На денот кога Светата православна црква го чествува споменот на Светиот пророк Елисеј; Свети Методиј, патријарх Цариградски; Преподобен Нифонт, Митрополитот Повардарски г. Агатангел отслужи Света Архиерејска Литургија во сослужение на Митрополитот Европски г. Пимен и бројно свештенство од Повардарската и Европската епархија на МПЦ. Соборниот храм на Повардарската епархија „Св. вмч. Пантелејмон“ во Велес беше духовниот центар на Литургиското заедничарење на свештенослужителите од двете епархии и верниот народ. На Литургијата Митрополитот Европски г. Пимен благоволи и го ракоположи секретарот на Епархијата европска, дипл. теолог Антоние Попоски во чин ѓакон. На Литургијата молитвено присуствуваа голем број верници, а дел од присутните застанаа пред Светиот Путир и се причестија со Светите Христови дарови.