Свети Симеон Нов Богослов

Колку повеќе човекот слегува во длабочината на смирението и се презира себеси како оној што е недостоен за спасение толку повеќе тој плаче и им дава слобода на потоците солзи. Според мерата на тие солзи во срцето се буди духовната радост и заедно со неа се излева и расне надежта што ја утврдува потполната увереност во самото спасение.

На  1 октомври   2010 година, во 19-ттата  недела по Педесетница, на празникот на , свети Евмениј, епископ Гортински на Крит,  светата маченичка Аријадна   во храмот на св.Петка но населбата Црниче,во Скопје, отец  Зоран отслужи  Божествена Литургија. На Литургијата верниот народ се причести со Светите Христови Тајни.

Свето Евангелие од светиот апостол Марко (зач. 52)

Во она време дојде Исус во Ерусалим; а кога одеше низ храмот, се приближија до Него првосвештениците и книжниците, и старешините, па Му рекоа: „Со каква власт го правиш тоа и кој Ти ја дал таа власт, да го правиш тоа?“ Исус им одговори и рече: „Ќе ве прашам и јас за нешто и одговорете Ми; тогаш и Јас ќе ви кажам, со каква власт го вршам тоа. Крштевањето Јованово од небото ли беше, или од луѓето? Одговорете Ми!“ А тие си мислеа во себе и велеа: „Ако кажеме ,Од небото’ - ќе рече: ,Па зошто не му поверувавте?’ Но, ако кажеме, ,Од луѓето’“ - се плашеа од народот; зашто сите го сметаа Јована за вистински пророк. И кога Му одговорија на Исуса, рекоа: „Не знаеме.“ А Исус им одговори и рече: „Ни јас не ви кажувам, со каква власт го вршам тоа.“

По Литургијата

Лето Господово 2010