Старец Мојсеј Оптински

На Вашето барање да дознаете од мене „дали сте Вие овца и дали сте од моето стадо“, со ова писмо со чисто срце Ви одговарам: ако сакате да знаете – дали сте овца, во тој случај треба да замислите вистинска овца, во нејзиниот реален облик и особини, и со неа да се споредите себеси.

Вистинската овца нема рогови, нема глас против оној кој ја пасе, не подбуцнува, не се турка, и не гризе. Не се озлобува на пастирот, дури ни кога ја казнува, не се кара и никако никого не злослови. Пастирот, пак, во секој случај го слуша, пред него спокојно и со надеж оди, и неговите краеви не ги напушта; туѓиот глас не го слуша и кај туѓите не оди. Гласот на пастирот, пак, така го слуша, и така следи по него, што нема никакви предрасуди и предубедувања, и макар и да ја понел на место без треба, макар и да ја одвел во мочварни предели, таа нема да ропта, да злослови и да се жали на него. Ете, тоа се особините на вистинската овца, колку јас можев да ја претставам и замислам.

Погледнете, сега, на себе: дали Вие сте овца? Ако Вие навистина се сметате себеси за овца, незлобива и безгласна, на мене само ми останува да Ви кажам на кое стадо му припаѓате, оти овца без стадо и пастир – храна му е на волкот. Јас, пак, тоа не можам сосема точно да го одредам. Самата овца знае на чие стадо му припаѓа и кој и е пастир. Се знае дека овцата надвод од своето трло во туѓо не оди, од што следи дека таа самата знае на кое стадо му припаѓа, кој и е пастир и кое и е трлото: “го позна волот оној кој го впрегна и магарето јаслите на господарот свој. Израел пак Мене не Ме позна. Слушај го небото и кажи и на земјата.“

Што се однесува до мене, бидете спокојни: јас на Вас не се гневам за ништо; туку со искрено расположение, со љубов и добронамерност и останувам засекогаш на располагање на Вашата душа.

(Од писмото на старец Мојсеј Оптински на една духовна ќерка)

 Подготви:Б.Ѓ.

Посети: 1242

Коментари (2)

1. Пратено од M., на 17-06-2008 19:26 Bravo, za ovoj podarok!

2. Пратено од Д, на 17-06-2008 22:28 Многу добро!

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
	Сакам да бидам известен/а по email за коментарите на оваа објава