Денес кога Светата Црква го празнува Св. свештеномаченик Игнатиј Богоносец, во храмот на Св. Ѓорѓи Кратовски во Детроит, САД, беше отслужено Бдение и Божествена Литургија. Радоста беше голема кај верниците кои имаа можност за прв пат на македонски јазик, благодарение на преводот на Вечерната и Утрената служба, да му воздадат слава на маченикот Христов. На службата присуствуваа и гости од црквата Св. Петка од Чикаго.

Единствен храм во Македонија посветен на овој голем Христов угодник се наоѓа во манастирскиот комплекс Успение на Пресвета Богородица во с. Јанковец, Ресен.
Храмот е целосно завршен однадвор а се финализираат работите околу фрескоживописот.

од Вечерната, глас4 на Господи повикав:
Блажени Игнатие, достојно именуван Богоносец, кога милоствивиот Господ те зеде во Своите раце, за да ти ги открие догматите на врвната философија тогаш ја прими светлината со многубројни зраци и , како сунѓер што ја прима водата така и ти нацрпи од бездната на просвештението. Затоа Го следеше Христа нашиот Бог, Кој те повика. Него моли Го, да ги спаси и просветли душите наши.

Известува: Александар Божиновски

{moshits}