Властите во Украина ја ставаат во сенка претстојната посета на Киев и на Донецк на Неговата Светост Рускиот патријарх Алексиј II (од 26-30 јули), но Поглаварот на Руската Православна Црква не го откажува патувањето, за да отпразнува 1020 години од покрстувањето на Русија со украинската паства којашто го очекува, изјави денес поглаварот на Одделот за надворешни црковни врски на Московската Патријаршија Митрополитот Смоленски и Калининградски Кирил.

„Очигледно е дека државните власти на Украина ставаат особен акцент на посетата на Неговата Светост Цариградскиот патријарх Вартоломеј, оставајќи ја во сенка посетата на Киев од Неговата Светост Рускиот патријарх. На толку голем број плакати со ликот на Патријархот Вартоломеј, со кои е украсен Киев, јас не се сеќавам уште од советско време, кога од секоја раскрсница на нас гледаа партиските лидери”, рече Митрополитот Кирил.

Во предвечерието Митрополитот Смоленски Кирил беше во Киев, каде што зеде учество во проширеното заседание на Светиот Синод на Украинската Православна Црква на повик на Митрополитот Киевски и на цела Украина Владимир.

“Ние воопшто немаме намера да се откажеме од посетата на Киев кој е макја на руските градови, за заедно со рускиот Епископат и со сиот верен народ, надвор од секоја политика, на високо духовно ниво како што им доликува на верните, да го прославиме јубилејот од покрстувањето на Киевската Русија”, истакна Митрополитот Кирил.

Според зборовите на митрополитот Кирил, “православниот верен народ со нетрпение го очекува доаѓањето на Рускиот патријарх, кому е верен во многу тешки политички услови”. “Многу е важно празнувањето на 1020-годишнината од покрстувањето на Русија да биде настан кој ќе сведочи за единството на вселенското Православие и за победата на Православието во украинската земја”.

Неговата Светост Патријархот Алексиј II на свеченостите во Украина ќе присуствува според определена програма. Особено место ќе има Литургијата која треба да се отслужи на 27 јули со учество на поглаварите на помесните Православни Цркви и епископите на Руската, Украинската и Белоруската Православна Црква.

Централното место зазема Литургијата која треба да се отслужи на 28 јули во Киево-Печерската Лавра во чест на светиот рамноапостолен кнез Владимир, покрстителот на Руската земја.

 Извор: МПЦ

Цариградскиот патријарх пристигна во Киев (25.07.2008)

Цариградскиот патријарх Вартоломеј денес пристигна во главниот град на Украина по повод свеченостите посветени на 1020-годишнината од покрстувањето на Русија. На аеродромот го пречекаа претседателот Виктор Јушенко, Митрополитот Киевски и на цела Украина Владимир, членови на Владата и други јавни личности.Според програмата на посетата, Патријархот денес ќе ја посети Киево-печерската лавра и ќе положи цвеќе пред споменикот на кнегиња Олга, на светите Кирил и Методиј, на апостолот Андреј Првоповиканиот и на светиот кнез Владимир.

Вечерва Цариградскиот патријарх ќе отслужи Вечерна богослужба во Софискиот соборен храм во Киев. На службата ќе присуствува претседателот Виктор Јушенко. На службата ќе бидат осветени новите царски двери и новопоставените камбани.

Посети:362

Коментари (2)

2. Пратено од lpa, на 26-07-2008 13:20 apsolutno otsustvo na oset za diplomatija. podobro kazano, nesposobnost da se poseduva takvo nesto...    od druga strana, beskrajna potreba za ligavenje, podlizuvanje, molenje, bezkicmenjashtvo. znam deka komentarov nabrgu kje bide zatrupan so komentari prepolni so ovie karakteristiki sto gi nabrojav, so aminosuvanje, prekrasnuvanje, lelekanje, bravosuvanje...

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
	Сакам да бидам известен/а по email за коментарите на оваа објава