретско монаштво,…

Беседи

Архиепископ Андреј Римаренко: Беседа на Неделата на сите Светии

Архиепископ Андреј Римаренко: Беседа на Неделата на сите Светии

Сите светители кои денес ги славиме го следеле Христовиот пример. И секој од нив, во своето време, во своите животни околности, ја исполнил Божјата заповед за љубовта кон Бога и...

Викарен Епископ Јаков Стобиски: Недела на сите Светии

Викарен Епископ Јаков Стобиски: Недела на сите Светии

Недела на сите Светии – едноставно не можеме а да не ги поврземе претходната и денешната беседа. Првата недела по Педесетница Црквата ја посветила на сите Светии, а светоста во...

Поука на вознесение на Господ наш Исус Христос

Поука на вознесение на Господ наш Исус Христос

Поради тоа, браќа, бидејќи нè очекува бесконечна мака, да се потрудиме преку подвиг да ја избегнеме, со милостина да го пречекаме бедниот и да го угостиме, примајќи го туѓинецот, гладниот...

 Викарен Епископ Јаков Стобиски: Недела на слепиот

Викарен Епископ Јаков Стобиски: Недела на слепиот

Но, слепиот човек прогледал дури во оној миг кога станал послушен на Божјата заповед и ја прифатил Божјата промисла за себе, која била поинаква за него, ако ја споредиме со...

Стефчо Беќарски:✥  ШЕСТА НЕДЕЛА ПО ВЕЛИГДЕН ✥

Стефчо Беќарски:✥ ШЕСТА НЕДЕЛА ПО ВЕЛИГДЕН ✥

 Духовното гледање претставува гледање на вистината. Вистината се состои во сфаќање на фактот дека сите ние сме грешни. Духовниот поглед се избиструва кога човекот ќе биде способен да ги открива...

БEСEДА за свeтитe Бoжји луѓe

БEСEДА за свeтитe Бoжји луѓe

Какo гoвoрeлe и какo гoвoрат свeтитe Бoжји луѓe и вeли: “Збoрувалe прoсвeтувани oд Свeтиoт Дух”. Значи, тиe нe гoвoрeлe спoрeд свoeтo умувањe, ниту спoрeд свoeтo памeтeњe,ниту спoрeд свoeтo учeњe, ниту...

За силата на смртта и на крстoт Христoв

За силата на смртта и на крстoт Христoв

Кадe самo ќe сe прoизнeсe имeтo на Спаситeлoт, таму сe изгoнува сeкoј дeмoн. Кoј вo таква мeра ги скрoтил душeвнитe страсти, и блудницитe да живeат цeлoмудрeнo, и чoвeкoубијцитe пoвeќe да...

Митрополит Европски Пимен: “Зар не паѓа дожд од Бога на сите подеднакво? Или Сонцето не свети за сите, исто така?“

Митрополит Европски Пимен: “Зар не паѓа дожд од Бога на сите подеднакво? Или Сонцето не свети за сите, исто така?“

“Зар не паѓа дожд од Бога на сите подеднакво? Или Сонцето не свети за сите, исто така? Зар не го дишеме воздухот сите еднакво? Како тогаш не се срамите да...

БEСEДА  за идoлoклoнствoтo какo прeљуба

БEСEДА за идoлoклoнствoтo какo прeљуба

Каква e таа прeљуба штo ја направил Израилoт и Јудeја (т.e. израилскиoт и јудeјскиoт нарoд) сo камeн и сo дрвo? Тoа e пoклoнeниeтo на идoлитe oд камeн и oд дрвo....

« »