ТЕОДОРОВА САБОТА

 Напредувајќи од безбожието во православната вистинска вера, и просветлени со светлината на знаењето, да заплескаме со рацете и да запееме гласно, принесувајќи пофалби и благодарност на Бога; и со достојна почит да се поклониме на светите икони на Христа, Пречистата Дева и Светителите, било да се насликани на ѕид, дрво или свети садови, отфрлајќи го безбожното учење на еретиците. Зашто, како што свети Василиј рече, почитувањето кое се укажува на иконите се пренесува на ликот кој е на неа изобразен. По молитвите на Пречистата Твоја Мајка и сите Свети, Те молиме, Христе Боже наш, подари ни голема милост.
Сабота, Вечерна воочи Неделата на Православието

 Поуки од светите отци: Прекрши го лебот свој и дај им на бедните. Не даваш свое. Бог затоа тебе ти дал повеќе и ти да би давал на другите. Тебе ти е доволен насуштниот леб, како и си се научил од молитвата; затоа не си собирај слама за оган и мачење.
Свети Ефрем Сирин

Молитва:
Боже, со Својата голема милост и љубов погледни на нас, луѓето Твои, за Твојата благодат секогаш да нè поучува, води и го сочува нашето тело и душа, Ти, со Синот Твој и Господ наш, Исус Христос. Амин.

Читање од Светото Писмо:
Послание до Евреите 1, 1-12
Свето Евангелие по Марко 2, 23-3, 5

  Созерцание: И им рече Господ: »Саботата е создадена за човекот, а не човекот за саботата. Па така, Синот Човечки е господар и на саботата. «
Свето Евангелие по Марко 2, 27-28

 Подготви : А.Л.

Посети:800

Коментари (2)

Внеси коментар
Ве молиме внесениот коментар нека се однесува на објавата. Коментарите со лични вербални напади нема да бидат објавени. Не користите коментари за рекламирање на вашата страна. Истите ќе бидат избришани. Само кликнете на *Refresh* копчето од вашиот прелистувач за нов безбедносен код.
Име:
E-mail
BBCode:
Коментар:
	Сакам да бидам известен/а по email за коментарите на оваа објава