„Етиди за оркестар и други обични сеќавања“ е насловот на авторскиот концерт на композиторот Никола Коџобашија, кој вечерва во Домот на АРМ во 20,30 часот ќе се одржи во рамките на манифестацијата „Скопско лето“. Концертот на Коџобашија е последен за оваа сезона од циклусот концерти на Македонската филхармонија под наслов „Џез-симфониски концерти“, или концерти со еден малку поинаков звучен пристап од оние кои се дел од редовната програма на оркестарот, а кои оваа инстиуција почна да ги реализира годинава. Диригент на вечерашниот концерт е Борјан Цанев, а како специјални гости ќе настапат Кирил Џајковски на електроника и перкусионистот Крис Катлер од Велика Британија.

Вечерва ќе бидат изведени пет авторски композиции на пијанистот и композиторот Никола Коџобашија, кој неколку години наназад живее и работи во Велика Британија каде што предава на Колеџот во Плимут, на одсекот за Креативна музичка технологија и Композиција за телевизија и филм. Автор е на музика на повеќе играни и документарни филмови, како и на музика за театар, а неговите дела се изведени со одличен прием на повеќе театарски сцени во Британија и Македонија. Во британскиот печат добива ислкучителни критики за музиката на претставите „Хекуба“ (режија Џонатан Кент), „Птици“ (Аристофан) во продукција на Националниот театар во Лондон, како и претставата „Баханалии“ во режија на Питер Хол. Документарните филмови со музичка подлога на Никола Коџабашија се емитувани на програмите на Би-би-си, како и на повеќе фестивали во САД и Велика Британија. Во 2004 година, е номиниран е за престижната награда на Британската уметничка фондација.

Оставете Ваш коментар

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
	Сакам да бидам известен/а по email за коментарите на оваа објава