логоFacebookTwitterYouTubeeMail

 о. Горан Стојчевски
ДАР НА СВЕТОТ, ИКОНА НА ЧОВЕКОТ, УЧИТЕЛКА НА ПОСЛУШАНИЕТО, ПЕДАГОГ НА СЛУЖЕЊЕТО, ПРВИОТ ИСИХАСТ, РОДИТЕЛКА НА ВЕЧНИОТ ЖИВОТ, БОЖЕСТВЕН ЦВЕТ НА Сè СОЗДАДЕНО
(ПРЕСВЕТА БОГОРОДИЦЕ, СПАСИ Нè)



„Она не е божица, Она е нешто попрекрасно и позначајно за нас. Она е Богородица, а јас, како да ти објаснам за Неа драг читателе, кога тие зборови ги нема„.- митрополит Наум

7.Vselenski.sobor


„Кога и да се загледаме радосно во иконата каде што Мајката Божја е со Богодетето в раце, ние одново почнуваме да ја согледуваме онаа единствена и вистинска слика на светот, животот и човекот...во Неа ни се откри вистината за нас самите„.- о. А. Шмеман


Вообичаено издвоените цитати на секој текст ги избирам откога ќе го завршам текстот, сега, прво нив ги издвоив за да можам некако да почнам, да пишувам за Пошироката од небесата, а сепак ова само се зборови, слова на грешен човек, кој на Страшниот и општ суд нема да се срами за своите мисли,зборови и дела од Самиот Спасител, туку ќе се срами од Пресветата, Пречиста, Преблагословена, Славна Владичица наша Богородица и секогаш Дева Марија.

Нема да кријам дека и првиот цитат издвоен од целината* зборува сè (проповед „Она не е божица, Она е Богородица, митрополит Наум, Водоча, 2016 год.),не зборуваме за догматската точност, исповедничката благодарност и благородното сведоштво кое извира од личниот опит, кој нема потреба да се троши на објаснување на догматите кои ревносно го утврдиле почитувањето на Мајката Божја, наспроти сите ереси и застранувања кои произлегле токму од непочитувањето на Богородица, оттогаш, за жал и до ден денешен. Вознемирувачки не е, ако тоа се случува кај останатите, туку меѓу православните кои можат да бидат молчаливи кон секоја навреда, но не и кон Мајката на Вечниот Живот. Нема потреба од објаснувања, туку како драги читатели да се свртиме кон суштината, дека молитвеното искуство кон Богородица, Таа единствена тихувателка и патоводителка низ исихијата, нè приведува во заедницата од која се откинавме, а еве повторно ни е дадена можност, не само да се вратиме, туку да црпиме благодат врз благодат, како што вели светиот Јован Богослов, токму преку Богородица, Која од името на светот и човекот му кажа да на Бога, а потоа сите зборови на Својот Син ги сложуваше во срцето, покажувајќи совршен пример на молитвено тихување, послушание и служење. Ако Христос, Единородниот Син Божји е единствената, очистителна, искупителна и спасителна Жртва за човекот и светот, Пресвета Дева е дарот на светот и човекот на Бога, каква синергија, неиглаголива ненаметливост на Божјиот домострој!

Kако што забележал еден отец, Евангелието ни зборува: „зашто Бог толку го возљуби светот што го даде и Својот Единороден Син...„, но, Црквата, одговара на таа благавест: „Толку светот Го засака Бога што му ја даде Онаа во чија убавина и чистина се открива смислата, содржината и целта на светот„. Продолжувајќи можеме да се внурнеме во содржината на божиќните химни, како што вели отецот, си спомнуваме на стиховите:

„Што да Ти принесеме, Христе? Сè што создаде Те сретна Тебе со своите дарови. Небото Ти принесува – ѕвезда, ангелите песна, мудреците – дарови, пастирите – радост, земјата – пештера, пустината – јасли, А, ние луѓето, Ти принесуваме на дар – Мајка и Дева...„

** („Смислата на празниците„,о.А.Шмеман, Икона, Скопје 2008 год.).

Во Дева Марија се одвива светотаинското венчавање на Бога со светот и исполнување на взаемната љубов на Бог и светот. Бог ни дарува живот во Христа, но човекот ја дарува Пресвета Дева за да влеземе во Ток живот. Преку Неа Синот Божји стана Син Човечки, за ние во Неа да станеме синови Божји. Иако, светот по гревопадот се оддалечи од Бога, а Бог определи преку избраниот народ, Дева да зачне и да роди го роди Емануил, што значи со нас е Бог, но сепак во сите религии колку и да било затемнето сеќавањето за избавувањето на светот и човекот од гревот, смртта и ѓаволот, сепак среќаваме за култови за Големата Мајка, за Вечната родителка, со што како што вели антропологот Мирча Елијаде, да се организира светот, за да се објасни тајната на неговото создавање и обновување („Историја на верувањата и религиските идеи„, Табернакул, Скопје, 2005). Кога веќе ја споменавме темнината, да го споменеме и свети Григориј Палама, кој низ личен опит и само низ кратка молитва го објаснил дека просветлувањето во Христа е единствено можно низ молитвеното застапништво на божествениот цвет на сè созададено, Пресвета Богородица, и вели: Господи Исусе Христе, по молитвите на Богородица, просветли ја мојата темнина. Надоврзувајќи се на Палама, свети Јосиф Исихаст, сведочи дека нашиот труд во молитвата е поврзан со дарот на солзите, штом го чуеме името на Пресветата Владичица и преслаткото име Исусово, веднаш да ни надојдат солзи.

Наоѓајќи се во манастирската црква во која заради просторот е изоставен архиерејскиот трон сето споменување на Великиот Вход неминовно те води со погледот кон иконата на Пресвета Богородица, уверувајќи ме дека нашите Предложени дарови по Нејзините молитви ќе бидат принесени и примени, за сите и за сè. Бидејќи само Дарот на сето човештво и од сиот свет, може да ни овозможи да ги примиме Телото и Крвта Христови и така соединети со Него, да го измоли за нас дарот на Светиот Дух, умносрдечната молитва која таа ни ја откри како срж на православното предание.

Но, редно е да замолчиме и да се внурнеме во тишината на зборовите од молитвата, Богородице Дево, која е врата за сите свети Тајни и чинодејствија во Црквата, а со мир да излеземе во светот повторувајќи непрестајно: Пресвета Богородица, спаси нè.


П.С. Сега ни е јасно дека Пошироката од Небесата не може да се смести во схоластичкиот шаблон за Неа, наречен мариологија во кој иако се собрани сите догмати на Црквата за Неа, сепак така терминирано и шаблонски грешиме и лутаме, надевајќи се само на својата логика и разум, а пред сè треба да се гради само низ личен опит, личниот однос преку молитвата, а потоа нема да ни бидат потребни повеќепотребни објаснувања.

 

Извор: ПРЕМИН бр.139/140

 

30ти ноември 2019 лето Господово

 

 

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 716
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Митрополит Европски Пимен (03.07.2020)

Митрополит Европски Пимен (03.07.2020)

Да си споменеме за да поверуваме во она дека сė што е соединето со Бога е спасено, та освестеното да го примениме во нашите животи. Да престанеме да ги распнуваме...

Митрополит Струмички Наум: Кажи само збор (04.07.2020 )

Митрополит Струмички Наум: Кажи само збор (04.07.2020 )

Исто така, извршен e и Литургискиот (Евхаристиски) збор, и тој е збор во сила; извор на слово во сила, кое повторно и повторно го обновува светот; затоа што Христос е...

О. Жарко Ѓорѓиевски ✥Беседа за св. Наум Охридски✥  (03.07.2020)

О. Жарко Ѓорѓиевски ✥Беседа за св. Наум Охридски✥ (03.07.2020)

Свети Наум бил мудар учител, единствен раководител на монасите, решителен подвижник, чудотворен молитвеник и духовник. Тој постојано работел на преводи на светото Писмо и другите богослужбени книги од грчки на...

Митрополит Струмички Наум: Слово за фарисеите (03.07.2020)

Митрополит Струмички Наум: Слово за фарисеите (03.07.2020)

Кој им е проблемот на фарисеите, тогашни, денешни и на сите времиња? Тоа што постојано бараат грешка; но не баш кај секој, туку посебно кај оној на кого се фиксирани....

Митрополит Струмички Наум: Како да ја достигнеме молитвата на срцето (01.07.2020)

Митрополит Струмички Наум: Како да ја достигнеме молитвата на срцето (01.07.2020)

И најважно од сѐ е – на секое зло да враќаме со добро, со љубов. За да ни биде дозволено да ја кажуваме оваа молитва треба и во мислите и...

О.Методиј Митановски: Беседа за 3-та недела по Педесетница

О.Методиј Митановски: Беседа за 3-та недела по Педесетница

Важно е да напомнеме дека и покрај големите и епохални откритија на науката, животот на денешните луѓе не ѐ подобар. Напаротив создаден ѐ кај луѓето страв и немир, наместо радост...

Митрополит Струмички Наум: Кој се гневи, без причина, на братот свој (27.06.2020)

Митрополит Струмички Наум: Кој се гневи, без причина, на братот свој (27.06.2020)

И така, не оди да се причестуваш со Светите Тајни Христови ако не си побарал прошка од братот свој, ако не си му одговорил со љубов или ако не си...

Митрополит Струмички Наум: Умно-срдечната молитва – критериум за вистинско мачеништво (24.06.2020)

Митрополит Струмички Наум: Умно-срдечната молитва – критериум за вистинско мачеништво (24.06.2020)

Наравоучение: православната психотерапија прави разлика меѓу искушенија што ни се случуваат затоа што душевно оздравуваме (очистување на срцето од страстите) или сме доволно здрави (просветлување на умот), од искушенија што...

Митрополит Струмички Наум: АНТИНОМИЧНОСТ (20.06.2020)

Митрополит Струмички Наум: АНТИНОМИЧНОСТ (20.06.2020)

 Антиномично е и кога просторно и временски ограничениот човек станува благодатно секаде присутен, и во време и во простор. Антиномична е и ситуацијата кога обичен човек стекнува таква слобода пред...

« »