Скопје, 14ти јуни 2020г.- храм на св.Јован Крстител, н.Капиштец
На 14.06.20120 година, во нашата света, соборна и апостолска Цркви молитвено се прослави споменот на :
- Св. мч. Јустин Философ;
- Агапит Печерски (поклади)
Во првата недела по Педесетница, кога Македонската православна црква- Охридска архиепископија молитвено го прослави споменот на Св. мч. Јустин Философ; преп. Агапит Печерски (поклади), свештеникот Михаил Таневски во сослужение на ѓаконот Игор Трпкоски oтслужи Заупокоена Литургија,за спомен на починатиот прфесот Петко Златески, во храмот на св. Јован Крстител, во скопската населба Капиштец. Верниот народ се причести со Светите Христови Тајни.На крајот на Литургијата отецот произнесе неколку пастирски поуки.Во својата беседа отец посочи колку е голема потребата од нашата молитва за упокоените во верата праотци, отци, нашите роднини, со надеж на Воскресение и вечен живот.
„Но, состојбата на починатите, кои се на оној свет, не е конечна. Ако Господ ни вели дека секој исповедан и покајан грев ќе ни биде простен, ние веруваме дека семилостивиот Господ, за кого сите се живи, може да ги прости гревовите и на возљубените од нас, покојници.
Како можат да бидат простени тие гревови? Молитвите, милостињата и помените правени во чест на покојните, можат да покријат многу гревови. Молитвата за упокоените е воведена уште во Литургијата составена од св.апостол Јаков, а св. Василиј вели дека Господ ги прима од нас молитвите и жртвите за оние, кои се во адот.“
Преминпортал (к.т.)
Друго:.
