Божествена Литургија во храмот Рождество на Пресвета Богородица, Скопје (07.07.2020)

3.angeli.so.truba

Скопје, 7ми јули 2020 г.- храм Рождество на Пресвета Богородица

3.angeli.so.truba

На 7ми јули .2020 година, во четвртата недела по Педесетница, кога Македонската православна црква- Охридска архиепископија молитвено го прослави споменот на Раѓањето на Свети Јован Предвесник и Крстител Господов,свештеникот Борислав Лазов во солужение на ѓаконот Благоја Ристевски, отслужи Божествена Литургија во храмот Рождество на Пресвета Богородица во Скопје.На светата Литургија, верниот народ се причести со Светите Христови Тајни.На крајот на Литургијата отецот произнесе празнична беседа.

3.angeli.so.truba

Поука на денот: Старец Ефрем Филотејски

Кој пример би бил поубав од Господ Исус! Зарем послушноста кон Отецот не Го одведе до Крстот и до смртта? Зарем Тој, бидејќи единосуштен на Отецот, не можел да се спротивстави на ова? Тој, меѓутоа, тоа не го стори. Додека се качувал на Голгота, чекорел во пот и паѓал на колена со болка, под бремето на отсекувањето на сопствената волја. Требало Тој да се искачи, да го досегне нејзиниот врв и да биде воздигнат на прославениот и за демоните страшен Крст, да го покаже совршеното и апсолутно послушание и да се здобие со непропадливиот венец на вечната слава. На тој начин се здобиваме со воскресението на душата, а не со самоволно колебање меѓу послушанието и непослушанието. Нема да стекнеме венец така, туку со драговолно жртвување. Сите пречки се совладуваат со цврстата решеност попрво да се умре одошто да се изневери должноста на послушанието.

3.angeli.so.truba