Храм на св. Петка- н. Црниче, Скопје

На 25. 07. 2008 година на денот на  светите маченици Прокл и Илариј, преподобен Михаил Малеин и света Вероника , во храмот посветен на св. Петка во Скопје, се  отслужи Света  Литургија. Во пригодното слово, отец Томе посочи дека денес славиме повеќе светители, но  на верниците посебно   им го објасни и животот и делото на света Вероника:

Тоа е крвоточивата жена којашто во она време Христос ја исцели (Матеј 9, 20). Од благодарност кон својот исцелител Господ, Вероника порача и ѝ направија статуа на Исус Христос и пред неа таа Му се молеше на Бога. Според Преданието оваа статуа била сочувана до времето на царот Јулијан Отстапник, којшто ја претворил во статуа на идолот Ѕевс. Ова е еден од вонредно ретките случаи во Црквата на Исток да бидат употребувани статуи со свети ликови. Како што е познато, подоцна тоа стана обичај во западните цркви. Света Вероника ѝ остана предадена на Христовата вера до својата смрт и мирно почина.

„Наведната глава сабја не ја коси“- но исто така ни сонце нема да види-

 Во продолжение на својата беседа, Отец Томе на верниците им обрна внимание  на воведување на предметот  веронауката  во образовниот систем, и дека  сме   сведоци  на отпорот кој се прави поради тоа. Деновиве,  исто така, се организираат  разни трибини и се со цел да се спречи  изградбата  на црква во центарот на Скопје.

Понатаму, тој укажа, дека сепак најголемото  богатство  е човекот, и во овој земен живот да изнајдеме сили и љубов, и да си простуваме еден на друг, зашто се можеме да вратиме, и здравјето можеме да го вратиме, но човекот ако го изгубиме,  ништо повеќе не можеме да сториме. На крајот од беседат  на верниците им  посака телесно здравје и духовно спасение.

Посети:699

Оставете Ваш коментар

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
	Сакам да бидам известен/а по email за коментарите на оваа објава