Со благослов на Митрополитот Повардарски г. Агатангел, во очи на најголемиот христијански празник - Воскресението Христово, се подготви и се испечати реиздание на православниот „Молитвеник“. Ова е трето реиздание на „Молитвеникот“ во Повардарската епархија, кое го подготвивме во два различни печатени концепти, во меко печатење и со тврда корица. Ова ново издание на „Молитвеникот“, освен досегашните молитви, дополнет е со акатистите „Слава на Бога за сѐ“ и кон Ангелот чувар, и повеќе молитви кон повеќе светители и за разни потреби. Тука се и молитвите кон светителите чии имиња ги носиме и оние кои ги славиме како домашни слави - домашни закрилници. Новото издание може да се најде во сите храмови на Повардарската епархија или да се порача директно од издаваштвото на Повардарската епархија на тел. 043 221 231.

http://www.povardarska-eparhija.org.mk/pe/